Wina'am nyaŋ o bi'emnam
76
1 Nidib mi' Wina'am Juda teŋin;o mɔr yʋ'ʋtita'ar Israel teŋin.
2 O Fuug Sʋgʋr bɛ Salem tempʋʋgin,
ka o bɛllim zin'ig bɛ Zion Zuorin.
3 Ani ka o kɔ' piema banɛ tɔɔnd la,
la'am nɛ gbanti'edʋg nɛ sʋ'ʋraad nɛ zaba la'ad wʋsa.
4 Fʋ vɛnlim la anɛ nɛɛsim,
ka mɔr na'asi nwɛnɛ na'akanɛ zab o dataas zuor zugʋ
nyaŋi ba ka yʋ'ʋn lɛbid na.
5 Ba faaɛn dap banɛ mɔr sʋnkpi'euŋ la la'ad wʋsa
ka kɛ ka ba digi.
Ba gbisya ka kʋ lɛn duoe;
zabzabidib la baa yinne
kʋ nyaŋi ʋk nu'ug ya'asɛ.
6 O Jakob Wina'am, fʋ da tansya,
ka widi nɛ zaba tɛrekonam digin baanlimm.
7 Fʋn ma'aa nar ye ba zɔtif.
Fʋ sʋnf ya'a pɛligɛ anɔ'ɔn na nyaŋi zi'enɛ fʋ tuonnɛ?
8-9 O Wina'am, fʋ duoe zi'en ye fʋ kad saria,
ka faaɛn nimbanɛ ka ba mugusidi ba teŋin la
fʋ naan arezana ni ka tisi fʋ sariakadib na,
ka dabiem gban'e teŋgbauŋ la dim ka ba an baanlimm.
10 Sida fʋ sʋnf ya'a ti pɛlig nɛ nidib li zun'odi fʋ yʋ'ʋr,
ka banɛ nyaŋi yii fʋ sʋnpɛɛnnin la na lɛb nya'aŋ.
11 Yanamɛ yɛl si'eli zi'eli ya Zugsɔb Wina'am la asɛɛ ka ya maali li bʋn;
kɛl ka tɛɛns banɛ kpi'e la wʋsa
mɔri ba piini na tis onɛ nar ye ba zɔt o la.
12 O kɛ ka na'anam banɛ kpi'em hali la nini ma'ae;
dunia wʋsa na'anam zɔt o nɛ.