1 Ām pēsyēēt ake, yēē kiimii ꞉Yēēsu kuunēētiisyi ānkwoomcinii piiko lōkōōywēk cēē tāpoonēc ām saaŋtaap *Kōōtaap Yēyiintēēt, kukwoontyi *pēēliikaap kōrōsēēk cēē yēēc, poonwookiikaap *ntarastiit ākoo pooyik. 2 Kuteepee ꞉picaato Yēēsu kule, “Mwoowu paa, ŋoo ꞉nyēē kiikōōniiŋ kāāmuukēywēēk yiy ŋaleecu?” 3 Kuwēēkyi ꞉Yēēsu kule, “Kany ateepeenaak ꞉anii tēēpuutyēēt. Āmwoowoo, paa, 4 yoo kiipātisāniisyi ꞉Yoowaana, kiikwoonēē ꞉kāāmuukēywēēkyii wulēē mii ꞉Yēyiintēēt, nto wulēē mii ꞉piiko?”

5 Yooto kuteepee keey ꞉picaa kule, “Yoo kācēēmwoowu kule kiikwoonēē ꞉kāāmuukēywēēkyii wulēē mii ꞉Yēyiintēēt, masukuteepeeneec kule ām nee simāciiyēntyi. 6 Nto yoo kācēēmwoowu kule kiikwoonēē wulēē mii ꞉piiko, masakuwiireeneec ꞉picu tēē cu rwoontōōk cēēpōku, āmnyēē kiikuuyēntyi ꞉ceek kule kii *wōōrkooyoontēētaap Yēyiintēēt ꞉Yoowaana.”

7 Yooto kuwēēkyi ꞉picaa Yēēsu kule, “-Māciinkēt.” 8 Kumwooci ꞉Yēēsu ceek kule, “-Māāmwoowook ꞉anii mpo ciicaa kiikōōnoo kāāmuukēywēēk ayiy ŋaleecu.”

9 Kutasta keey ꞉Yēēsu taay kumwooci piiko kule, “Kiiŋeet ꞉ciito ake kuwuuy *sāpiipuunēk mpareenyii. Yooto kāwokuwuuy, kucāmciin āk piiko alak kule kupātyi nee mparaanaa sākucwiciin āmiik kōōyiin yoo kāruryo. Nto mii yoo, kuwō kōōrēēt ake ānkumuŋiis kēnyiisyēk cēē caaŋ. 10 Yooto kāwokururyo ꞉āmiik, kuuyookto ꞉ciicaa kiipo mpareet mutwooriintēēnyii akeenke wokusutyi kereeryaanteet nyēē kii nyeenyii. Yooto kāpunto ꞉mutwooriintoonoo wulooto kiipo mpareen, kupir ꞉picaa /kiciikoocinii kuupat mparaanaa ankukwat kupiryo kiy. 11 Kuuyookto yēēc ꞉ciicaa mutwooriintēēt ake. /Cēēpir mpo nyoo, /cēēcuur /anceekwatee mpareen kupiryo kiy. 12 Kuuyookto yēēc ake nyēpo sōmōk. /Cēēpir nyoo, /kiikōōtēn /ānciicuutoot ākoy tuutya saaŋ. 13 Kuusoot ꞉ciitaap mpareet kule, ‘Saayiy nee?’ Nto mii yoo, kumwoow kule, ‘Mii ꞉kiy nyēē +maayiy. +Māāyooktē wēērinyuu nyēē ācāmē. Tōōs muucē kuuyway nyiitēnyi.’ Yooto kuuyookto. 14 Kupunto ꞉leekwaanaa wulooto, kukuur keey ꞉picaato kule, ‘Mērē, oŋiin ꞉wēēritaap ciitaap mpareet! Akany ceepakac sākwēēk ꞉mparaani nyēēnyoo.’ 15 Yooto, kunam ꞉picaa wēēraa ānkukwōrēē mpareen ankupakac.

