10
1 Banɛ da tik nu'ug la da anɛ: Hakalaya biig Nehemaya onɛ an Gɔmena la nɛ Zedekaya.Banɛ pɛ'ɛs anɛ:
2 Seraya nɛ Azaria nɛ Jeremia nɛ
3 Pasur nɛ Amaraya nɛ Malkija nɛ
4 Hatus nɛ Siebanaya nɛ Maluk nɛ
5 Harim nɛ Meremof nɛ Obadia nɛ
6 Daniel nɛ Ginɛton nɛ Baruk nɛ
7 Mesulam nɛ Abija nɛ Mijamin nɛ
8 Maazaya nɛ Biligaae nɛ Semaya.
Maanmaannibi la.
9 Levi dimi nwa:
Jesua onɛ an Azanaya biribiŋ
Hodaya nɛ Kɛlita nɛ Pelaya nɛ Hanan nɛ
11 Maika nɛ Rehob nɛ Hasiabiya nɛ
12 Zakur nɛ Sieribaya nɛ Siebanaya
13 nɛ Hodaya nɛ Bani nɛ Beninu.
14 Nidib la tuongatib da anɛ:
Paros nɛ Pahaf-Moab nɛ Elam nɛ Zatu nɛ Bani
15 nɛ Buni nɛ Azigad nɛ Bebai nɛ
16 Adonija nɛ Bigvai nɛ Adin nɛ
17 Ater nɛ Hezekia nɛ Azur nɛ
18 Hodaya nɛ Hasuem nɛ Bezaae nɛ
19 Harif nɛ Anatof nɛ Nebaae nɛ
20 Magipias nɛ Mesulam nɛ Hezir nɛ
21 Mesiezabɛl mɛ Zadok nɛ Jadua nɛ
22 Pelataya nɛ Hanan nɛ Anaya nɛ
23 Hosea nɛ Hanania nɛ Hasueb nɛ
24 Halohes nɛ Piliha nɛ Siobɛk nɛ
25 Rehum nɛ Hasiabna nɛ Maaseya nɛ
26 Ahiiya nɛ Hanan nɛ Anan nɛ
27 Maluk nɛ Harim nɛ Baana.
Nɔnaar la yɛla
28-29 Tinam nimbanɛ kpɛlim an maanmaannib nɛ Levi dim nɛ banɛ gur Pʋ'ʋsim Yir za'anɔɔr nɛ yʋʋmyʋ'ʋmnib nɛ Zugsɔb Pʋ'ʋsim Yir tʋmtʋmnib nɛ banɛ baki ba mɛŋ nɛ nimbanɛ aan ba kpi'es Wina'am wada la zug la, ban nɛ ba pu'ab nɛ biribis nɛ ba bipumis banɛ na nyaŋi gban'e pian'ad gbin la. Ti wʋsa la'as taaba gban'e nɔɔr yinne pɔ nɔɔri zi'el ye,
Ti na dɔl Wina'am wada linɛ ka o tʋmtʋm Moses da tisi ti la, ye ti siak ka gu'usid ka dɔl Zugsɔb gban'ar nɛ o zi'ela la wʋsa.
30 Ti kaanbi zi'el ye ti kʋ nɔki ti bipumisi tis buudbanɛ kpi'e nɛ ti la ka ba dii ba bɛɛ li'a ba bipumisi tisi ti biribis ka ba dii ba.
31 Nidib banɛ kpi'e nɛ ti la ya'a mɔr la'ad bɛɛ diibi kena ye ba kuosi tisi ti Vʋ'ʋsʋm Daar bɛɛ dabisa banɛ an kasi la ni, ti kʋ da'.
Yʋʋm kanɛ paas ayɔpɔi wʋsa ti kʋ kuaa ti pɔɔd la, ka onɛ dii ti sam wʋsa ti kʋ lɛn di'e.
32-33 Ti gban'e ye yʋʋm wʋsa ti na tis anzurifa bi'ela ka li sʋŋ Wina'am Pʋ'ʋsim Yir tʋʋma, linɛ an: Bodobodo kanɛ ka ba pa'an teebul zugʋ tisid Zugsɔb la, nɛ daar wʋsa zʋʋd maan la nɛ daar wʋsa maan kanɛ nyu'od nɛ bugum la nɛ Vʋ'ʋsʋm Dabisa malima maan la nɛ Nwadpaalig di'ema tiɛnr maan nɛ malima banɛ ka ba gban'e li yɛla zi'el la nɛ kasi malima la nɛ Israel tʋʋmbɛ'ɛd suguru sɔsʋg maan nɛ tʋʋma linɛ kpɛlim tis Wina'am Pʋ'ʋsim Yir la wʋsa.
34 Tinam banɛ an maanmaannib la nɛ Levi dim nɛ nidib la maal bʋgʋlʋm-bʋgʋlʋm ye ti baŋ saŋa kanɛ ka yir wʋsa na la'asid daad saŋa kanɛ nar yʋʋm wʋsa pʋʋgin linɛ ka ba na nyu'od maan daka la zug, ti Zugsɔb Wina'am Pʋ'ʋsim Yin la nwɛnɛ lin sɔb wada gbauŋʋn si'em la.
35 Ti mɛ lɛm gban'e ye yʋʋm wʋsa ti na mɔr zʋʋd linɛ an bʋndɛɛŋ wʋsa nɛ tiis wala kɛn Zugsɔb Yin la na.
36 Nwɛnɛ lin sɔb wada la ni si'em la, ti na mɔri ti bikpɛŋ wʋsa, nɛ niigi nɛ kɔnbdɛɛna kɛn Wina'am Pʋ'ʋsim Yin na tis maanmaan kanɛ tʋm Wina'am Pʋ'ʋsim Yir tʋʋma la.
37 Linɛ lɛm paas, ti na mɔr ki linɛ ka ti bʋn yiiga la zɔm kɛn Pʋ'ʋsim Yin na tis maanmaan la, nɛ ti zʋʋd piini, nɛ tiis wala nɛ daam nɛ kpaam linɛ an yiiga la. Ti mɛ na mɔri ti zʋʋd la pʋʋr piiga wʋsa kena tis Levi dim la, bɔzugɔ, li anɛ Levi dim la di'esidi ti pʋʋr piiga la'ad tinamɛ tʋm teŋ si'a ni wʋsa, 38 ka ba ya'a ti ye ba di'e la'ad la, Aaron yaaŋ kanɛ an maanmaan la na dɔlli ba keŋ. Levi dim la na di'e la'ad la yisi ba pʋʋr piiga mɔri keŋ Wina'am Pʋ'ʋsim Yin kpɛn'ɛsi li la'ad dɔɔdin la su'a. 39 Israel nidib nɛ Levi dim la wʋsa na mɔri ba zʋʋd nɛ daam nɛ kpaam piini la na kpɛn'ɛs la'ad dɔɔdin la, zin'ikanɛ ka Wina'am Pʋ'ʋsim Yir la'ad bɛ la, nɛ maanmaannib la nɛ banɛ gur za'anɔɔr la nɛ yʋʋmyʋ'ʋmnib la bɛ si'el la.
Ti kʋ bas bɛɛ tam Wina'am Pʋ'ʋsim Yir la yɛla baa bi'elaa.