Onɛ bɛ teŋ zʋŋ winsɔsʋg (2)
43
1 Tisimim bʋʋd, O m Wina'am,ka zab nɛ banɛ zan'asi fʋ nɔnaar la sʋŋim;
faanmim nimbɛ'ɛd banɛ an ziri dim la nu'usin.
2 Fʋ anɛ Wina'am onɛ aan m kpi'euŋ sɔb,
bɔ ka fʋ zan'asi ma?
Bɔ ka fʋ kɛ ka m kummi gin
ka li anɛ m dataasi namisidim la zugɔ?
3 Kɛl ka fʋ nɛɛsim nɛ fʋ sida la kena;
kɛl ka ba pa'alimi fʋ suor,
ka mɔrimi kɛɛn fʋ zuor kanɛ an kasi la ni na,
zin'ikanɛ ka fʋ bɛ la.
4 Ani ka m na keŋ Wina'am bimbimin la,
Wina'am kanɛ aan m sumalisim nɛ m ya'am bʋn la san'an.
M na nwɛ' kɔnne dʋ'ʋsi fʋ yʋ'ʋr,
O Wina'am onɛ an m Wina'am.
5 Bɔ ka m sʋʋnr aan nwana?
Bɔ ka li daamidim wala?
M na nɔki m ti'iri niŋ Wina'am la ni,
man na kpɛn dʋ'ʋsid; o yʋ'ʋr;
onɛ aan m Faangid nɛ m Wina'am.