Winsɔsʋg kanɛ bɔɔd nyaŋira
60
1 Wina'am, fʋ zan'asi ti ka san'ami ti;fʋ sʋnf pɛlig nɛ ti.
Kɛl ka ti lɛm paae fʋ ya'am ya'as!
2 Fʋ dam teŋ la yɔ'ɔgi li;
maalimi li lɛbis, ka li da san'am naae.
3 Fʋ kɛya ka fʋ nidib nyɛ mugusʋg,
ka kɛ ka ti gɛrid nwɛnɛ daam ka ti nunɛ.
4 Amaa banɛ zɔtif la, fʋ nɔk tuuta sɛɛ tisi ba
ye ba zɔɔ la'as anina zaba saŋa.
5 Faanmi ti ka sʋŋi ti nɛ fʋ paŋ la,
ka ala ka banɛ ka fʋ nɔŋ la na paam yɔlisim.
6 Wina'am naan o zin'ikanɛ an kasi la nii pian' ye,
“M na pʋdig Sekɛm teŋ la nɛ paŋ
ka mak Sukot Bɔn'ɔg la.
7 Gilead teŋgbauŋ la anɛ m din,
ka Manase sʋ'ʋlim mɛ aan m din:
Efiram anɛ m tanp zupibig,
ka Juda aan m na'am dansaar.
8 Moab anɛ lakanɛ ka m mɔri piesid,
ka Edom aan m ta'ada digilʋg zin'ig;
Filistia ka m tansid,
man nyaŋi ba la yɛla.”
9 Anɔ'ɔnɛ na mɔrimi kpɛn' tempʋkanɛ kpi'em la ni?
Anɔ'ɔnɛ na ta'asim Edom teŋinɛ?
10 Li ka' fʋnɛɛ, O Wina'am? Ka' fʋnɛ zan'asi ti
ka pʋ lɛn dɔlli ti soogianamɛ yit tanp laa?
11 Sʋŋimi tii zab nɛ ti dataas la,
ka ninsaal sʋŋir ka' gbinnɛ.
12 Nɛ Wina'am paŋa ti na nyaŋ,
bɔzugɔ, o na nɔɔ ti dataas la digil teŋin.