Ezra lɛb Jerusalem na
8
1 Bama an kpɛɛmnam banɛ da sɔbi ba yʋda nɛ banɛ dɔllimi yi Babilon n lɛb na, saŋkan ka Na'ab Atazeesis da an Na'ab la:2 Finehas tuŋ kpɛɛm da anɛ Gerson;
Itamar tuŋ kpɛɛm da anɛ Daniel;
Paros tuŋ kpɛɛm da anɛ Zakaria, ka dap banɛ da paas o zugʋ sɔbi ba yʋda da anɛ kɔbiga nɛ pisnu (150);
4 Pahaf-Moab tuŋ kpɛɛm da anɛ Eliehona onɛ an Zerahaya biig la, ka dap kɔbisyi' (200) da sɔbi ba yʋda paas o zug;
5 Zatu tuŋ kpɛɛm da anɛ Siekania onɛ da an Jahaziel biig la, ka dap kɔbistan' (300) da sɔbi ba yʋda paas o zug;
6 Adin tuŋ kpɛɛm da anɛ Ebɛd onɛ da an Jonatan biig la; ka dap pisnu (50) da sɔbi ba yʋda paas o zug;
7 Elam tuŋ kpɛɛm da anɛ Jesaya onɛ da an Atalia biig la; ka dap pisyɔpɔi (70) da sɔbi ba yʋda paas o zug;
8 Sefatia tuŋ kpɛɛm da anɛ Zebadaya onɛ da an Maikel biig ka dap pisnii (80) da sɔbi ba yʋda paas o zug;
9 Joab tuŋ kpɛɛm da anɛ Obadia onɛ da an Jehel biig, ka dap kɔbisyi' nɛ pii nɛ nii (218) da sɔbi ba yʋda paas o zug;
10 Bani tuŋ kpɛɛm da anɛ Sielomif onɛ da an Josifia biig, ka dap kɔbiga nɛ pisyuobʋ (160) da sɔbi ba yʋda paas o zug;
11 Bebai tuŋ kpɛɛm da anɛ Zakaria onɛ da an Bebai biig, ka dap pisi nɛ anii (28) da sɔbi ba yʋda paas o zug;
12 Azigad tuŋ kpɛɛm da anɛ Johanan onɛ da an Hakatan biig, ka dap kɔbiga nɛ piiga (110) da sɔbi ba yʋda paas o zug;
13 Adonikam tuŋ banɛ da kpɛlim la anɛ: Elifelet nɛ Jewel nɛ Semaya ka dap pisyuobʋ (60) mɛ paas ba zug;
14 Bigvai tuŋ kpɛɛmnam da anɛ Utaae nɛ Zakur, ka dap pisyɔpɔi (70) da sɔbi ba yʋda paasi ba zug.
Ezra bɔ Levi dimi niŋ Wina'am Pʋ'ʋsim Yin la
15 Ka m la'asi ba ku'osuor kanɛ pʋbidi ken Ahava teŋ baba la, ka ti bɛɛ anina daba atan'. Man gɔs nidib la sʋʋgin la, m pʋ nyɛ Levi nida asɛɛ maanmaannib la ma'aa. 16 Ka m buol Elieza ye o kemi m san'an na, nɛ Ariel nɛ Semaya nɛ Elinatan nɛ Jarib nɛ Elinatan sɔ' ya'as nɛ Natan nɛ Zakaria nɛ Mesulam banɛ an tuongatib la, nɛ Joyaarib nɛ Elinatan sɔ' ya'as banɛ da zamis hali la. 17 Ka m tʋmi ba Iddo, onɛ an tuongat Kasifia teŋin la ka pa'ali ba ban na pian' si'em tis on nɛ o nimbanɛ an Wina'am Yir tʋmtʋmnib la, ka ba na mɔr tʋmtʋmnib na tisi ti ka ba tʋm Wina'am Pʋ'ʋsim Yir la tʋʋma. 18 Ka ti Wina'am onɛ an pʋpielim sɔb la da bɛ nɛ ti la zug, ba da mɔr Sieribaya na tisi ti. O da anɛ onɛ mi' tʋʋma sʋ'ʋŋa ka an Mahli onɛ da an Levi biig la yaaŋ, ka Levi mɛ da an Israel biig. Sieribaya da mɔr o biis nɛ o ba'abiis nidib pii nɛ anii na (18). 19 Ka Hasiabiya mɛ da pɛ'ɛs, la'am nɛ Jesaya onɛ an Merari tuŋ nid, on nɛ o ba'abiis nɛ ba biis ka ba wʋsa la'as nidib pisi (20). 20 Ba mɛ da mɔr nidib kɔbisyi' nɛ pisi (220) banɛ an Pʋ'ʋsim Yir tʋmtʋmnib la na. Tʋmtʋmnib la da anɛ banɛ ka David nɛ o na'ayikpɛm da gaŋi ba yaanamɛ zi'el ye ba sʋŋid Levi dim la. Ba wʋsa yʋda da sɔbi digil gbana la ni.