Kunyoo, yēē kaasoot ꞉akweek cākukwiicinii nee ꞉ciitaap mpareet picaa? 16 Akany āmwoowook, makupakac picaato tōkōl ānkuukooci piiko alak kuriipci mparaanaato.” Yooto kāwokumwoow ꞉Yēēsu kuyuu nyooto, kumwooci ꞉picaa kule, “Puryo kōt kuyēmē kwiiyēkiis ꞉ŋala cēē yuu coo.” 17 Kuurōōtoot ꞉Yēēsu picaa ānkumwooci kule, “Pooruu nee ꞉siluutookaap Yēyiintēēt ām wulēē /kicēēsil kule,

19 Yoo kāwokukas ꞉poonwookiikaap ntarastiit āk *pēēliikaap kōrōsēēk cēē yēēc ŋaleecaa kiimwoowu ꞉Yēēsu, kuunkēt kule kimiitē paatee ꞉Yēēsu kutikooti tapan ām ŋaleecaa, nteenee kiiŋāloolēē ceek. Kukwaany keey ꞉moontuwookaap picaa ankumac kule ceenam Yēēsu, nteenee kiinyōkōriitu, āmnyēē kii caaŋ ꞉piiko yooto.

20 Kiimii ꞉puunikaap Yēēsu kukērēsyinii wulēē makunamta. Kuuyookto piiko alak kupa wuloo kimiitē ꞉Yēēsu, wokuumuusto keey kule ciikuu curtootiin. Kiimācē kunyōōr ŋālyoo nyēē keeciwiit ꞉nee sakunam ānkuuyokooci pātyooyiisyēētaap Rooma.

21 Kiiteepee ꞉picaa Yēēsu kule, “Kāānēētiintēēt, ciinkēt kule mwoowuu ŋaleekaap manta, nāmē piiko tōkōl kwooyēēc ānkiinēētii piiko kuunkēt kiy nyēē mācē ꞉Yēyiintēēt ām areet nyēpo man. 22 Mwoowēēc paa ŋālyoontooni: Tāpoon cēēkwēcinii pātyooyiintēētaap Rooma *musōrōōnik nto puryo?”

23 Nteenee kuunkēt ꞉Yēēsu kule kimiitē ꞉picaa kutācē nee. Kumwooci kule, 24 “Āpoorwoo paa peesyaanteet.” Nto kaamiit kuteepee picaa kule, “Po ŋoo ꞉mēti āk kaannyaani mii peesyaantaani?” 25 Kuweec ꞉picaa, “Po pātyooyiintēēt nyēē wōō nyēpo Rooma.” Kumwooci ꞉Yēēsu kule, “Ākooci pātyooyiintoonoo kiinyii, nto Yēyiintēēt, ākooci nyeenyii.”

26 Kiinam kōōt picaa ꞉kiy nyēē kiimwooci ꞉Yēēsu. Kunyoo, kupotyi ꞉wulēē makunamta Yēēsu kukāsē ꞉piiko.

27 Nto mii yoo, kukwoontyi yēēc Yēēsu ꞉piiko alake cēē /kicēēkuurēē *Satusaayeek. Kiiyēntyini ꞉picaa kule yoo kaame ꞉ciito, kaame kutōkōl nyēē mēēpērē wokōōtuutunēē meet pēsyēēt ake.

28 Kiimwooci ꞉picaa Yēēsu kule, “Kāānēētiintēēt, kiisilwēēc ꞉Muusa ntarastiit nyēē mwoowuu kule, yoo kame ꞉cii nyēē munāāsikyiin leekwa ākoo koorkēēnyii, kuuntiiyē ꞉mutaapiya koorkoonoo, sākusikyi nyiin lēēkōōk cēē sakuroopta kōōnyii. 29 Kimiitē ꞉ciito ake kēny nyēē kiipoonto wēērikyii tisap. Yooto kāwokuwōōyiit ꞉pooreetyeet, kukēēsyo. Nto mii yoo, kumēēci keey nyēē /kumunāācēēyici leekwa. 30 Kuuntiiyiis ꞉wēēriit nyēē kiirupu nyoo kiimēē. Kōōpuurciin ꞉mpeenee ākoo koorkoonoo ankume munāāsikyiin āk koorkoonoo leekwa. 31 Kuukeer ꞉wēēriit nyēpo sōmōk. Kōōpuurto keey ꞉nyoo mpo koorkoonoo ankume ꞉mpeenee āmā leekwa. Kikwiiyakay kuyuu nyooto ākoy kupōk ꞉wēēricaa tōkōl āmā lēēkōōy. 32 Nto mii lētuut, kume mpo koorkoonoo. 33 Kunyoo, mwoowēēc: Pooyiitu ŋoo ꞉koorkoonoo kōōyiin kēētuutunēē ꞉picaato tōkōl meet.”

