Winsɔsʋg kanɛ bɔɔd sʋŋir
70
1 M Wina'am, kem tɔ' na faanm!O m Zugsɔba, kem tɔ'ɔtɔ na sʋŋim!
2 Banɛ ieedim ye ba kʋʋm la,
kɛl ka ba ya'am fɛndig, ka ba di nyan;
Banɛ wʋsa bɔɔdi m san'auŋ la
na fɛndigi lɛb nɛ nyan.
3 Kɛl ka nyan di banɛ la'ad mam
ye, “Hahaa, hahaa la!”
4 Amaa banɛ wʋsa ieedif la sʋnf na malis
ka ba na mɔr sumalisim nɛf;
kɛl ka banɛ nɔŋi fʋ faangir la yɛt saŋa wʋsa ye,
“Wina'am la yʋ'ʋr na nyɛ zun'or!”
5 La'am nɛ wala, m anɛ nɔŋdaan ka an fara sɔb
kem tɔ'ɔtɔ na, O Wina'am.
Fʋnɛ aan m sʋŋid nɛ m faangid;
O Zugsɔba, da yuugɛ.