Yʋ'ʋŋ winsɔsʋg
4
1 M Wina'am onɛ an pʋpielim daana,m ya'a sɔsif, fʋn wʋm tisim.
Man daa bɛ yɛla ni la fʋ daa tisim yɔlisim,
ka zɔɔm nimbaanlig ka wʋmi m sɔsʋg.
2 Saaliba, bʋndaar ka ya na bas man yʋ'ʋr san'auŋɔ?
Bʋndaar ka ya na bas ziri bada la ka dɔl sida?
3 Baŋimi ye Zugsɔb la gaans pʋpielim dim la ye ba aan o nidib.
M ya'a sɔs Zugsɔb la o na wʋm tisim.
4 Fʋ sʋnf ya'a duoe fʋn da tʋm bɛ'ɛdɛ;
fʋ ya'a digi fʋ dɔɔgin yʋ'ʋŋ
fʋn tɛn'ɛsim pian'ad nwa yɛla ka an baanlimm.
5 Nɔkim maan kanɛ an sʋ'ʋŋa la tis
ka niŋ Zugsɔb la yadda.
6 Nidib bɛdegʋ bu'osid ye, “Anɔ'ɔnɛ na maal bʋnsʋŋʋ tisi ti?”
Zugsɔba, zɔmi ti nimbaanlig.
7 Fʋ tisim sumalistita'ar
ka li gat ban na bʋn ki bɛdegʋ
ka nyɛt daam nɛ kpaam ka maan sumalisim si'em la.
8 M na digini gbis nɛ laafi
bɔzugɔ, Zugsɔba, fʋn ma'aa kɛt ka m bɛ sumbʋgʋsʋm pʋʋgin.