1 Kikiiriik ꞉Saakweetaap Mukatiinak cēē Mākuutunootiin nyēē /cēēkuurē yēēc kule *Saakweetaap Keetyaayeet. 2 Kuceeny *꞉pēēliikaap kōrōsēēk cēē yēēc ākoo poonwookiikaap *ntarastiit wulēē +/maceenamta Yēēsu /suwoceepakac nteenee kii nyōkōōrēc kule muucē kwiiy ꞉piiko pooryēēt.

3 Yooto, kutamar ꞉Seetaani Yuuta nyoo kii akeenke ām kāānoomikaap Yēēsu taman āk āyēēny. 4 Nto kaamiit kuwō ꞉Yuuta wulēē mii pēēliikaap kōrōsēēk cēē yēēc ākoo kāāntōōyikaap riipiik cēpo *Kōōtaap Yēyiintēēt ankuŋalaalee wulēē +/maceenamta Yēēsu. 5 Kiiŋērēkiis ꞉kāāntōōyicaa kōt kukuurtooci ꞉Yuuta kariik. 6 Kucam ꞉Yuuta ŋaleecaa ankuceeny pārooyinto wulēē +/maceenamta Yēēsu ām siisyoot.

7 Yooto kupunto ꞉Saakweet nyēpo Mukatiinak cēē Mākuutunootiin nyēē /cēēyēēnyē mēēnkit nyēpo *Saakweetaap Keetyaayeet. 8 Kuuyookto ꞉Yēēsu Pēētērō ākoo Yoowaana kupa Yēērusālēēm. Kutoompo kupēētii, kumwooci kule, “Wāāyityoowēēc Saakweetaap Keetyaayeet sakyaam.”

9 Kuteepee ꞉ceek Yēēsu kule, “Pērē ꞉nyii ciityee ꞉aceek ānu saakweet?”

10 Kuwēēkyi ꞉Yēēsu ceek kule, “Ape nto yoo āwutii mōōŋēētaap Yēērusālēēm +māātuuyēē ciito ake nyēē tōōrootii tērēētaap pēēko. Arup ākoy kōōt nyēē kēēwut. 11 Yooto, āmwooci ciitaap kayaato kule, ‘Mācē ꞉Mākoryoontēēt kisēēnkēēt nyēē sakwaamee Saakweetaap Keetyaayeet ākoo kāānoomikyii.’ 12 Mākuupoorwook kisēēnkēēt nyēē mii kōōto tarat ānku sataat tāpoon.”

13 Yooto kupa ꞉ceek mōōŋoonooto wokunyōōr kiy ake tōkōl kuyuu wuloo kikiimwaatya ꞉Yēēsu, nto kaamiit, kwiitya tukuuk cēpo Saakweetaap Keetyaayeet.

14 Yoo kuwopunto ꞉pārooyinto nyooto, kōōpuur ꞉Yēēsu ākoo *kiiyookiikyii ānkwoomiis. 15 Kumwooci ꞉Yēēsu ceek kule, “Kyaamac ꞉anii kule kyaam Saakwaani āk akweek kutoompo ānyālilē. 16 Kāāmwoowook kupooyiit man, kule kāmāwokyoomē āmiicu ākēny āk akweek ākoy yoo wokyoomē saakweet nyēē lēēl ām Kaap Yēyiin.”

17 Yooto, kunam ꞉Yēēsu cikōōmpēēt nyēē kiimii *꞉fiinyōōnik, kuukaasta Yēyiintēēt, ānkumwooci *kiiyookiikyii kule, “Ayamte tōkōl. 18 Kāāmwoowook kupooyiit man kāmātāāyēē fiinyōōnicu ākēny ākoy kōt waayee ām Kaap Yēyiin.”

19 Kunam ꞉Yēēsu mukatyaanteet, ankuukaasta Yēyiintēēt, nto kaamiit kupētēkyi kiiyookiikyii ānkumwooci kule, “Pōōrmwaanii ꞉nyi nyēē /kācēēkōōn kupo akweek. Āyoomē āsōōtēēnoo anii.”

