Yʋʋma 67

Bareka pʋ'ʋsim yʋʋm

1 Wina'am na zɔɔ ti nimbaanlig ka niŋi ti bareka

ka kɛ ka o nindaa nie ti san'an na.

2 Ka li kɛ ka nidib baŋ o suoya la,

ka tɛɛns wʋsa na wʋm o faangir la yɛla.

3 Wina'am, kɛl ka nidib dʋ'ʋsi fʋ yʋ'ʋr,

kɛl ka tɛɛns wʋsa nidib zun'ʋf.

4 Kɛl ka tɛɛns la na mɔr sumalisim ka yʋ'ʋm nɛ sumpielim,

bɔzugɔ fʋ gur nidib la lin nar si'em

ka pa'an tɛɛns banɛ bɛ dunia ni la suosʋma.

5 Wina'am, kɛl ka nidib dʋ'ʋsi fʋ yʋ'ʋr,

kɛl ka nidib wʋsa zun'ʋf.

6 Ala ka teŋgbauŋ la na du'a zʋʋd bɛdegʋ,

ka Wina'am onɛ aan ti Wina'am la na niŋi ti bareka.

7 Wina'am na niŋi ti bareka,

ka dunia nwa wʋsa nidib na zɔɔ o.