34 Kuwēēkyi ꞉Yēēsu picaa kule, “Ŋētēē ꞉kāāmutiisyēēt kōōrooni. 35 Yoo /kāāciituutunēē cii meet ānkuwō Kaap Yēyiin, mēēpērē tākuumutiisyi nto /tāwociimutē yēēc, 36 āmnyēē māmēē yēēc. Makukarkeyiitu *malayikaanik ānku lēēkōōkaap Yēyiintēēt āmnyēē kiikōōtuutunēē ꞉Yēyiintēēt ceekto meet.

37 Nto kurupta keey ākoo kāātuutunēētaap meet, kiipoor ꞉Muusa ām ŋaleek cēpo sōntiinaa kiilāyē yoo kiimwoow kule, ‘Yēyiintēētaap *Apraam, Isaka ākoo Yāākōpō.’ 38 Yoo /kācēēmwoow kule po ꞉Yēyiintēēt anum, kuupooruu ꞉yooto kule tākusāpoot ꞉ciicaato nkal kiime kēny. Kunyoo, kurupta keey ākoo Yēyiintēēt, sopcootiin ꞉picaa tōkōl nkal mpo yēē kiipōk.”

39 Kumwoow ꞉poonwookiikaap ntarastiit alake kule, “^Kēēkētu nyēē tāpoon, nōō kāānēētiintēēt.” 40 Munaatakukany ꞉piiko kuteepaatee Yēēsu yēēc ŋal alak cēē kātācē.

41 Nto mii yoo, kuteepee ꞉Yēēsu piiko kule, “Ām nee /sacēēmwoowuu kule cōōnēē *꞉Kāārārookiintēēt kōōtaap *Tāwuti? 42 Yoo yuu nyooto, ām ꞉nee sakusil ꞉Tāwuti ām kitaapuutaap Tuumwoonik kule,

44 Kunyi, yoo kuurē ꞉Tāwuti Kāārārookiintēēt kule ‘Mākoryoontēēnyuu’, kōōmuucēktōōs kule nee kwēēk mucōkōrēēnyii?”

45 Kumii tākuyēpcinii yiit ꞉piiko kiy nyēē kimiitē ꞉Yēēsu kumwoowu, kuwēēkyi keey ꞉Yēēsu kāānoomikyii ānkumwooci kule, 46 “Āriipēē keey poonwookiicaa po ntarastiit, -amaarup ātēpuutēkwaa. Kiicam ꞉picu kuuloocē sirooy cēē yoo /kaceekas, /simciinkēt kule ceek kiirwookik. Kiicam mpo yēēc kupēēsyētootē wulēē caaŋ ꞉piic /saciisupooyooti nyēē /kāciiwōōyiit. Kiicam yēēc kulēkwēnē ātēpuutēk coo po taay ām kooriikaap saayeet ānkuumoymooyē mpo ātēpuutēk cēpo taay ām kaap saakwa ake tōkōl. 47 Lātunooti mpo koor cēē musuuk ānkusutē tukuukwaa. Sooyē miisin kuupoor keey kule ciikuu curtootiin. Piic cēē yuu cuutēcu cēē mākwiici ꞉Yēyiintēēt ŋal cēē mwoonēc kukeetyee kāāwuurtooyik alak tōkōl.”