Ba zaŋ Jerusalem niŋ Hanani nɛ Hanania nu'usin
7
1 Ba da mɛ' zaŋguom la ka lɛbisi li kʋlis la kpɛn'ɛs. Ba da lɛbis banɛ gur za'anɔya la nɛ yʋʋmyʋ'ʋmnib la nɛ Levi dim la ba tʋʋma ni. 2 M da nɔk Jerusalem sʋ'ʋlim niŋi m ba'abiig Hanani nu'usin, on nɛ Hanania onɛ da sʋ'oe kpi'euŋ zin'igin la bɔzugɔ, o da anɛ dau kanɛ an sida sɔb ka zɔt Wina'am hali gat nidib bɛdegʋ. 3 M da yɛli ba ye, “Da yɔ'ɔgidi Jerusalem za'anɔya la bɛogʋnɛ, asɛɛ nintaŋ ti mu'oe. Banɛ gur za'anɔya la ya'a nam bɛɛ ba tʋʋma ni, ban yɔɔm za'anɔya la ka bɔ datitada puug ka zaam yaan ma'ae. Gaansimi ninsieba banɛ bɛ Jerusalem la ka ba an banɛ gur ka di'esid taaba tʋʋma la ni. Sieba na bɛ ban ɛɛnti gur si'el la, ka sieba mɛ na gur zin'ikanɛ kpi'e nɛ ba mɛŋ ya' la.”Ba sɔb banɛ lɛb na la yʋda
4 Tempʋʋg la da zu'oya ka paalʋ mɛ zu'oe pʋʋgin la, amaa nidib la nɛ ba ya' la da pʋ zu'oe. 5 M Wina'am la da niŋ m pʋtɛn'ɛrin ye m la'asim kpɛɛmnam nɛ tuongatib hali nɛ banɛ an tadimnamɛ bɛ teŋin la wʋsa sɔbi ba yʋda yir-yir. Ka m nyɛ gbansi'a ka ba da sɔb banɛ da dɛŋi lɛb na la yʋda dɔlisi ba yaanam ya' nɛ tuŋ. Linɛ da sɔb ka m nyɛ la nwa:
6 Nimbanɛ ka Babilon Na'ab Nebukadnɛza da gban'e ba mɔri keŋ Babilon teŋin ka ba lɛb na la nwa. (Ba da lɛb Jerusalem nɛ Juda, ka sɔ' wʋsa kul o mɛŋ tempʋʋgin.) 7 Banɛ da paasi dɔlli ba da anɛ: Zerubabɛl nɛ Jesua nɛ Nehemaya nɛ Azaria nɛ Raamia nɛ Nahamani nɛ Modekaya nɛ Bilsan nɛ Bigvai nɛ Nehum nɛ Baana.
8 Israel dim kalli daa an si'em nwa:
Paros tuŋ dim daa anɛ nidib tusa ayi' nɛ kɔbiga nɛ pisyɔpɔi nɛ ayi' (2,172).
