Pʋpielim sɔb winsɔsʋg
26
1 Zugsɔba tisim bʋʋd,ka m bɛllim la pʋ mɔr gba'arɛ;
m tisnɛ fʋn sida
ka pʋ lɛn gi'ed nya'aŋa.
2 Makimim ka kpansimi gɔs,
kpansimi m sʋʋnr nɛ m pʋtɛn'ɛr.
3 Fʋ nɔŋir la bɛɛ m san'an saŋa wʋsa,
m kennɛ fʋ sida la pʋʋgin saŋa wʋsa.
4 Mam pʋ dɔl ziri dima,
bɛɛ m ba'a bɛ nɛ zam dima;
5 M kis tʋʋmbɛ'ɛd dimi la'asid zin'isi'a
ka zan'as ye m kʋ zin'in nɛ bugusim dima.
6 M pie m nu'usi pa'al ye m pʋ tʋm taalɛ
ka keŋi fʋ maan bimbimin la.
7 M bɛ nɛ ani mɔɔn nɛ kʋkɔtita'ari
dʋ'ʋsidi fʋ yʋ'ʋr,
ka tu'asidi fʋ tʋʋmnyalima la yɛla.
8 M nɔŋ yikanɛ ka fʋ bɛ la, Zugsɔba,
fʋ na'am pipilim bɛ zin'isi'a la.
9 Da kɛ ka m kpi nɛ tʋʋmbɛ'ɛd dima,
da la'asim nɛ ninkʋʋdiba,
10 banɛ nu'usi gban'e bɛ'ɛd ma'aa,
ka ba datiuŋ nu'us pɛ'ɛl
nɛ ligidkanɛ ka ba nɔki da' ba la.
11 Amaa mam bɛllim pʋ mɔr gba'arɛ
zɔmim nimbaanlig ka faanm.
12 M nɔba zi'enɛ zin'ikanɛ an sassi.
Nidibi la'as zin'isi'a bɛdegʋ la,
ani ka man na dʋ'ʋs Zugsɔb la yʋ'ʋr.