Efantu 12
Kaayonkalee ka kiti Abram
12
Ateeteyo naasok Abram:
“Fúl ti mah ma mitii,
miin ma mitii niŋ hank ha hiti faafi,
nkaay ti mah ma emma fáyisani ma.
2 Inci fáhin aapiyeno síi enfakat,
insampani,
caacawi éficisiyo,
pínapii ti awe fasampan pakakee paka.
3 Fasampan payenka efikasampani ka,
iññan payenka efikañani ka.
Pínapii ti awe,
fasampan písii pa púlooŋ piti etaam ya.”
Pínapii ti awe fasampan písii pa púlooŋ piti etaam ya.
Inci fáhin aapiyeno síi enfakat insampani caacawi éficisiyo.
Pínapii ti awe fasampan písii pa púlooŋ piti etaam ya.
Fasampan payenka efikasampani ka iññan payenka efikañani ka.
Pínapii ti awe fasampan písii pa púlooŋ piti etaam ya.
4 Fiye,
Abram naakaay samat nii fa Ateeteyo naasokoo fa,
atuwoo añiinoo Lot naanapool neyoo.
Abram ta náafule ta ti saatee ya eti Halan loho ataakaa sitiil áwii éhaaciil niŋ kaat (75).
5 Naacoopool aaloo Saray,
atuwoo añiinoo Lot,
naacoopool lompo hisaanumate ha hiteyoo púlooŋ niŋ pimiikan pa payenka náanoomii ka Halan.
Nkahiiŋ ti mah ma miti Kanaan.
Abram ti mah ma miti Kanaan
Ta nkacole ta Kanaan,
6 Abram naamuus fo ti enuun ya eesampanee ya eyya nkasok ya Mole eeyem ya ti saatee ya eti Sikem,
ti oom caanak pakati Kanaan toko.
7 Ateeteyo náafulii ti Abram naasokoo:
“Inci fawufan mah emme keesokuu maamaa.”
Fiye,
Abram naalut toko kaaciin kiti Ateeteyo éeyisanooliye ya teyoo.
8 Púful toko naahiiŋ ti pítintiŋ pa peekole pa saatee ya eti Petel.
Naasiiŋan ékuut ya eteyoo ti pututa Petel pa caanak ca incinow pa niŋ saatee ya eti Ay pa caanak ca íncifulii pa,
naalut toko kaaciin kiti Ateeteyo,
naaluum ti caacaw Ateeteyo.
9 Fiye,
Abram naatootoosool apihiiŋhiiŋ pati káahaaŋ ka tes kiti Nekep.
Abram ti mah ma miti Esipt
10 Ti oom caanak,
épankul enfakat neeyeno ti mah ma,
Abram naawano ti mah ma miti Esipt kati ayeno po fo cikee caanak kamma épankul ya neefome.
11 Ta naalohane ta Esipt,
naasok aaloo Saray:
“Síitan,
inci méyimeyi nii áawalliwalli.
12 Niŋ pakati Esipt kacukuu efikasok:
'Aŋe aaloo.
' Efikamukam nkakati kaloŋa.
13 Káluma,
sokii nii awe ahoopam kati kawananam pinap iyyeno kaloŋa kamma awe.”
14 Ta Abram naacole ta Esipt,
pakati Esipt nkacuk pawalle pa penfakat pa piti aaloo.
15 Puwuna pa kunuu pakati amansa ya ati Esipta nkámul Saray hátikinoo.
Nkacoopoo pateyoo.
16 Kamma akina,
amansa ya naawanan Abram pinap.
Naawunoo písaacii,
pifil niŋ síis,
pimiikan pákayiin niŋ pakaal,
púfali,
niŋ puñonkomoo.
17 Pale Ateeteyo náawananii úkuuñu ti amansa ya niŋ miin ma miteyoo kamma Abram aaloo Saray.
18 Amansa ya naayonkal Abram naasokoo:
“Weyme ánhinaam fiye?
Aasokutam nii Saray aali!
Weyme uwune?
19 Weyme uwune ansok nii ahoopi?
Inci incoopoo kati ayeno aalam!
Fiye ehe aali!
Coopoo nkaay!”
20 Amansa ya naawufan hilim píhina pa pakateyoo kápufulan ti mah ma Abram niŋ aaloo niŋ waah óo waah ewwa naataake.