Winbʋɩ A Klɛ‑hɩhɩalɛ 5

E, e

Eli (Elie)

Mat 11.14; Mak 9.4; Rɔm 11.2; Sak 5.17; ... Ɛ mɔ la Nyɩsʋa a winwlɔn‑hanyɔ* gbagbʋ ꞊nɩɔ la.

Elise (Elisée)

Ɛ mɔ la Nyɩsʋa a winwlɔn‑hanyɔ* gbagbʋ. ‑Hre Naama a ‑tɩ a klɛ‑hɩhɩalɛ.

Epikulinyibli (Epicuriens)

Nunu 17.18. Ʋ mɔ Epikuli a nyibli ꞊nɩɔ. Ʋ kɔ nyibli ‑mʋ', ʋ dɛɛ Sitoinyibli (Stoïciens) 'hʋɛn‑, ʋ yi 'crɩɛn kasa. Ʋ yɩ 'kukue la lɛ, 'kɩ 'lɩ ti ‑hʋɔhʋɩ 'kwli, ‑ɛ di꞊e nu, ‑tɛblɩ ‑mʋ', ‑ɛ mɔ yiyi‑tɛblɩ gbagbɩ, kɔ ‑tɩ a ‑tɛɛ 'hʋɛn‑, ʋ 'mʋ꞊ʋ 'lu ‑mɔ lɛ ‑hie ‑nɩ, 'ʋ pɩ gblɛ, 'kɩ 'ʋ ‑tɛblɩ a 'mʋ a ‑ta'.

Esai (Esaïe)

Mat 3.3; Nunu 8.30; Rɔm 9.27-29; ... Esai mɔ Nyɩsʋa a winwlɔn‑hanyɔ* gbagbʋ. 'Tɩ‑ ʋ 'mʋ ‑Yusu kɔ, Esai a 'mʋ, ɛ na la ‑tɛblɩ ‑mʋ', ‑ɛ di la ‑Yusu nu a ‑tɩ ‑mɔ lɛ.

Esau (Esaü)

Rɔm 9.13; Heb 11.20; 12.16-17. Abrahamʋ a 'yu Yisakɩ* kɔ la 'yonʋ nyɩbɛpʋ nɩ 'hʋɛn. Ʋ mɔ la ꞊yrupʋyonʋ ꞊nɩɔ. 'Waa 'nyrɛ mɔ la Esau kɔ Sakɔbʋ*. Sakɔbʋ a 'yonʋ a 'yonʋ, nʋ‑ Nyɩsʋa ‑ha la 'lɩ, 'kɩ bʋ mɔ 'a dakɔ, ɛ 'yɩ Esau a ‑nɛ 'yonʋ 'pa‑, 'ɛ mɔ ꞊han‑tɩ, Esau 'ɛ mɔ la nyɩ'ka. ‑Hre Abrahamʋ a ‑tɩ a klɛ‑hɩhɩalɛ.

Esipʋblʋgba (Egypte)

'Blʋgba a 'mʋ, ɛ 'mʋɛ Yisraɛkʋɛ* a 'blʋgba yrɛ. 'Kɩ 'lɩ Esipʋblʋgba a 'mʋ 'kwli, 'kɩ Yisraɛkʋɛ nuu 'lɩ ꞊kodɛ, 'kɩ 'lɩ 'yrɩ a ‑hɔtrʋwɩ nɩ ‑hɛn 'kwli (Nunu 7.34-38). 'Ye 'mapʋ ‑wɛ (Nunu 13-14).

Ɛ, ɛ

Ɛfʋ (Eve)

2Kol 11.3; 1Tim 2.13. Ɛfʋ mɔ la Adamʋ a nʋgba. Adamʋ a 'mʋ, nɔ‑ mɔ la yɩ‑hɛnyiblo, Nyɩsʋa nu la. ‑Hre Adamʋ a ‑tɩ a klɛ‑hɩhɩalɛ.