Yiiga Na'anam
Gbauŋ nwa yɛla
1 Na'anam gbauŋ la lɛn yɛti ti nɛ Israel na'anam la yɛla. David kum nya'aŋ la o biig Solomon da lieb na'ab. Solomon da mɔr ya'am nɛ kpan'am bɛdegʋ. Wina'am da yɛl o ye o mɛɛm Pʋ'ʋsim Yir Jerusalem ka di lɛdig Fuug Sʋgʋr la zin'ig. Na'ab Solomon kum nya'aŋ la ka Israel dɔɔd 12 la pʋdig zin'is ayi'. Banɛ da lɛb ya-datiuŋ baba la yʋ'ʋri da buon ye Israel bɛɛ Samaria bɛɛ Efiram. Ka dɔɔd ayi' banɛ lɛb ya-dagɔbʋg baba la an Juda nɛ Benjamin ka ba da buon ye Juda. Tɛɛns ayi' la da mɔr na'anam bɛdegʋ ka yɛla mɛ bɛ pamm. Ka Wina'am tʋm o nɔdi'esidib wʋʋ Elija nam ye ba pian' tis na'anam la nɛ nidib la.