Páhin 18

Efantu 18

Póol ti saatee ya eti Kolint

Púful toko, Póol náafulii ti saatee ya eti Aten apikaay ti saatee ya eti Kolint. 2 Po, naapaakool niŋ aŋa nkasok Akilas eepukee ti mah ma miti Pont. Ayíin a aŋuu féefiye náacolii niŋ aaloo Prisila, káfuliyooful ti mah ma miti Itali kamma amansa ya enfakat a Kulot naasoke nii Pusuwif pa púlooŋ káful ti saatee ya eti . Póol naakaay pateyii; 3 páawoo páhinii poonool, pimemanoola púkuut, naawanan lateyii naayeno páhin neyii. 4 Lóokuŋ óo lóokuŋ, ti hiti Pusuwif pa, Póol nákupat ti ya eteyii naaŋes íhinu Pusuwif pa niŋ kápiyinan ti Yéesu.

5 Ta Silas niŋ Timote nkácolii ta páfulaliyii ti mah ma miti Masetoni, Póol naakatan waah óo waah apucoonool ti káatuunan ekooŋan ya éesuume ya, náayisan Pusuwif pa picaaŋ cataŋ nii Yéesu ayem . 6 Pale Pusuwif pa nkapookoo nkateñaloo. Fiye, naahank haafol ha ti wañ wa uteyoo naasokii: “Niŋ nilinciyaa, inci tom Pútuun pa efipuwatan pale aluu! Písik fíyooy, inci fayeso ti keeneetaat ka Pusuwif.”

7 Póol náaful ti éluumuma ya naakaay pati áyiin aŋa nkasok Yustus, áyiin éetuule Pútuun. Ekumpaan ya eteyoo neekolool niŋ éluumuma ya. 8 Kilispus, áhampaatiin a ati éluumuma ya, náayinan ti akina niŋ miin ma miteyoo púlooŋ. Hícump pakati Kolint nkáyinan ta nkásiye ta Póol ti káakup, nkáhinee .

9 Hikee hánant, Ateeteyo náafulii ti Póol pucuk fiye nii éyawut, naasokoo: “Timpi fe, towo ti káakup tan óo tan, timpi fatan! 10 Kaatuko inci oopa niŋ awe, an átayiniyi pilaako kati akallani, kamma hícump pakan ti saatee eyye nkayem pakatoom.”

11 Fiye, Póol naayeno Kolint fo etiil niŋ kiim isak niŋ hoonool kakalaŋanii .

Póol timpi fe towo ti káakup tan óo tan timpi fatan.

Inci Ateeteyo inci yísanuu nii inci oopa naawe, an átayini pilaako kati akallani.

Póol timpi fe towo ti káakup tan óo tan timpi fatan.

Inci Ateeteyo taakaataak hícump pakan ti saatee eyye keeyem pakatoom.

Póol timpi fe towo ti káakup tan óo tan timpi fatan.

Póol hátikin Kaliyoŋ

12 Ta Kaliyoŋ naayeniye ta ati hikaw ha hiti mah ma miti Akayi, pa nkaconcool nkalaako Póol nkacoopoo pati éhinuma kíiti ya. 13 Nkasok Kaliyoŋ: “Ayíin a aŋe oopa ti hítunku pakan paka káputuul Pútuun ti páhinal empa ammeya nii pinapoolut niŋ hiti .” 14 Pale Póol ákupum, Kaliyoŋ naasok keenooke ka Póol: “Nísiitan, aluu Pusuwif pa, fo heecoonoolut náahine? Fo amuuyenaa-muuyen? Niŋ fo, inci antiyeno písiitan aluu. 15 Pale páawoo pílaacinool lamma inniyaake kiti kilim, ucaw niŋ hilim ha heesiiŋanee ha hitaaluu, eehuu hitaaluu! Láfiit piyeno áhina eehuu kíiti!” 16 Fiye, naayaanii ti éhinuma kíiti ya. 17 Poko púlooŋ nkacok Sosten, áhampaatiin a ati ya, nkasapoo hátikin éhinuma kíiti ya, pale Kaliyoŋ apaaliitii háati poonool.

Puñoho pa piti Póol Antiyok eti Siriya

18 Póol naakampan ti saatee ya eti Kolint, púful toko náakatinool niŋ kéeyinane ka naakaay ti saatee ya eti Kenkele. Prisila niŋ Akilas nkanapool neyoo. Po, naayiin hikawoo ápiyisan nii áhinaahin eeha naasintooliye ha Pútuun pa. Fiye, nkacoop piteen penfakat peeyeniye pikaayu ti mah ma miti . 19 Nkacol ti saatee ya eti Efes, toko Póol naatahe Prisila niŋ Akilas. Akina po, naakaay ti ya naayeno kákupat niŋ pa. 20 Payenkuu nkaluumoo: “Penan piyeno noonii!” Pale Póol acoonut. 21 Náakatinool neyii ti hisokuyii: “Niŋ súumaa ti Pútuun pa, inci fanene ñóhoonii petaaluu ti pikee.” Fiye, náaful Efes niŋ piteen penfakat.

22 Póol naaciŋ ti saatee ya eti Sesaale. Náatikin asilo kakican kéeyinane ka, apipa naakaay Antiyok eti Siriya. 23 Naakampan toko ti saatee ya púful toko naakaay. Naanap ti mah ma miti Kalati niŋ Filiki naapenan káyinan pinapana pa púlooŋ.

Apolos ti saatee ya eti Efes

24 Fiye, intaako aŋa nkasok Apolos, eepukee ti saatee ya eti Alesantili náacolii Efes. Ayíin a aŋuu eeyina káakup náameyi lompo pinap. 25 Ayísanoolee-yísanool pítin pa piti . Niŋ hame enfakat naayeniye káatuunan niŋ kakalaŋan pitempo tak kiti Yéesu, pale ya eti lamma naameya. 26 Fiye, naayeno káakup niŋ híyiinate ti ya. Ta Prisila niŋ Akilas nkásiyoo ta, nkacoopoo lateyii, nkapenan kakamanoo picaaŋ cataŋ pítin pa piti Pútuun pa. 27 Púful toko, Apolos náalafi pikaayu ti mah ma miti Akayi. Kéeyinane ka nkapampaŋanoo apikaay. Nkakiic leetal pinapana pa pakati Akayi, kapusokii kawanan Apolos pinap. Ta naacole ta po naayankanan meemak kéeyinane ka kamma kaasampan ka kiti Pútuun pa. 28 Kaatuko ta nálaacinool ta niŋ Pusuwif pa hátikin pakan paka, akina naheekii. Náayisanii ti pakiical pa piti Pútuun pa nii, Yéesu ayem .