Zugsɔb la aan m gbanti'edʋg
3
1 Zugsɔba, m dataas zu'onɛ!Nidib bɛdegʋ zabid nɛ mam!
2 Nidib bɛdegʋ yɛti m yɛla ye,
“Wina'am kʋ faaɛn oo!”
3 Amaa Zugsɔba, fʋnɛ an gbanti'edʋgʋ giligim,
fʋnɛ tisim girima ka ʋki m zug agɔla.
4 Zugsɔb la ka m kaasi buol,
ka o naanɛ o zuokanɛ an kasi la zug ka wʋm tisim.
5 Man digini gbis; ka lɛn duoe nɛ nimma'asim
bɔzugɔ Zugsɔb la gurim.
6 Nidib tusa-tusa giligim zin'ig wʋsa
amaa m kʋ zɔ ba dabiem baa bi'elaa.
7 O Zugsɔba, duom zi'en!
O m Wina'am, faanmim!
Zam nɛ m dataas la wʋsa.
Lɔmmi ba tampian'as
ka kɔ' bugusim dim la nyina.
8 M faangir yit nɛ Zugsɔb la san'an na.
Kɛl ka fʋ albareka la bɛɛ fʋ nidib la zugin.