9 Sefatia tuŋ dim daa anɛ nidib kɔbistan' nɛ pisyɔpɔi nɛ ayi' (372).
10 Arah tuŋ nidib daa anɛ kɔbisyuobʋ nɛ pisnu nɛ ayi' (652).
11 Pahaf-Moab (Jesua nɛ Joab yaas) tuŋ nidib daa anɛ tusa ayi' nɛ kɔbisnii nɛ pii nɛ anii (2,818).
12 Elam tuŋ nidib daa anɛ tusir nɛ kɔbisyi' nɛ pisnu nɛ anaasi (1,254).
13 Zatu tuŋ nidib daa anɛ kɔbisnii nɛ pisnaasi nɛ anu (845).
14 Zakaae tuŋ nidib daa anɛ kɔbisyɔpɔi nɛ pisyuobʋ (760).
15 Binnu tuŋ nidib daa anɛ kɔbisyuobʋ nɛ pisnaasi nɛ anii (648).
16 Bebai tuŋ nidib daa anɛ kɔbisyuobʋ nɛ pisi nɛ anii (628).
17 Azigad tuŋ nidib daa anɛ tusa ayi' nɛ kɔbistan' nɛ pisi nɛ ayi' (2,322).
18 Adonikam tuŋ nidib daa anɛ kɔbisyuobʋ nɛ pisyuobʋ nɛ ayɔpɔi (667).
19 Bigvai tuŋ nidib daa anɛ tusa ayi' nɛ pisyuobʋ nɛ ayɔpɔi (2,067).
20 Adin tuŋ nidib daa anɛ kɔbisyuobʋ nɛ pisnu nɛ anu (655).
21 Ater (bɛɛ Hezekia yaas) tuŋ nidib daa anɛ piswai nɛ anii (98).
22 Hasuem tuŋ nidib daa anɛ kɔbistan' nɛ pisi nɛ anii (328).
23 Bezaae tuŋ nidib daa anɛ kɔbistan' nɛ pisi nɛ anaasi (324).
24 Harif tuŋ nidib daa anɛ kɔbiga nɛ pii nɛ ayi' (112).
25 Gibeon tuŋ nidib daa anɛ piswai nɛ anu (95).
26 Betilehem nɛ Netofa tuŋ nidib daa anɛ kɔbiga nɛ pisnii nɛ anii (188).
27 Anatof tuŋ nidib daa anɛ kɔbiga nɛ pisi nɛ anii (128)
28 Bef-Azmavef tuŋ nidib daa anɛ pisnaasi nɛ ayi' (42).
29 Kiriaf Jiarim nɛ Kiefira nɛ Beerot tuŋ nidib daa anɛ kɔbisyɔpɔi nɛ pisnaasi nɛ atan' (743).
30 Rama nɛ Geba tuŋ nidib daa anɛ kɔbisyuobʋ nɛ pisi nɛ ayinne (621).
31 Mikmas tuŋ nidib daa anɛ kɔbiga nɛ pisi nɛ ayi' (122).
32 Betel nɛ Ai tuŋ nidib daa anɛ kɔbiga nɛ pisi nɛ atan' (123).
33 Nebo kaŋa la tuŋ nidib daa anɛ pisnu nɛ ayi' (52).
34 Elam kaŋa la tuŋ nidib daa anɛ tusir nɛ kɔbisyi' nɛ pisnu nɛ anaasi (1,254).
35 Harim tuŋ nidib daa anɛ kɔbistan' nɛ pisi (320).
36 Jeriko tuŋ nidib daa anɛ kɔbistan' nɛ pisnaasi nɛ anu (345).
37 Lod nɛ Hadid nɛ Ono tuŋ nidib daa anɛ kɔbisyɔpɔi nɛ pisi nɛ yinne (721).
38 Senaa tuŋ nidib daa anɛ tusa atan' nɛ kɔbiswai nɛ pistan' (3,930).
39 Maanmaannib la nwa: (Jedaya yidim banɛ an Jesua yaas la) daa anɛ kɔbiswai nɛ pisyɔpɔi nɛ atan' (973).
40 Imer tuŋ nidib daa anɛ tusir nɛ pisnu nɛ ayi' (1,052).
41 Pasur tuŋ nidib daa anɛ tusir nɛ kɔbisyi' nɛ pisnaasi nɛ ayɔpɔi (1,247).
42 Harim tuŋ nidib daa anɛ tusir nɛ pii nɛ ayɔpɔi (1,017)
43 Levi dimi nwa: Jesua (Kadmiel yaas banɛ da yi Hodavia gbinnin na la) da anɛ nidib pisyɔpɔi nɛ anaasi (74).
44 Wina'am yir yʋʋmyʋ'ʋmnib (banɛ daa an Asaf tuŋ la) daa anɛ nidib kɔbiga nɛ pisnaasi nɛ anii (148).
45 Banɛ gur Wina'am yir za'anɔya la daa anɛ Sallum tuŋ nɛ Ater tuŋ nɛ Talimon tuŋ nɛ Akub tuŋ nɛ Hatita tuŋ nɛ Sobai tuŋ. Ba nidib daa la'as nɛ kɔbiga nɛ pistan' nɛ anii (138).
46 Wina'am Pʋ'ʋsim Yir tʋmtʋmnib yaas banɛ da lɛb na la anɛ: Ziha tuŋ nɛ Hasufa tuŋ nɛ Taboaf tuŋ
47 nɛ Keros tuŋ nɛ Siaa tuŋ nɛ Padon tuŋ
48 nɛ Lebana tuŋ nɛ Hagaba tuŋ nɛ Salmai tuŋ
49 nɛ Hanan tuŋ nɛ Gidel tuŋ nɛ Goha tuŋ
50 nɛ Riaya tuŋ nɛ Rezin tuŋ nɛ Nekoda tuŋ
51 nɛ Gazam tuŋ nɛ Uzaa tuŋ nɛ Pasia tuŋ
52 nɛ Besai tuŋ nɛ Meunim tuŋ nɛ Nefusesim tuŋ
53 nɛ Bakbuk tuŋ nɛ Hakufa tuŋ nɛ Harihu tuŋ
54 nɛ Baziluf tuŋ nɛ Mekida nɛ Harisa tuŋ
55 nɛ Barikos tuŋ nɛ Sisera tuŋ nɛ Temak tuŋ
56 nɛ Neziek tuŋ nɛ Hatifa.
