मत्तायोस 6

चि'अना ही पत्त नू सिखाब'अना

¹ चिहुंक र'आ का आलर ही जियन निम्‍है तरा नतगा गे निम्‍है दौ नलखन अमा ऎद'आ। नीम अन्ने ननोर होले मेर्ख़ा नू र'ऊ निम्‍है धर्मे बंगस ती नीम इनाम मल ख़क्‍खोर। ² औंगे नीम कीड़र गे चि'ओर आ बारी इदही हाँक अमा चि'आ, एकासे उतुरमाड़ुर गोड़हा एड़पा अरा गली कुची गुट्ठी नू नन्नर, होले आलर आरिन सहरार'ओर। ऎन निमन मानिमन ब'अदन का आर तम्‍है इनाम ख़क्‍खा ख़च्‍चिका र‍'अनर। ³ औंगे एकाबारी नीम कीड़ा आलर गे चि'अदर, अदिन नन्ना आलर अम्‍बोर अख़'आ। ⁴ निम्‍है चि'अना अम्‍बो ऎथ्र'आ अरा निम्‍है बंगस मल ऎथ्रना नू हूँ निम्‍है नलखन ऎरदस, आस निमा बग्‍गे आसीस ननोस।

गोहरारना ही पत्त नू सिखाब'अना

(लूक 11:2–4)

⁵ एकाबारी नीम गोहरारदर, उतुरमाड़ुर लेक्‍खा अमके गोहरार'आ। आर गा गोड़हा एड़पा नू अरा दोप्‍फा डहरे नू इजनर ती गोहरार'आ गे पत्तारनर, होले आलर आरिन ऎरोर। ऎन निमन मानिमन ब'अदन, आर गे तम्‍है इनाम ख़क्‍ख्र'आ ख़च्‍चिया। ⁶ नीम गा गोहरारना बारी, निम्‍है कुठली नू कला अरा बलिन मुच्‍चा ती मल ऎथ्रना नू निम्‍है बगंस ती गोहरार'आ। निम्‍है बंगस मल ऎथ्रना नू निम्‍है नलखन हूँ ऎरदस, आस निमन आसीस ननोस।

⁷ अरा नीम गोहरारना बारी, नॆ धर्मेसिन बलनर आर ही लेक्‍खा अनभनियाँ कत्‍था गे धैना अमा नना। आर सोचनर का घड़ही गोहरारना ती एम्‍है गोहरारना मेन्‍तार'ओ। ⁸ आर ही लेक्‍खा अमा मना, एन्‍देरगेका निम्‍है ने'अना ती मुन्‍द तिम निम्‍है बंगस अख़दस का निमा एन्‍देर एन्देर जिनिस ही चाड़ र'ई। ⁹ औंगे नीम एन्ने गोहरारके:

‘अना एम्‍है मेर्ख़ा नू र'ऊ बबा,

निंग्‍है नामे नेम्‍हा मनन नेकअन।

\wj ¹⁰ निंग्‍है राजी बर'अन नेकअन।\wj*

निंग्‍है मने एकासे मेर्ख़ा नू मनी

अन्नेम ख़ॆख़ेल नू हूँ मनन नेक‍अन।

\wj ¹¹ एम्‍है उल्‍ला उल्‍लन्‍ता ओन्ना-मॊख़नन इन्ना एमा गे चि'आ।\wj*

\wj ¹² अरा एकासे ऎम एम्‍है उर्मी अक्‍का-बलकारिन अम्‍बदम चि'अदम\wj*

अन्नेम एम्‍है अक्‍का-बलकन हूँ अम्‍बा चि'आ।

\wj ¹³ अरा एमन पाप नन्ना ही चिबाख़ारना नू खतर'आ अमा चि'आ,\wj*

लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

\wj ¹⁴ नीम नन्नर ही अक्‍का-बलकन छमा ननोर होले मेर्ख़ा ता बगंस हूँ निमन छमा ननोस। ¹⁵ लिकीन नीम नन्नारिन छमा मल ननोर होले निम्‍है बगंस हूँ निम्‍है अक्‍का-बलकन छमा मल ननोस।\wj*

उपास नना ही पत्त नू सिखाब'अना

¹⁶ नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर। ¹⁷ नीन गा उपास ननो बारी निंग्‍है मुहिन मुझुरके अरा कुक्‍कु नू इसुंग नलभ्रके। ¹⁸ एकत्रु आलर गे मला निंग्‍है बंगस गे लेका एकास मल ऎथ्रना नू र'अदस ईद ऎथ्र'ओ का नीन उपास र'अदय। अरा निंग्‍‍है बंगस मल ऎथ्रना नू हूँ ऎरदस निंगा इनाम चि'ओस।