20 Yēē kāwokwoomiis kupōk, kunam ꞉Yēēsu cikōōmpēēt nyēē kiimii ꞉fiinyōōnik ānkumwoow kule, “Kiirootyeet ꞉nyi nyēē lēēl kupununēē korotiikwanii cēē +/maciitaata.”

21 Kiimwoow ꞉Yēēsu kule, “Lēyē, cēēmiitē coomiisyii ām yu tōkōl, nteenee mii ꞉akeenke ām akweek nyēē pērē wāāŋōōmtoo. 22 Makume *꞉Wēēritaap Cii kuyuu wuloo kiikuutiilya ꞉Yēyiintēēt nteenee ruumcinoot ꞉cii nyoo kāŋōōmto.” 23 Yooto kuteepee keey ꞉kāānoomik kule, “Ara nyuun ŋoo ām aceek ꞉nyēē pērē āŋōōmtooyiisyē?”

24 Kucac ꞉kāānoomik kumooyo wōōyinto. 25 Kumwooci ꞉Yēēsu ceek kule, “Mācē ꞉pātyooyikaap kōōrooni kuupoorci piiko kule ceek ꞉cēē mācē /ciiywēyē, /ānkucēēkuurē mpo yēēc kule cōōrōōnuut cēpo piiko. 26 Nteenee māyēmē ayiy ꞉akweek yuu ceekto. Nyoo mācē kuwōōyiit ām akweek, kuurēēkunēē keey ankucam kwēēk mutwooriin.” 27 Kuteep ꞉Yēēsu kule, “Ŋoo nyēpo laatik, ciito nyoo pāyiisyii nto nyoo yoomiisyii? Eeno, ciito nyoo /cēēpāyē nyēē po laatik. Kupo yēē tāāpoontē keey ꞉anii akweek, tāāyikuu mutwooriintēēmwooŋ. 28 Kyāāmutyooci ꞉akweek yoo kyāāmiitē ꞉anii syēēmuutook. 29 Kuyuu wuloo kiikōōnuntoowoo ꞉Paapa kāāmuukēywēēk, ākōōnook mpaanii kāāmuukēywēēk cooto. 30 +Māciipuurtē keey waanak ām Kaap Yēyiin ānkyoomiisyē. +Maapatyee ꞉akweek aroosyek cēpo piikaap Isrāyēēl tōkōl.”

31 Kumwooci ꞉Yēēsu Pēētērō kule, “Sumōōni, Sumōōni, wēēy, kāāsoom ꞉Seetaani kule aseestaak yuu mōrōr cēpo nkaanu! 32 Nteenee kāāsoomuuŋ ꞉anii nōō, Sumōōni sumēēntē āsuutē ām kāāyēnēēŋuuŋ. Yoo keereeny keey ānkēēcōō wuli āmiitē anii, +mēētitiir kāānoomik cuut.”

33 Kuwēēkyi ꞉Pēētērō kule, “Mākoryoontēēt, kāākōōnu keey ꞉anii! Yēē kāpo rātiisyō, /ceerateec tukwaay, yēē kāpo meet, cēēpōku ꞉tukwaay.”

34 Yooto kuwēēkyi ꞉Yēēsu kule, “Pēētērō, kāāmwoowuuŋ, kutoompo kōōncuurē ꞉kurkōōnkiit tuun kōrrōōn, +meetuuc keey areet sōmōk.”

35 Kumwooci ꞉Yēēsu ceek kule, “Yoo kyāāyooktook ꞉anii sāāpēētootii kumāmii karin, looloonik, āk kwēyōōk, kii kiy nee ꞉nyēē kiipotwook?” Kuwēēkyi ꞉kāānoomik kule, “Puryo kiy.” 36 Kumwooci ꞉Yēēsu kule, “Nteenee yēē poonto ꞉cii yaawuut peesaanikyii nto kā loolēēnyii, kunamaat. Nto nyoo māpoonto cōōkiit kwaalya sireenyii ankwaal nyeenyii. 37 Makuunyiitakay ꞉wōōrkooyoontiit nyoo ruptooy keey āk anii nyoo mwoowuu kule, ‘/Kiciiyoomo neeto āk lukēētaap kāāwuurtooyik.’ Ee, mākuunyiitēkiis ꞉ŋaleek tōkōl coo /kicēēsil kunāmē keey āk anii.”

