Zugsɔb la bɔɔdnɛ banɛ tʋm linɛ nar
15
1 Zugsɔba anɔ'ɔn na nyaŋi kpɛn' fʋ yin la?Anɔ'ɔn na nyaŋi bɛɛ fʋ zuokanɛ an kasi la zugɔ?
2 Li anɛ onɛ ken ka gba'ar kae, ka tʋm linɛ an pʋpielim la,
o anɛ onɛ pian'ad sida ka li yit o sʋnfʋn na.
3 O zilim pʋ pian'ad bɛ'ɛdɛ,
bɛɛ maannɛ o kpi'a linɛ pʋ nara,
ka pʋ kɛɛnd o ninsaal taabaa.
4 O kis nimbɛ'ɛdnam,
ka nɔŋ banɛ zɔt Zugsɔb la.
O zi'e o kaanbʋg zug
hali baa li ya'a tɔi si'em tis oo.
5 O pɛ'ɛŋid o ligidi tisid
ka pʋ paasid nyɔɔdɛ,
ka pʋ kɛt ka ba da'ad o
ye o kʋʋs bʋʋd sɔb bɛ'ɛdɛ.
Onɛ tʋm nɛ'ɛŋa wʋsa, si'el kae na daam o.