Wina'am girima nɛ ninsaal na'asi
8
1 Naa, Zugsɔb onɛ aan ti Zugsɔba,fʋ yʋ'ʋr la mɔri kpi'euŋ dunia wʋsa ni,
fʋ dʋ'ʋsi fʋ girima agɔl ka li gaad saŋgbana.
2 Fʋ kɛt ka bibibis nɛ bilies pian'adi fʋ yʋ'ʋr.
Fʋ dataas ya'a maan tʋkpiidʋg
fʋ na kɛ ka ba gigilim,
la'am nɛ banɛ bɔɔd sam yɔɔb la wʋsa.
3 M ya'a gɔs agɔla nyɛ fʋ nu'usi maal si'el la,
nwadig nɛ nwadbibis banɛ ka fʋ niŋi ba, ba zin'isin si'em la,
4 m bu'osidi m mɛŋ ye,
“Ninsaal an bɔ, ka fʋ tɛnr o yɛla ala?
Bɛɛ ninsaal biig an bɔ, ka fʋ ba'a bɛɛ o ni?”
5 Fʋ maal o ka maliaknam gaad o nɛ bi'ela
amaa fʋ tis o girima nɛ na'asi.
6 Fʋ kɛ ka o sʋ'oe linɛ ka fʋ maal la,
fʋ zaŋ si'el wʋsa niŋ o nu'usin,
7 onɛ sʋ'oe kɔnbid nɛ niigi wʋsa,
nɛ mɔɔgin bʋnkɔnbid la wʋsa,
8 nɛ niimis banɛ ian'ad saŋgbauŋin,
nɛ zimi banɛ bɛ atɛukʋn
nɛ linɛ wʋsa lugidi dɔlisid ku'osuoya atɛukʋn la.
9 Naa, Zugsɔb onɛ aan ti Zugsɔba,
fʋ yʋ'ʋr la mɔri kpi'euŋ dunia wʋsa zug!