Ieem Wina'am nɛ nimmua
63
1 O Wina'am, fʋ anɛ m Wina'am,m ieedif nɛ nimmua;
fʋ yɛla kɛ ka ku'onuud mɔri m siig
ka m niŋgbina bɔɔdif hali
zin'ikanɛ ka ku'om kae
ka teŋ la kʋdig bar-bar nwa ni.
2 M nyɛɛf fʋ, fʋ pʋ'ʋsim Yin la
ka nyɛɛ fʋ paŋ nɛ fʋ na'am pipilim an si'em.
3 Fʋ nɔŋilim la zu'oe gaad vʋm la zug,
m nɔɔr na wɔ'ɔgif.
4 M vʋm saŋa wʋsa m na zun'e fʋ yʋ'ʋr,
ka fʋ yʋ'ʋrin la ka m na ʋkidi m nu'us.
5 M tigi gaad man na di disʋŋ;
m nɔɔr na yʋ'ʋm yʋʋma zun'ʋf.
6 M dig zin'igin m tɛnri fʋ yɛla;
M tɛn'ɛsidi fʋ yɛla yʋ'ʋŋ wʋsa.
7 Fʋn aan m sʋŋid la zug,
ka m su'a m mɛŋi fʋ kpʋkpama lɛuŋʋn.
8 Fʋn ka m gban'e mɔr kiŋ-kiŋ
ka fʋ datiuŋ nu'ugʋ gurim.
9 Banɛ bɔɔd ye ba yisi m nyɔvʋr la na paam san'auŋ;
ba na sig kpi'im teŋ.
10 Ba na kpi zaba ni
ka lieb diibi tis sian'anr bʋnkɔnbid.
11 Amaa na'ab la na mɔr sumalisim Wina'am san'an;
banɛ wʋsa pɔɔd nɛ Wina'am yʋ'ʋr la na wɔ'ɔg o,
amaa banɛ an ziri dim la, nɔya na an baanlimm.