Mugusʋg saŋa winsɔsʋg
6
1 O Zugsɔba, da kɛ ka fʋ sʋnf duoe ka fʋ tansim,bɛɛ namisimi fʋ sʋnf duor la pʋʋginɛ.
2 Zugsɔba, zɔmim nimbaanlig, ka m gɛnnɛ;
Zugsɔba, tisimim laafi,
ka m niŋgbina wʋsa ka' paŋa.
3 M giinla wʋsa kɛnsnɛ.
Zugsɔba, li na yuugi paae wala?
4 O, Zugsɔba, lɛm na sʋŋim;
faanmim fʋ nɔŋilim la zug.
5 Sɔ' kae na kpi ka lɛn tiɛn fʋ yɛlaa;
anɔ'ɔnɛ na bɛ kpi'im teŋ
ka lɛn nyaŋi zun'e fʋ yʋ'ʋrɛ?
6 Sʋnsa'aŋ yʋ'ʋn kɛnɛ ka m gɛn,
yʋ'ʋŋ wʋsa m gadʋg ɛɛn anɛ ninta'am ma'aa
ka ninta'am kɛ ka m zukʋgʋr wʋ'ʋg matti.
7 M dataas la kɛnɛ ka m kaas hali;
ka m nini mɔd ka pʋ lɛn nyɛta.
8 Tʋʋmbɛ'ɛd dim nwa, isigimini m san'an
bɔzugɔ Zugsɔb la wʋmi m kukuma.
9 Zugsɔb la wʋm man kaasidi bɔɔd sʋŋir si'em;
Zugsɔb la gandigi m sɔsʋg.
10 Li na lidigi m dataas la wʋsa ka nyan gban'e ba;
ba na zɔ tɔ'ɔtɔ lɛb nya'aŋ nɛ nyan.