Na'akanɛ Gaad Na'anam Wʋsa
47
1 Buudi wʋsa pʋ'ʋsim nu'us;yʋ'ʋmmi nɛ sumalisim tis Wina'am.
2 Zugsɔb Onɛ Gaad Si'el wʋsa la anɛ onɛ ka ya na zɔt o,
onɛ an Na'atita'ar ka sʋ'oe dunia wʋsa!
3 O nyaŋ buudi wʋsa tisi ti,
ka nidib la lɛbi ti nɔba teŋir.
4 O gaŋ faari tisi ti,
ye li dʋ'ʋs Jakob onɛ ka o nɔŋ la yʋ'ʋr.
5 Wina'am duoe zin' o na'am gbauŋ zug
ka ba tansid nɛ sumalisim,
ka piebid na'atana.
6 Yʋ'ʋmmi zun'or yʋʋma,
yʋ'ʋmmi zun'or yʋʋma tisi Wina'am;
yʋ'ʋmmi zun'or yʋʋma,
yʋ'ʋmmi zun'or yʋʋma tisi ti na'atita'ar la!
7 Wina'am la an dunia wʋsa Na'ab,
yʋ'ʋmmi yʋʋma pian' o yʋ'ʋr.
8 Wina'am sʋ'oe buudi wʋsa na'am,
Wina'am zin' o na'am gbauŋ linɛ an kasi la zug.
9 Buudi wʋsa na'anam la'as ya,
ka lieb Abraham Wina'am la nidib,
Wina'am sʋ'oe dunia na'anam la wʋsa,
ba dʋ'ʋsid o yʋ'ʋr bɛdegʋ.