1 Ām pēsyēēt nyēē po taatya nyēē kiirupē Sapaatu, kumusta ꞉cēēpyōōsōōk kupoontootii mwaaniinak coo pooŋuu nyēē anyiny cēē kikiikwiitya. Kupa ākoy yoo po kēpēnēēt. 2 Kiiwokunyōōr /kaciimukurkuurto rwaanteet nyēē /kikiceekaree kēpēnēēt. 3 Kōōwut kēpēn nteenee munāākunyōōr pōōrtaap Mākoryoontēēt Yēēsu. 4 Kumii kanam ceek kōōt ꞉ŋaleecu, kupun taaymwaa pakeenke ꞉piiko alake āyēēŋu cēē kiiloocē sirook cēē lākācēēctōōs. 5 Kiimuuyo ꞉cēēpyōōsōōk kōt ānkuuyiim mētēwook kukas ŋuny. Kuteepee ꞉picaato cēēpyōōsōōcaato kule, “Ām nee saaceenyee cii nyēē sāpoot wuli po kāākwoompiic? 6 Māmii wuli! Kāākōōtutuut. Asoot wuloo kiimwootyoowook yoo kyāāpoontē keey ām Kalilaaya. 7 Kiimwoow kule, ‘+/Māciiyokooci *Wēēritaap Cii yēwunnyēkaap cēēmŋōōkisiisyēk, ānku /cēēwuutyooci murtoowoontēēt. Nto pēsyēētaap sōmōk, mākōōtutuut.’” 8 Yooto, kusuk cēēpyōōsōōcaa.

9 Yooto kukatita keey ꞉cēēpyōōsōōcaa wuloo kiimii ꞉kāānoomik cuut taman āk akeenke āk cuut alak ānkumwooci kiyēē kaakwiiyakay. 10 Cēēpyōōsōōcaa ku Mariiya nyēpo Maktaala, Coowaana, Mariiya kaamutyaap Yāākōpō āk cēēpyōōsōōk alak. 11 Nteenee kiinyiil ꞉kāānoomik ŋaleekaap cēēpyōōsōōcaa. 12 Nteenee kuŋeet Pēētērō lakwar ānkuukōny ākoy kēpēnēēt. Nto kāākukōōtyo, kukas sirook coo /kikiceemutya nteenee kiimāmii ꞉muusto. Yooto kukatita keey kaa kuukitēē ŋaleek cēē kikwiiyēkiis.

13 Ām pēsyēēt nyooto kimiitē ꞉kāānoomikaap Yēēsu alak āyēēŋu cēē kiipēētii saaŋta ake nyēē /kicēēkuurēē Emaawus. Kii lōōyinto nyēpo kiilomiitaanik cēē yitē taman āk akeenke kucakee Yēērusālēēm. 14 Kyoomootii lōkōōy kuŋāloolootēē tukuuk tōkōl cēē kikwiiyēkiis. 15 Kumiitē ꞉ceek kuurwoocē ŋaleecaato, kumur ꞉Yēēsu ām pooniinēkwaa ankutasta keey tōkōl ām pooniinēcaa. 16 Nteenee munaakusuk ꞉kāānoomik kule ŋoo ꞉neeto.

17 Kuteepee ꞉Yēēsu ceek kule, “Nee nyēē āmiitē āŋāloolēē ee?” Yooto kuyooŋiis ānkukās nyēē saŋuut.

18 Kuteepee ꞉kāānoomintēēt akeenke nyēē /kiicēēkuurēē Kiilyoopas Yēēsu kule, “Yikuu ꞉nyii too ām Yēērusālēēm anku munēēnkēt ŋal cēē kiitook āyiin lēēkitō?”

19 Yooto kuteepee ꞉Yēēsu ciicaato kule, “Tukun nee ꞉cēē kiitook?” /Cēēwēēkyi Yēēsu kule, “Ŋālyoo nyēē kiitookyi Yēēsu nyēpo Nāāsārēēt. Kii wōōrkooyoontēētaap Yēyiintēēt ānki kāānēētiin nyēē kiikwiiyē ŋal cēpo kaakitat ām taatyaap Yēyiintēēt ākoo piiko. 20 Kiiyokootyo *꞉pēēliikaap kōrōsēēk cēē yēēc āk kāāntōōyikyoo Yēēsu /ceepakac, /āncēēkwōrtooci murtoowoontēēt. 21 Nteenee kiiciikēnēē keey kule makutyaakta piikaap Isrāyēēl. Pēsyēētaap sōmōk ꞉nyi kucakee kutook ŋaleecu. 22 Kāsutwēēc cēēpyōōsōōk alak cēē kiipoontootii keey Yēēsu lōkōōy cēē keetaankooyeec mēt. Kamusta kōrrōōn wuliin po kēpēn, 23 nteenee munāākunyōōr pōōrnyii. Kukēt keey cēēpyōōsōōcaa ānkumwoowēēc kule kakas malayikaanik cēē kiimwooci ceek kule sāpoot ꞉Yēēsu. 24 Kuŋēētyo ꞉piiko alake ām aceek kupa ākoy kēpēn ānkuwokunyōōr yuu nyooto kāmwootyooy ꞉cēēpyōōsōōk.”