38 Kumwoow ꞉kāānoomikyii kule, “Mākoryoontēēt, cēēpoontē cōōkiinēk āyēēny.” Kumwooci ꞉Yēēsu kule, “Kutēēniit coo!”

39 Yoo kāwokucōōnēē ꞉Yēēsu āk kāānoomikyii kōyoo, kuwuci keey Lakameetaap Sēytuuniinēk kuyuu kwaak. 40 Kumii wulooto, kumwooci kāānoomikyii kule, “Mācēktōōs asaay ꞉akweek simāāsuuci syēēmuutook.”

41 Kuŋeetee ꞉Yēēsu yēē kimiitē ꞉kāānoomikyii ankuunaata wulēē lōō kisiic. Kukutuny ānkusoom kule, 42 “Paapa, yoo cāmē, numwoo taŋaŋta nyi. Nteenee kany kwiiyakay kuyuu wuloo māktooy ꞉nyii mēēpērē kuyuu wuloo āmāktooy ꞉anii.” [ 43 Yooto pakeenke kucō *꞉malayikeet ānkuutitiir neeto. 44 Kiisaay yēēc ꞉Yēēsu nyēē mwaa kōt kuuyot. Kiikarkeeyiitu ꞉kiyootikyii korotiik cēē /kaciitaata.]* Kiimāmiitē ꞉kērēywēēcu tukwaay siluutook alak cēpo kirikiik.

45 Yu kāwokuuwooŋ ꞉Yēēsu kusoom, kuŋeetee yooto ānkuwō yoo kiimii ꞉kāānoomikyii. Nteenee kiiwokunyōōr kumii rwoo kupo caasikaap muyētēēt. 46 Kumwooci ꞉Yēēsu kule, “Ām nee sāāruyē? Āŋēētyē ānkāāsoom sumāāsuuci syēēmuutook.”

47 Kutāmii ꞉Yēēsu kuŋāloolē, kupun ꞉Yuuta nyoo kii akeenke ām kāānoomikaap Yēēsu taman āk āyēēny, kucōōntooy keey piiko cēē caaŋ. Kusoor wulēē kiimii ꞉Yēēsu kumācē kule aŋaatuut. 48 Kumwooci ꞉Yēēsu kule, “Yuuta! Mācē man āŋōōmtē *Wēēritaap Cii kusiir ŋaatuuteet?”

49 Yu kāwokukas ꞉kāānoomik cuut kiyēē kiimii wokwiiyēktōōs, kumwoow kule “Mākoryoontēēt! Ceeyap picu?” 50 Ām lakwar, kucwanta ꞉akeenke yiitiitaap taay nyēpo mutwooriintēētaap pēēliintēētaap kōrōsēēk nyēē wōō.

51 Nteenee kumwooci ꞉Yēēsu kāānoomikyii kule, “Ayaaste kwiiy coo kāākwoontyinii.” Yooto, kunam yiitiitaap ciicaa ānkukētyi yooto.

52 Ām yooto kumwooci ꞉Yēēsu *pēēliikaap kōrōsēēk cēē yēēc, pooyik ākoo piiko alak cēē yēēc ām cēē kiiriipē *Kōōtaap Yēyiintēēt kule, “Ntēē saakwaante cōōkiinēk āk kisyaariinak? Āpērē āntōōcinii ꞉anii piic cēē mācē kunam kōōr? 53 Ām nee munaanama anii ꞉akweek yoo kyāāmiitē saaŋtaap Kōōtaap Yēyiintēēt? Nteenee pēsyēēmwooŋ ꞉nyiitēnyi āk swaameetaap mēēnēnēēt.”

