Yʋʋmyʋ'ʋmnib la yɛla
25
1 Na'ab David nɛ zabzabidib tuongatib la da gaŋ Asaf nɛ Heman nɛ Jedutun biribis la ye ba zun'od Wina'am ka nwɛ'ɛd kɔna nɛ siyada banɛ ka ba mɔri yʋ'ʋm la. Nimbanɛ da tʋm tʋʋm kaŋa la nwa:2 Asaf biisin la ba da gaŋnɛ:
Zakur nɛ Josef nɛ Netanaya nɛ Asarela. Asaf biribis la, Asaf mɛŋi da gɔsidi ba ka ba tʋm, ka Na'ab la mɛ gɔsid o ka o tu'asid Zugsɔb la yɛla.
3 Jedutun biisin la ba da gaŋnɛ:
Gedalaya nɛ Zeri nɛ Jesaya nɛ Simie nɛ Hasiabiya nɛ Matitia, ba wʋsa da la'as nɛ nidib ayuobʋ ka ba saam Jedutun gɔsidi ba, ban tʋʋm da anɛ ba nɔk bʋnnwɛ'ɛda la pʋ'ʋs Zugsɔb la bareka ka zun'e o yʋ'ʋr.
4 Heman biisin la, ba da gaŋnɛ:
Bukaya nɛ Matanaya nɛ Uziel nɛ Subael nɛ Jerimof nɛ Hanania nɛ Hanani nɛ Eliata nɛ Gidaliti nɛ Romamti-Eza nɛ Josibɛkasa nɛ Maloti, nɛ Hotir nɛ Mahaziof. 5 Bama wʋsa da anɛ Heman biribis, Heman onɛ da an Wina'am nɔdi'esi tis Na'ab la. O da paam biribis wʋʋ Wina'am da kaanbi tis o si'em la ye nidib na wɔ'ɔg o. Wina'am da tis Heman biribis pii nɛ anaasi nɛ bipumis atan'.
6 Dap bama wʋsa, ba saamnamɛ da gɔsidi ba ka ba yʋ'ʋm Pʋ'ʋsim Yin la nɛ siyada nɛ kɔna nɛ wiis linɛ ka ba mɔri tʋm Wina'am Pʋ'ʋsim Yin la. Na'ab la da gɔsid Asaf nɛ Jedutun nɛ Heman ka ba tʋm. 7 Ban nɛ ba tuŋ dim la wʋsa da zamisi ban na yʋ'ʋm si'em tis Zugsɔb la, ba kal da duoe nɛ kɔbisyi' nɛ pisnii nɛ anii (288). 8 Dasam nɛ bʋnkʋt nɛ pa'annib nɛ zamisidib wʋsa da maal nɛ bʋgʋlʋm-bʋgʋlʋm ye ba baŋ sɔ' wʋsa na tʋm si'em. 9 Yiiga bʋgʋlʋm-bʋgʋlʋm da gaŋnɛ Josef onɛ yi Asaf tuŋʋn na. On nɛ o yidim da la'as nɛ pii nɛ ayi' (12). Linɛ tia'al ayi' la da gaŋnɛ Gedalaya ka on nɛ o yidim da la'as pii nɛ ayi' (12). 10 Linɛ tia'al atan' la da gaŋnɛ Zaka ka on nɛ o yidim da la'as pii nɛ ayi' (12). 11 Linɛ tia'al anaasi la da gaŋnɛ Izri, ka on nɛ o yidim da la'as pii nɛ ayi' (12). 12 Linɛ tia'al anu la da gaŋnɛ Netanaya ka on nɛ o yidim da la'as pii nɛ ayi' (12). 13 Linɛ tia'al ayuobʋ la da gaŋnɛ Bukia ka on nɛ o yidim da la'as pii nɛ ayi' (12). 14 Linɛ tia'al ayɔpɔi la da gaŋnɛ Jesarela ka on nɛ o yidim da la'as pii nɛ ayi' (12). 15 Linɛ tia'al anii la da gaŋnɛ Jesaya ka on nɛ o yidim da la'as pii nɛ ayi' (12). 16 Linɛ tia'al awai la da gaŋnɛ Matanaya ka on nɛ o yidim da la'as pii nɛ ayi' (12). 17 Linɛ tia'al piiga la da gaŋnɛ Simie, ka on nɛ o yidim da la'as pii nɛ ayi' (12). 18 Linɛ tia'al pii nɛ yinne la da gaŋnɛ Azarel, ka on nɛ o yidim da la'as pii nɛ ayi' (12). 19 Linɛ tia'al pii nɛ ayi' la da gaŋnɛ Hasiabiya, ka on nɛ o yidim da la'as pii nɛ ayi' (12). 20 Linɛ tia'al pii nɛ atan' la da gaŋnɛ Subael, ka on nɛ o yidim da la'as pii nɛ ayi' (12). 21 Linɛ tia'al pii nɛ anaasi la da gaŋnɛ Matitia, ka on nɛ o yidim da la'as pii nɛ ayi' (12). 22 Linɛ tia'al pii nɛ anu la da gaŋnɛ Jerimof, ka on nɛ o yidim da la'as pii nɛ ayi' (12). 23 Linɛ tia'al pii nɛ ayuobʋ la da gaŋnɛ Hanania, ka on nɛ o yidim da la'as pii nɛ ayi' (12). 24 Linɛ tia'al pii nɛ ayɔpɔi la da gaŋnɛ Josbɛkasa, ka on nɛ o yidim da la'as pii nɛ ayi' (12). 25 Linɛ tia'al pii nɛ anii la da gaŋnɛ Hanani, ka on nɛ o yidim da la'as pii nɛ ayi' (12). 26 Linɛ tia'al pii nɛ awai la da gaŋnɛ Maloti, ka on nɛ o yidim da la'as pii nɛ ayi' (12). 27 Linɛ tia'al pisi la da gaŋnɛ Elieta, on nɛ o yidim da la'as pii nɛ ayi' (12). 28 Linɛ tia'al pisi nɛ yinne la da gaŋnɛ Hotir, ka on nɛ o yidim da la'as pii nɛ ayi' (12). 29 Linɛ tia'al pisi nɛ ayi' la da gaŋnɛ Gidaliti, ka on nɛ o yidim da la'as pii nɛ ayi' (12). 30 Linɛ tia'al pisi nɛ atan' la da gaŋnɛ Mahoziof, ka on nɛ o yidim da la'as pii nɛ ayi' (12). 31 Linɛ tia'al pisi nɛ anaasi la da gaŋnɛ Romamti-Eza, ka on nɛ o yidim da la'as pii nɛ ayi' (12).