21 Ahava ku'osuor la baba ka m tis nɔɔr ye ti wʋsa lɔ nɔɔr ka sie ti mɛŋi ti Wina'am la tuon ka sɔs o ye o kɛ ka tinam nɛ ti biis nɛ ti la'ad la na paae laafi. 22 Nyan da mɔrim nɛ, nɛ man na sɔs Na'ab la ye o tisi ti soogianam nɛ wiedban'adib ka ba gu' dataasi tisi ti suor la ken pʋʋgin, bɔzugɔ, ti yɛl Na'ab la ye, “Ti Wina'am onɛ an pʋpielim sɔb la paŋ bɛ nɛ onɛ wʋsa nɔk o mɛŋi dɛl o, ka o sʋnf lɛɛ pɛlig nɛ banɛ zan'as o la.” 23 Ala ka ti lɔ nɔɔr ka sɔsi ti Wina'am la li yɛla ka o di'e ti sɔsʋg.
24 Ka m gaŋ maanmaannib tuongatib pii nɛ ayi', ban nɛ Sieribaya nɛ Hasiabiya nɛ ba ba'abiis piiga, 25 ka nɔk areza'as linɛ an anzurifa nɛ sanlima, nɛ la'abanɛ ka Na'ab nɛ o nimbanɛ sa'an o la nɛ o na'ayikpɛm nɛ Israel dim la da la'as si'el wʋsa ye ba tis Wina'am Pʋ'ʋsim Yin la tisi ba. 26 M da mak Anzurifa bɔto kɔbisyuobʋ nɛ pisnu nɛ anzurifa la'ad bɔto kɔbiga nɛ sanlima bɔto kɔbiga 27 nɛ sanlima laas pisi ka li tɛbisim zu'oe, nɛ kʋntzɛn'ug lavɛnla ayi' ka lin nɛ sanlim vɛnlim an yinne. 28 Ka m yɛli ba ye, “Yanam nɛ la'abama wʋsa anɛ linɛ ka ba gaŋ ka ya an Zugsɔb la din ka an kasi tis o. Anzurifa nɛ sanlima la anɛ piini ka ba tis Zugsɔb onɛ aan ti yaanam Wina'am la nɛ ya'amlɛog. 29 Mɔri nɛ ba sʋ'ʋŋa paae Pʋ'ʋsim Yin la ka maki li tɛbisim maanmaannib la dɔɔdin Jerusalem teŋin ka maanmaannib nɛ Levi dim nɛ Israel dim kpɛɛmnam la wʋsa nini ni.” 30 Ka maanmaannib nɛ Levi dim la da di'e anzurifa nɛ sanlima nɛ la'abanɛ an Wina'am la din la ka maki li tɛbisim ye ba mɔri li keŋ kpɛn'ɛs Wina'am yin la Jerusalem teŋin.
31 Nwadkanɛ an yiiga la, li dabisa pisi daar, ka ti duoe yi Ahava ku'osuorin la ye ti keŋ Jerusalem. Ti Wina'am la paŋ da bɛɛ ti san'an ka o gu' ti dataas nɛ banɛ na su'a daami ti suorin la. 32 Ka ti paae Jerusalem na vʋ'ʋs daba atan'.
33 Daba anaasi la daar ka ti da mak anzurifa nɛ sanlima la tɛbisim nɛ la'abanɛ an kasi la ti Wina'am Pʋ'ʋsim Yin la. Ka nɔki niŋ Meremof onɛ an Uria biig ka an maanmaan la nu'usin, ka Eleazar onɛ an Finehas biig la da bɛɛ ani nɛ Levi dim ayi', ban da anɛ Jozabad onɛ an Jesua biig la nɛ Noadaya onɛ an Binnu biig la. 34 Si'el wʋsa da mɔri li kal nɛ li tɛbisim. Saŋkan la sa ka ba da sɔbi li tɛbisim la digil.
35 Ka banɛ da an yammis Babilon ka lɛb na la yʋ'ʋn da maal nyu'or malʋŋʋ tis Israel Wina'am la. Ba da kʋnɛ na'araad pii nɛ ayi' Israel dim wʋsa zug, nɛ pɛraad piswai nɛ ayuobʋ nɛ pɛribis pisyɔpɔi nɛ ayɔpɔi ka mɛ maal tʋʋmbɛ'ɛd malima nɛ bʋʋs pii nɛ ayi'. Nɛ'ɛŋa wʋsa da anɛ linɛ ka ba nɔki maal nyu'or malʋŋʋ tis Zugsɔb la.
36 Ka ba da nɔk gbana banɛ ka Na'ab la tisi ba la pa'al Gɔmena la nɛ kpɛɛmnam banɛ bɛ Efiritis Kɔldaug Lɔm sʋ'ʋlimin la ka ba sʋŋ nidib la nɛ Wina'am Pʋ'ʋsim Yir la.