54 /Kiceenam Yēēsu /āncēēkwōr ākoy katyaap pēēliintēētaap kōrōsēēk nyēē wōō. Kiinoomootii ꞉Pēētērō Yēēsu nteenee kiimāriicē. 55 Kiikiikuulaay ꞉riipiik maata ām kiyēŋ ānkimii kuyuuyē. Kucō mpo ꞉Pēētērō ānkuyuuy mayaato. 56 Yēē kāwokutaal ꞉maata Pēētērō, kukas ꞉cēēpto ake nyēē kii mutwooriin. Yooto kumwoow kule, “Lēēkōōy, ntēē kiipoontootii keey ꞉ciici Yēēsu, nōō lēē!”

57 Kutuuc keey ꞉Pēētērō kule, “Yyee, ōō, ntēē -māānkēt mpo ciicaa, nōō mērē!”

58 Kukas yēēc ꞉ciito ake Pēētērō ānkumwoow kule, “Kupooyiit man, akeenke ꞉ciici ām picu!” Kumwoow ꞉Pēētērō kule, “Āpoo, āpēērē keey!”

59 Yoo kāwokukeetya ꞉saaweet akeenke, kumwoow mpo yēēc ꞉ciito ake kule, “Kupooyiit man, kiipoonto keey ꞉ciici Yēēsu āmnyēē sālu Kalilaaya.”

60 Kutuuc keey yēēc ꞉Pēētērō kule, “Āpoo, kupooyiit man -māānkēt ŋaleek cēē miitē mwoowuu.” Kōōncuur kurkōōnkiit pakeenke! 61 Yooto kuweec keey ꞉Yēēsu ānkuurōōtoot Pēētērō. Kuusoot ꞉Pēētērō yoo kimwoocinii ꞉Yēēsu kule, “Kutoompo kōōncuurē ꞉kurkōōnkiit tuun kōrrōōn, -meetuuc keey areet sōmōk.” 62 Kuwō ꞉Pēētērō saaŋ ānkuwokuriir ām mwoonin.

63 Kiicac ꞉piiko coo kiiriipootii ꞉Yēēsu kuuncuruuroot neeto ānkupir. 64 Kiiyēēn koonyakyii ānkupiroot sakutēēpootēē kule, “Ŋoor paa, ŋoo ꞉nyi kāpiriiŋ?” 65 Kiiŋamŋamaat mpo ꞉picaato Yēēsu kōt.

66 Yēē kāwokuyeec ꞉kōōrēēt, kikiikōōruruuc keey ꞉kōōkwēēt nyēpo Yutaayeek kunam wulēē mii ꞉pooyik, pēēliikaap kōrōsēēk cēē yēēc, āk poonwookiikaap ntarastiit. Yooto, /cēēkwōr Yēēsu ākoy kōōk. 67 Kumiitē kōōk, /ceeteepee kule, “Mwoowēēc, yikuu ꞉nyii man *Kāārārookiintēēt?” Nteenee kuwēēkyi ꞉Yēēsu kule, “Nkal kāāmwoowook, māāmuucii ꞉akweek acamte. 68 Nto yēēc, nkal kaateepeenaak ꞉anii ŋālyoo, māāpērē -māāwēēkuu. 69 Nteenee kucakee yawuut kuwō taay, +māwāāpuurunēē ꞉anii, ꞉Wēēritaap Cii, yēwutaap taay nyēpo Yēyiintēēt ānkāāpātyooyiisyēē āk neeto.”

70 Kupōl ꞉picaa tōkōl kule, “Mācē āmwoowuu kule yikuu ꞉nyii leekweetaap Yēyiintēēt?” Kuwēēkyi ꞉Yēēsu ceek kule, “Yuu nyooto, kaamwaatye ꞉akweek.”

71 Nto kāwokuuwaany ꞉Yēēsu kumwoow yuu nyooto, kōōruumci ꞉picaa kule, “Nee ꞉ake yēēc nyēē tācēēmācē /tācēēmwoowēēc kunāmē keey āk ciici? Ntēē kaaceelim kumwoowunēē kōōtēēnyii nkit!”