Winsɔsʋg linɛ bɔɔd sʋŋi
28
1 Fʋn ka m buol, O m Zugsɔba;fʋnɛ an m Tampiing, da li' fʋ tʋbaa.
Fʋ ya'a sinni fʋ nɔɔr,
m na nwɛnɛ banɛ kpi la nɛ.
2 Wʋm man kaasid ye fʋ zɔɔ m nimbaanlig ka sʋŋim la;
ka ʋki m nu'usi kpa' fʋ Kasi Wʋsa Kasi Zin'ig la.
3 Da vɛ'ɛgimi la'as nɛ bugusim dim la yisɛ,
da la'asim nɛ banɛ tʋm bɛ'ɛd la,
banɛ ma'aa pian'adi ba kpi'es nɛ nɔŋgban malisiŋ
ka ba pʋʋgin pɛ'ɛl nɛ pʋkpɛnnim ma'aa la.
4 Yɔɔmi ba tʋʋmbɛ'ɛd
nɛ ba pitɔtʋʋma la sam wʋsa;
ba nu'usi tʋm si'el la lɛbisim yɔɔ ba,
ka tisi ba linɛ nar nɛ ba.
5 Ban sadigim pʋ nan Zugsɔb la tʋm si'el,
bɛɛ o nu'usi maal si'el la,
o na namisi ba,
hali ka san'ami ba nyain.
6 M na dʋ'ʋs Zugsɔb la yʋ'ʋr bɔzugɔ
o wʋmi m kaasig ka zɔɔm nimbaanlig
7 Zugsɔb la aan m paŋ nɛ m gbanti'edʋg;
on ka m tis sida, ka nyɛt sʋŋir.
O mɛ sʋŋidim ka m sʋnf malis hali
ka m na yʋ'ʋm pʋ'ʋs o bareka.
8 Zugsɔb la aan o nidib la paŋ nɛ ba kpi'euŋ,
ka an suak zin'igi tis na'ab onɛ ka o gaŋ la.
9 Faanmi fʋ nidib la ka niŋi ba albareka;
aan ba kɔnbkem ka guri ba saŋa wʋsa.