Anxutta Phawlosey Teselonqaxituse Anso Bidzunxo Woosso
Do'o
Ha acha Teselonqe woosso diizzasi anxutta Phawloseko. Ususe e diizosini Teselonqe katamaa yecha Wonto zawa geritusuko. Teselonqe katamay Maqadoone wudiya yese katamittukafa eruttese malla katamako. Phawlosey Filphisoose katamaafa Teselonqe yoodi haga modhe odo ohiya e yechoyne ye katama geri e gara u dendo gisha badhi dhaddi Qorontoose e hando. Ye Qorontoose katamaaka e yesune Xhimootoosiyara Sillaasiyaray Teselonqefa aadexichashiti odo etti esuko u hando. Ye u garafa bidzi bidzi odo be siido gisha ha woosso Teselonqaxituse diizzi e anso.
E diizuttosini 50 -51 Maaro beriti giddaakako.
Ha woosso esume e diizosini 1. biya ella maddhana undo badesine miindi u ee'orosa osusese; 2. aadexeesiti be yesona waydi yese uso e worgusesa ohese; 3. Hante baaka u gidda yese axiti hanti miyorosa maxusese; 4. Aadessi gaddi haydhaasiti Kristosay yooneniya haybowafa dendi nuura wolko Kristosa u mokkesa addusesuko.
Ha fissharowa yese ee'ittaaka uddi godowa Phawlosey maxusesi Kristosa lakkunxo yoowe e maaqe gisha lakkunxo e yoowey ha fissharowa aako godoko e aytese hidiko e hiyutte.
Ha fissharoy shahuttesi ichichi godoko:
1. 1:1 Burona sawo
2. 1:2 - 3:13 Phawlosey Teselonqaxitaara keenge muhowara uso e galatosaara
3. 4:1-12 Wontose magguse yeso yese gisha
4. 4:13 - 5:11 Haybo denxo gishaara Kristosay lakkunxo yoone gishaara
5. 5:12-28 Aallicira maxowaara sawaara