25 Kumwooci ꞉Yēēsu ceek kule, “Puuswookicu, wuuyēc kule nee mētēwookwook. Munaacamte tukuuk tōkōl coo kiimwoow ꞉wōōrkooyikaap Yēyiintēēt. 26 -Māānkēt ꞉akweek kule kimisyinii kunyalil *꞉Kāārārookiintēēt tukuuk tōkōl ntēē wutē wōōyinto?” 27 Yooto kurārci ꞉Yēēsu piiko ām siluutookaap Yēyiintēēt kucakee cēpo Muusa ākoy wōōrkooyik tōkōl kunāmē keey ākoo neeto.

28 Yoo makupunto saaŋta nyēē kiipēētii, kwiitya keey ꞉Yēēsu nyēē katasta keey taay āk pooniinēkyii. 29 Nteenee kukat ꞉ceekto kule ciipuurtē keey āmnyēē kikikwiimēn ꞉kōōrēēt. Yooto kucam ꞉Yēēsu kupeeta keey tōkōl.

30 Yēē kiipērē ꞉ceek kule coomiisyē, kunam ꞉Yēēsu mukatyaanteet kupirci Yēyiintēēt kōōnkōy. Kupatac ānkuukooci picaato. 31 Kusuk ꞉picaato kule ntēē Yēēsu ꞉nyooto nteenee kupotyi keey kule pil! 32 Kumwooci keey ꞉picaato kule, “Ntēē kākāācēēŋērēkiisyē kōt yēē kāmii ꞉nee kurārwēēc ŋaleek cēē mwoowuu ꞉siluutookaap Yēyiintēēt.”

33 Kiiŋeet ꞉picaato pakeenke ankukatita keey Yēērusālēēm. Nto yooto wokunyōōr kāānoomik taman āk akeenke ākoo piiko alak kumii yēētēēt akeenke. 34 /Cēēmwooci picaa āyēēny kule, “Kupooyiit man, kāākōōtuutunēē ꞉Mākoryoontēēt meet ānku kāākuupoorci keey Sumōōni.” 35 Yooto kurār picu āyēēŋu cēē kiikwoonēē Emaawus ŋaleek cēē kiitook ām araan āk wulēē kiinkētito ꞉ceek Yēēsu yēē kiipātācē mukatyaanteet.

36 Kutākumii ꞉ceek kuŋāloolē ŋaleecaato, kutookunēē ꞉Yēēsu kwēēnuumwaa ānkumwooci kule, “Ānyōōru tāloosyēēt.”

37 Kiiyiimēkiis ꞉ceek kōt ānkumuuyo kuusōōtē kule kaceekas āyoontēēt. 38 Kumwooci ꞉Yēēsu kule, “Ām nee sāāmuuyē yuu nyi ankaaŋuny kule ma anii ꞉nyiitēnyi? 39 Akas paa yēwunnyēkyuu āk kērēēnkōōkyuu. Ataptap saakas kule māyiku ꞉anii āyoontēēt.”

40 Yēē kāwokuŋalaal kupōk, kuupoorci ceek yēwunnyēkyii āk kērēēnkōōkyii. 41 Kiikitee kāānoomik ānkuŋērēkiis, kule ntēēyu nyēē manta. Kuteepee ꞉Yēēsu ceek kule, “Āpoontē ꞉akweek kiy ām yuutēyu nyēē /coomē?” 42 /Ciiyokooci nee purpuryoontēēt nyēē waatanaat. 43 Kunam ankwaam ām taaymwaa.

44 Kumwooci ꞉Yēēsu ceek kule, “Asoot ŋaleek coo kyāāmwoowook yoo kiitācēēpoontē keey. Misyinii kutiilyaayakay ŋaleek tōkōl coo /kicēēsil kunāmē keey ākoo anii ām siluutookaap Muusa, āk cēpo wōōrkooyikaap Yēyiintēēt ākoo Tuumwoonik.”

45 Kuŋoonkyi ꞉Yēēsu kāānoomikyii kuunkēt kiy nyēē mwoowuu siluutookaap Yēyiintēēt. 46 Kiimwooci Yēēsu ceek kule, “/Kicēēsil kule makunyalil ꞉Kāārārookiintēēt nto kaamiit kōōtuutunēē meet ām pēsyēēt nyēpo sōmōk. 47-48 +/Maceemwaatyaat ām kaannyeenyii kupunto kōōrēēt kumukuul kule kureeny keey ꞉piiko ām miyootyōōnikwaa /saciikaalya. +Māāyiku ꞉akweek mucuurwaan cēpo ŋaleecu kucakee Yēērusālēēm. 49 Akas, māwāāyookwook kiito nyēē kiikuurto Paapamwaanii, nteenee akany ām mōōŋooni ākoy /ciilaakeenaak swaameet nyēē cōōnēē kipkōōnkō.”

50 Nto mii pēsyēēt ake, kuwēēto keey Yēēsu kāānoomikyii ākoy kulēēkitēē Pesaaniya, kuutōrōōr yēwunnyēkyii ankuukat ceek. 51 Yēē kiimii kuukātē ceek, /cēēkwōr neeto kipkōōnkō. 52 Kukutuny kāānoomik ankusaay Yēēsu, nto kaamiit kukatita keey Yēērusālēēm kupoonto ŋarakweek cēē caaŋ. 53 Yooto kupēēni ꞉ceek akookay Kōōtaap Yēyiintēēt kuukoostooy Yēyiintēēt.