Nidib banɛ zin'in Jerusalem la yɛla
11
1 Nidib la tuongatib da zin'in Jerusalem, ka banɛ kpɛlim la mɛ da bʋgʋlʋm gaŋ nid yinne nidib piiga wʋsa pʋʋgin, ye o kem zin'in Jerusalem tempʋkanɛ an Zugsɔb la din ka an kasi la ni, ka banɛ kpɛlim la zin'ini ba mɛŋ tɛɛnsin. 2 Nidib la da faas banɛ wʋsa siak ye ba na lɛbi zin'in Jerusalem la. 3 Banɛ da an sʋ'ʋlimnam la tuongatib sieba da lɛbi zin'in Jerusalem teŋin la. Israel dim la sieba mɛ da lɛbi zin'in Juda tɛɛnsin, sɔ' wʋsa nɛ o mɛŋ paalʋ, tɛɛns la ni. Ba da anɛ maanmaannib nɛ Levi dim nɛ Wina'am Pʋ'ʋsim Yir tʋmtʋmnib nɛ Solomon yammis yaas la. 4 Ka ninsieba banɛ an Juda nɛ Benjamin sʋ'ʋlimin la yaas da zin'in Jerusalem tempʋʋgin.Juda yaas la da anɛ:
Uzia biig Ataya onɛ yaanamɛ da an Zakaria nɛ Amaraya nɛ Sefatia nɛ Mahalaleel onɛ da an Perez yaaŋ la,
5 Baruk biig Maaseya onɛ yaanamɛ da an Kol-Hose nɛ Hazaya nɛ Adaya nɛ Joirarib nɛ Zakaria onɛ da an Sela yaaŋ la.
6 Perez yaas banɛ da bɛ Jerusalem ka an nintitada la wʋsa da anɛ nidib kɔbisnaasi nɛ pisyuobʋ nɛ anii (468).
7 Benjamin yaas la da anɛ:
Mesulam biig Salu onɛ yaanamɛ da an Joed nɛ Pedaya nɛ Kolaya nɛ Maaseya nɛ Itiel nɛ Jesaya 8 nɛ o nya'andɔlib Gabbai nɛ Sallai, ba dap da anɛ kɔbiswai nɛ pisi nɛ anii (928). 9 Zikir biig Joel da anɛ ba tuongat ka Hasenua biig Juda da sʋ'oe tempʋʋg sʋ'ʋlim kanɛ tia'al ayi' la.
10 Maanmaannib la da anɛ:
Jedaya onɛ an Joyaarib biig la nɛ Jakin. 11 Banɛ paas anɛ Hilkia biig Seraya onɛ yaanamɛ da an Mesulam nɛ Zadok nɛ Merayof nɛ Ahitub onɛ da gɔsid Wina'am Pʋ'ʋsim Yir la 12 nɛ ba taaba banɛ da tʋm Wina'am Pʋ'ʋsim Yir tʋʋma la. Ba da anɛ dap kɔbisnii nɛ pisi nɛ ayi' (822).
Ba sieba anɛ Jeroham biig Adaya onɛ yaanamɛ da an Pelalaya nɛ Amzi nɛ Zakaria nɛ Pasur nɛ Malkija, 13 nɛ ba taaba banɛ da an yisɔbnam la, ba da anɛ dap kɔbisyi' nɛ pisnaasi nɛ ayi' (242);
Azarel biig Amasisai onɛ yaanamɛ da an Ahizai nɛ Mesielemof nɛ Imer, 14 nɛ ba taaba banɛ da an nintitada la da anɛ kɔbiga nɛ pisi nɛ anii (128).
Ba kpɛɛm da anɛ Zabdiel onɛ an Hagedolim biig la.
15 Levi dim la da anɛ:
Hasueb biig Semaya onɛ yaanamɛ da an Azirikam nɛ Hasiabiya nɛ Buni;
16 Siabetaae nɛ Jozabad banɛ da an Levi dɔɔg kpɛɛmnam la da gɔsid Wina'am Pʋ'ʋsim Yir la yiŋ tʋʋma;
17 Matanaya onɛ saamme an Maika ka on Saam mɛ an Zabdi ka on saam mɛ an Asaf la da an kpɛɛm onɛ gat tuon winsɔsʋg nɛ bareka pʋ'ʋsim saŋa la,
Bakbukia da dɔl o nya'aŋ nɛ Sammua biig Abida onɛ yaanamɛ da an Galal nɛ Jedutun.
18 Levi dim banɛ da bɛ tempʋkanɛ an Zugsɔb din la da la'asi anɛ kɔbisyi' nɛ pisnii nɛ anaasi (284).
19 Za'anɔgu'udib la da anɛ:
Akub nɛ Talimon nɛ ba taaba.
Banɛ da zin' gɔsid za'anɔɔr la da anɛ dap kɔbiga nɛ pisyɔpɔi nɛ ayi' (172).
20 Israel dim banɛ kpɛlim la, nɛ maanmaannib nɛ Levi dim la, da bɛ nɛ Juda tempʋʋs la wʋsa ni, sɔ' wʋsa da zin'inɛ o yaab paalʋ ni. 21 Wina'am Pʋ'ʋsim Yir tʋmtʋmnib la da bɛ nɛ Ofel zuorin: Ziha nɛ Gisipa da aan ba tuongatib.
22 Levi dim banɛ da bɛ Jerusalem tempʋʋgin la tuongat da anɛ Bani biig Uzi onɛ yaanamɛ da an Hasiabiya nɛ Matanaya nɛ Maika. Uzi da anɛ Asaf tuŋ nid, banɛ da an yʋʋmyʋ'ʋmnib la ka da gɔsid Wina'am Pʋ'ʋsim Yir tʋʋma la. 23 Na'ab la da tis nɔɔr ban na tʋm si'em dabisir wʋsa pʋʋgin.
24 Mesiezabɛl biig Petahaya, onɛ yaabi da an Zera onɛ da an Juda mɛŋ biig la da bɛ Na'ab la tuon nidib la wʋsa sʋʋgin.
25 Ya'a kpɛlim nɛ teŋkpɛmis nɛ li paalʋ la, Juda nidib la da zin'inɛ Kiriaf Ariba nɛ zin'ibanɛ giligi li la, Dibon nɛ zin'ibanɛ giligi li la, nɛ Jekabzeel nɛ li tembibis. 26 Ka ba da lɛn zin'inɛ Jesua nɛ Molada nɛ Bet-Pelet 27 nɛ Hazar Sual nɛ Beerseba nɛ li tembibis, 28 nɛ Ziklag nɛ Mekona nɛ li tembibis. 29 Ba sieba mɛ da bɛ Ɛɛn Rimmon nɛ Zora nɛ Jarimuf, 30 Zanoak nɛ Adullam nɛ ba teŋkpɛmis nɛ Lakis nɛ li paalʋ la wʋsa nɛ Azeka nɛ li tembibis.
Ala ka ba da zin'in lin yi Beerseba mɔri paae Ben Hinnom Bɔn'ɔgin la.