19
1 Juda na'ab Jehosafat n da lɛb o yin Jerusalem nɛ laafi la, 2 Hanani biig Jehu onɛ da nyɛt nier yɛla la da yina ye o tʋ'ʋs o, ka bu'os o ye, “Bɔ ka fʋ sʋŋid nimbɛ'ɛdnam ka maan nɔɔr yinne nɛ banɛ kis Zugsɔb la? Nɛ'ɛŋa zug Zugsɔb sʋnpɛɛn bɛɛ fʋ zug. 3 Amaa bʋnsʋŋ si'a bɛɛ fʋ ni, fʋ mɔɔ yis Asera teŋgban daad la teŋ la wʋsa ni ka nɔki fʋ sʋnf wʋsa dɔl Wina'am.”Na'ab Jehosafat n gaans sariakatib si'em
4 Na'ab Jehosafat da bɛ nɛ Jerusalem, ka lɛn keŋ nimbanɛ bɛ Beerseba nɛ Efiram linɛ an kʋkʋna teŋ la kɛ ka ba lɛbi dɔl Zugsɔb onɛ aan ba yaanam Wina'am la. 5 O da gaans sariakatib zin'ikpi'euŋ wʋsa linɛ bɛ Juda teŋin la. 6 Ka yɛli ba ye, “Gu'usimi nɛ yanamɛ maan si'el wʋsa, bɔzugɔ ya pʋ kat saria la tisid ninsaala, amaa Zugsɔb onɛ bɛ nɛ ya hali nɛ yanamɛ na ti kʋʋs antu'a la. 7 Nannanna kɛlli ka Zugsɔb la dabiem bɛɛ ya ni. Kadimi saria la sʋ'ʋŋa. Bɔzugɔ Zugsɔb onɛ aan ti Wina'am la kʋ siak zam, bɛɛ baregaŋ, bɛɛ ban na da'af nɛ ligidii.”
8 Jehosafat mɛ da gaans Levi dim nɛ maanmaannib nɛ Israel tuŋ kpɛɛmnam Jerusalem teŋin ye ba pa'al Zugsɔb wada la ka maal yɛla. Ba da zin' nɛ Jerusalem tempʋʋgin. 9 O da yɛli ba ye, Asɛɛ ka ya tʋm nɛ sida nɛ ya sʋnf wʋsa nɛ Zugsɔb la zɔtim. 10 Ba ya'a mɔr antu'a si'a wʋsa kɛɛn ya san'an na ka li anɛ ya teŋ nid onɛ bɛ tempʋʋgin la yɛla; o ya'a kʋnɛ nid, bɛɛ tʋm linɛ pʋ dɔl nɛ wada bɛɛ zi'ela bɛɛ gban'ar bɛɛ malima la, asɛɛ ya sa'ali ba ye ba da tʋm tʋʋmbɛ'ɛdi san'am Zugsɔb la sʋnfɔ, ka li ya'a ka' ala o sʋnpɛɛn na lu yanam nɛ ya ba'abiis la zug. Niŋimi nɛ' ka ya kʋ kpɛn' taali nɛ. 11 Amaraya onɛ an maanmaan kpɛɛm la na sʋ'oe si'el wʋsa linɛ an Zugsɔb la tʋʋma, ka Zebadaya onɛ an Isimael biig ka gat Juda dɔɔg dim la tuon la mɛ na sʋ'oe na'am yɛla tisi ya. Levi dim na sʋŋi ya yɛla wʋsa ni.
Alazug mɔri sʋnkpi'euŋ, ka Zugsɔb la na bɛ nɛ banɛ tʋm sʋ'ʋŋa.