मानिम खुर्जी ही पत्त नू सिखाब'अना

(लूक 12:33, 34; 11:34–36; 16:13)

¹⁹ ख़ॆख़ेल नू निमा गे खुर्जी अमा बेंद'आ, एक्‍सन मुरछा मूख़ी पोचगो गुट्ठी मूख़ी अरा ख़लबर उम्‍पनर ती ख़ड़नर हो'अनर। ²⁰ लिकिन मेर्ख़ा नू निमा गे खुर्जी बेंद'आ, एक्‍सन मुरछा मल मूख़ी अरा पोचगो गुट्ठी मल मूख़ी अरा ख़लबर उम्‍पनर ती मल ख़ड़नर हो'अनर। ²¹ एन्‍देरगेका एक्‍सन निम्‍है खुर्जी र'ई असन निम्‍है जिया हूँ टंग्रकी र'ओ।

²² मॆद ही बिल्‍ली ख़न्न। औंगे ख़न्न फरी र'ई होले निंग्‍‍है सौंसे मॆद हूँ बिल्‍ली र'ओ। ²³ लिकिन निंग्‍है ख़न्न बगड़ारकी र'ई होले निंग्‍है सौंसे मॆद ऊख़ा र'ओ। अरा निंग्‍है भितरी ता बिल्‍ली दिम मल रफ'ओ होले नीन मानिम नू कोड़हे ऊख़ा नू र'अदय।

²⁴ नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।

धर्मेस नू असरा नना

(लूक 12:22–31)

²⁵ इदगे ऎन निमन ब'अदन, निम्‍है उज्‍जा गे अरा निम्‍है मॆद गे घोख अमा नना, एन्‍दरन ओनोम महले मॊख़ोन अरा एन्‍दरन अत्तोम। एन्‍देरगेका उज्‍जना मंडी ती अरा मॆद किचरी ती कोहाँ र'ई। ²⁶ ऒड़ा गुट्ठिन ऎरा, अबडा चाँख़'ई मला, ख़ु'ई मला, अरा कुट्ठी नू बीन्द'ई मला, अन्नु हूँ निम्‍है मेर्ख़ा बंगस अबड़न पॊसदस। नीम गा अबड़ा ती कोड़हे मूल्‍ली ही र'अदर। ²⁷ नीम घोख नन्ना ती निम्‍है उज्‍जनन ओन घड़ी हूँ बग्‍गे नना पोल्‍लोर।

²⁸ अरा किचरी डोड्डो ही पत्त नू अमा घोख'आ। ख़ल्ल ही पूंप गुट्ठी ही पत्त नू सोच'आ, अबड़ा एकासे परदी। अबड़ा नलख मल ननी अरा तमा गे किचरी मल कम'ई। ²⁹ अन्नु हूँ ऎन निमन ब'अदन, सालोमॊन बॆलस एका कोहाँ उरुब आलस रहचस, लिकिन आस इबड़ा पूंप ती ओन्टा बेसे हूँ फबना मल अत्तका रहचस। ³⁰ इन्ना टोंका नू र'ऊ अरा नॆला चिच्‍ची नू च'ऊ लट्टी गे धर्मेस फबना ऎथ्रना चि'अदस होले, अना पत्त'अना नू पयहा आलारो, धर्मेस निमन मानिम नू ऎरोस ख़ॊजोस दने। ³¹ औंगे नीम अमा घोख'आ का एन्‍द्रन मॊख़ोम अरा एन्‍द्रन ओनोम अरा एन्‍द्रन कूरोम झप्र'ओम? ³² धर्मेसिन बल्लुर इबड़ा ओर्मा ही तिहा नू र'अनर, लिकिन निम्‍है मेर्ख़ा बंगस अख़दस का निमा गे इबड़ा उर्मी आलॊ ही चाड़ र'ई। ³³ लिकिन मुन्‍द धर्मेस निम्‍है उज्‍जना नू राजी नन्ना ही पत्त सोच नू र'आ अरा आसी मने लेक्‍खा नना, होले इबड़ा उर्मी आलॊ निमा चितार'ओ। ³⁴ औंगे नॆला ही पत्त नू अमा घोख'आ, नॆला गा नॆला ही घोख आबोन घोख'ओ। इन्ना ता तिहा इन्ना गे मनो क'ओ।