4
D, d
Dafidɩ (David)
Ɛ mɔ la bodɩɔ gbagbʋ ꞊nɩɔ, 'kɩ 'lɩ Yisraɛkʋɛ* 'nyɩ. Ɛ 'yɩ la yɩ'wɩnyɔ ‑kɔ. Ɛ nɔ‑ mɔ la 'a 'baɩ Yisai a 'bɔlɛ'bɔɔyu. ‑Tɛ ɛ 'yɛ la bodɩɔ nɩ ‑hɛ, ɛ nɛɛ la 'a 'baɩ a blablɩ*. Ɛ nʋɛ la Nyɩsʋa nɩ dɩakɩ. Ɛ 'crɩ ‑wladʋɩ ‑hʋɔhʋɩ, ʋ dɛɛ ‑saʋn (Psaumes). 'Kɩ ‑wladʋɩ a 'mʋ, ɛ nɩ 'lɩ 'yrɩ* 'kɩ a Nyɩsʋacrɩɛn 'kwli.
'Kɩ 'lɩ Dafidɩ a 'mʋ, 'a ꞊tugba 'kwli, 'kɩ ʋ kɔ 'lɩ ‑Yusu 'lɩ (Rɔm 1.3; 'Lɩlɛ 22.16). Ɛ nɩ la ke', Nyɩsʋa a winwlɔn‑hanyʋ* 'ʋ hla la꞊a, ‑ɛ mɔ, Wanyɔ ‑mʋ', Nyɩsʋa pʋ la lɛ, ɛ di la ya, 'kɩ ɛ di 'lɩ bodɩɔ Dafidɩ a ꞊tugba 'kwli ‑kɔɔ ‑nɩ.
dɛ 'kuku; ‑tɛblɩ 'kukui; nunuŋmlɩ 'kukui; ‑tɛblɩ ‑mʋ', ‑ɛ nyre yɩ, 'kɩ 'ʋ Nyɩsʋa ye' (péché).
Nyiblo 'bʋ 'wla 'a ‑nɛ tete* ꞊dʋ, 'kɩ 'lɩ Nyɩsʋa a tete 'nyɩ, nyiblo a 'mʋ, ɛ nu dɛ 'kuku. 'Ye ꞊bɩɩ nyibli ʋ pɩ lɛ, ‑ɛ mɔ, dɛ 'kuku a 'mʋ, ɛ 'bʋa nɩ, ‑ʋ'ʋ‑ ɛ 'yɩ 'bʋa, ɛ mɔ dɛ 'kuku ꞊nɩɔ, 'kɩ 'lɩ Nyɩsʋa 'yi. Rɔm 3.9-20; 6.23.
Dɛ Nyɩsʋa ‑hʋɛ ‑tonyiblo bʋ nu, ɛ nɔ‑ ‑bʋ:
a. bʋ yru꞊o, 'kɩ 'lɩ 'a dɩɔnʋ a ꞊wlʋ kɩ, ‑ɛ mɔ, ɛ nu dɛ 'kuku;
b. bʋ hla꞊a, ‑ɛ mɔ, ɛ di hie 'ʋ dɛ 'kuku a nunuo bʋ, ‑tɛblɩ ‑mʋ', Nyɩsʋa ‑hʋɛ, ɛ 'mʋ꞊ʋ nu;
c. bʋ ‑hʋa꞊a, 'kɩ Nyɩsʋa bʋ 'wʋwla 'a dɛ 'kuku, ɛ kɔ, bʋ ‑hru 'a ‑tɩ ‑mɔ.
dɛ 'kuku a 'wʋwlalɛ kɔ 'a ‑tɩ a ‑mɔ‑huhruo (pardon des péchés)
1. ‑Tɛ ‑mʋ' Nyɩsʋa ni, 'ɛ 'wʋwlɛ ‑tonyibli a dɛ 'kuku, 'tɩ‑ 'ɛ ‑hrui 'a ‑tɩ ‑mɔ (comment Dieu pardonne les péchés des hommes): Mat 26.28; Mak 3.28-29; 11.25-26; Luk 7.36-50; 15.1-32; Kolɔ 1.13-14; 2.13-14; 1Saan 1.5-10.
2. ‑Tɛ ‑mʋ' ‑a di nu, dɛ 'kuku ‑mʋ', ‑tonyibli ni ‑a mʋ ‑mɔ, ‑a 'mʋ 'a ‑tɩ ‑mɔ ‑hru (comment nous devons pardonner le mal que la hommes nous ont fait): Mat 5.23-24; 6.12-15; 18.21-35; Mak 11.25; Luk 17.3-4; Ef 4.32; Kolɔ 3.13.
didie, ‑Yusu bʋ di di de a ‑tɩ (retour de Jésus)
Mat 24.3-51; 25.1-13; Luk 17.20-37; Nunu 1.1-11; 1Tes 4.13-18; 5.1-11; 2Tes 1.3-12; 2.1-15; 1Tim 6.13-15; Heb 9.27-28; 2Pi 3.1-18; 1Saan 3.2; 'Lɩlɛ 1.7; 22.7-17.
doyodɛ ‑Hre 'kuo a dɩda a klɛ‑hɩhɩalɛ.
Dɔhre (dragon)
Ʋ hla 'a ‑tɩ nɩ, 'kɩ 'lɩ 'Lɩlɛ'yeecrɩɛn 'kwli ('Lɩlɛ 12; 'Lɩlɛ 13; 20.2). Dɔhre a 'mʋ, ɛ ꞊hɛn 'nyrɛ 'kuo ‑hʋɩn* a nyiblo gbagbʋ Satan*.