57 Solomon tʋmtʋmnib yaas la nwa: Sotaae tuŋ nɛ Soferef tuŋ nɛ Peruda tuŋ
58 Jaala tuŋ nɛ Daakon tuŋ nɛ Gidel tuŋ
59 nɛ Sefatia tuŋ nɛ Hatil tuŋ nɛ Pokɛref-Hazebam tuŋ nɛ Ammon tuŋ.
60 Wina'am Pʋ'ʋsim Yir tʋmtʋmnib la wʋsa nɛ Solomon tʋmtʋmnib la wʋsa da la'as nɛ kɔbistan' nɛ piswai nɛ ayi' (392).
61-62 Delaya nɛ Tobaya nɛ Nekoda banɛ daa yi Tel Melak nɛ Tel Harisa nɛ Kerub nɛ Addon nɛ Imer tempʋʋsin na la tuŋ nidib da la'as nɛ kɔbisyuobʋ nɛ pisnaasi nɛ ayi' (642). Amaa ba da pʋ nyaŋi pa'al nyain ye ba tuŋ yinɛ Israel buudi ni naa.
63-64 Maanmaannib tuŋ banɛ yʋda dɔl nwa daa pʋ nyaŋi vɛɛnsi baŋi ba yaanamɛ an sieba. Banɛ an: Hobaya nɛ Hakos nɛ Barizila. (Barizila da dinɛ pu'a kanɛ saam yʋ'ʋri buon Barizila onɛ yi Gilead la na, ka ba mɔr o diem la yʋ'ʋri buon o). Ban da pʋ baŋi ba yaanam yʋda la zug ba da pʋ tisi ba suor ye ba an maanmaanniba. 65 Gɔmena la da pʋ siak ye ba di dikanɛ an kasi la ti paae saŋkanɛ ka maanmaannib tʋʋma na bɛ ka ba tʋm nɛ Urim nɛ Tummim m baŋ Wina'am gban'arɛ.
66 Nidib la wʋsa da la'as nɛ tusa pisnaasi nɛ ayi' nɛ kɔbistan' nɛ pisyuobʋ (42,360). 67 Ka ba sankpan'as dap nɛ pu'ab la'as tusa ayɔpɔi nɛ kɔbistan' nɛ pistan' nɛ ayɔpɔi (7,337). Ka ba yʋʋmyʋ'ʋmnib banɛ an dap nɛ pu'ab an kɔbisyi' nɛ pisnaasi nɛ anu (245). 68 Ba widi da anɛ kɔbisyɔpɔi nɛ pistan' nɛ ayuobʋ (736) nɛ wiedbanɛ nwɛnɛ bʋmis kɔbisyi' nɛ pisnaasi nɛ anu (245). 69 Ba yʋgʋma da anɛ kɔbisnaasi nɛ pistan' nɛ anu (435) nɛ bʋmis tusa ayuobʋ nɛ kɔbisyɔpɔi nɛ pisi (6,720).
70 Yidaannam la sieba da la'as nɛ ligidi sʋŋ tʋʋma la. Gɔmena la da tis anzurifa ligidi tusir (1,000) nɛ sanlima laas pisnu (50) nɛ maanmaannib fuud kɔbisnu nɛ pistan' (530). 71 Yidaannam la sieba da tis sanlima ligidi tusa pisi (20,000) nɛ anzurifa ligidi bɔtnam tusa ayi' nɛ kɔbisyi' (2,200). 72 Nidib banɛ kpɛlim la da tis nɛ sanlima ligidi tusa pisi (20,000) nɛ anzurifa ligidi tusa ayi' (2,000) nɛ maanmaannib fuud pisyuobʋ nɛ ayɔpɔi (67).
73 Maanmaannib la nɛ Levi dim nɛ yʋʋmyʋ'ʋmnib nɛ za'anɔgu'udib la nɛ Wina'am Pʋ'ʋsim Yir tʋmtʋmnib nɛ nidib la sieba nɛ Israel dim la wʋsa yʋ'ʋn da lɛbi zin'in sɔ' wʋsa nɛ o mɛŋ teŋin nɛ o tempʋʋgin.
Ezra karim Zugsɔb zi'elʋg la
Nwadis ayɔpɔi la da paae la, Israel dim wʋsa da keŋ zin'in nɛ ba tempʋʋsin la.