1 Kiitasta keey ꞉Yēēsu taay āk kāānoomikyii ākoy kupunto *Yēērikō. 2 Kimiitē ꞉ciito ake wulooto nyēē /kicēēkuurēē Sakaayo. Kii kāāruruukiintēētaap *musōrōōn nyēē wōō ānkipoonto mākoryoontiit nyēē wōō miisin. 3 Kiisyeem ꞉Sakaayo kule akas Yēēsu, nteenee kiimunaakuumuuc, āmnyēē kii caaŋ ꞉piiko, nto yēēc kiipar ꞉nwookin. 4 Yoo kāwokukas kuyuu nyooto, kulapat taay ankuwokulaany mōkōywēēt ake sakukas Yēēsu nyēē tāpoon. 5 Yoo kāwokupunto ꞉Yēēsu yooto, kukas tarat ānkumwoow kule, “Sakaayo, rōku paa lakwar, āmnyēē āyiku yawuut toontēēŋuuŋ.” 6 Kulimē ꞉Sakaayo kuyuu nyooto, kurōku pakeenke ānkuwēēto keey Yēēsu ākoy kanyii nyēē kaaŋarac miisin. 7 Nteenee munāāŋērēkyi ꞉piiko alake ŋaleecaa. Kiiŋunyŋuunyiis kule, “Nto yu sākuruutooci ꞉Yēēsu cii nyēē poonto miyootyōōnik yuu nyi?”

8 /Cēēmii /coomiisyi, kuuyo ꞉Sakaayo ānkumwoow kule, “Mākoryoontēēt, +māānumu kareeryaanteetaap peesaanikyuu ānkāākooci pānoonik. Nto yēē kāmii ꞉cii nyēē kyāānumunēē cēē caaŋ kukeetyee cēē /kicēēmācē /ciiruruuc, +māāyookyi areet amwan ām coo kyaayaam.” 9 Kumwoow ꞉Yēēsu kule, “/Kaaciiraraac yawuut kayi, āmnyēē kaakuukaasee keey ꞉ciici Yēyiintēēt kuyuu *Apraam. 10 Kyāācōō ꞉anii, *Wēēritaap Cii, caaceeny ankaararaac piiko cēē kiipootyo.”

11 Kiipērē ꞉piiko cēē caaŋ tōōs mākupātyooyiis ꞉Yēēsu yoo kāpunto Yēērusālēēm. Nteenee mēēpērē kimiitē wokutookuu kuyuu wuloo kiisōōtitooy ꞉ceek. Nto kumii ꞉Yēēsu kuumuunyē, kumwooci piiko kule, 12 “Kimiitē ꞉mākoryoontēēt ake nyēē kimācē āwō kōōrēēt ake nyēē kii lōō, /wocēēŋoopci kāāmuukēywēēkaap pātyooyiisyēēt sacakupatya kōōrēēnyii. 13 Kutoompo kunoomēnē, kukuur mutwoorikyii taman ānkuukoocinoot cii ake tōkōl peesaanik cēē āyēēciin. Kiimwooci cii ake tōkōl kule kuweeyweekta sākupās keey ākoy pēsyēēt nyēē wēēcēē keey ꞉nee. 14 Nteenee kiitay ꞉piikyii ānkuuyookto piiko alak wokumwaatya kule māmācē pātyooyiintoonoo.

15 Yoo kāwokuweec keey ꞉ciicaa ām ruutooy /kukaaceeŋaap kwēēk pātyooyiintēēt, kukuur mutwoorikyii taman coo kiikoocinoot peesaanik cokuupoor ꞉cii ake tōkōl laatikyii cēē kiinyōōr. 16 Kumwoow ꞉nyēpo taay kule kiipās keey ꞉ceecii areet taman. 17 Kulēēnkyi ꞉pātyooyiintēēt, ‘Kuyuu yoo kwēēriip tukuucaa kō ŋēri nyēē tāpoon, +maayiyiiŋ patyee mōōŋōōsyēk taman.’

18 Kumwoow ꞉nyēpo āyēēny kule, ‘Mākoryoontēēt, kiitāsyi keey ceecuu ꞉muutu.’ 19 /Cēēmwooci nyoo kule, ‘+Meepatyee ꞉nyii mōōŋōōsyēk muut.’

20 Kookeer ꞉ake kumwooci pātyooyiintoonoo kule, ‘Peesaanikuuk ꞉cu. Kyaaratee sira ankaakonor nyēē māmii ꞉kiy nyēē kiitwa. 21 Kyaakas kule yikuu wuuy ^ankeecam pirtooy piic, kisē kiy wulēē kiimēēwuuyē ānkiiruruucēē wulēē muneekool.’ 22 Kumwooci nyoo ꞉pātyooyiintēēt kule, ‘Yikuu ꞉nyii mutwooriin nyēē miyaat. Kapariŋ ꞉ŋaleekuuk nkit. Yoo naas nkēt ꞉nyii kule āyiku ꞉anii wuuy anku caacam āpirtooy piic ākisē kiy wulēē munaawuuy ānkāāruruucēē wulēē munaakool kunyi, 23 kiikwaamiŋ ꞉nee simeekonoree peesaanikyuu paaŋ sakupōsu keey? Nto ^kiiyiy yuu nyooto, nto kācāānyōōru peesaanicaa kutāsyi keey ꞉kiy tarat.’

24 Kuwēēkyi keey ꞉pātyooyiintoonoo mutwoorik alak ānkumwooci kule, ‘Ānumunēē nyii peesaanicaa ānkāākooci ciito nyoo kutāsyi keey ꞉ceecii miisin kukeetyee cēpo cuut tōkōl.’ 25 Nteenee kumwoow ꞉coo kule, ‘Mākoryoontēēt, ntēē caaŋ ꞉cēē poonto ꞉nyoo, ām nee /sacēētāsyi alak?’ 26 Kumwooci ꞉pātyooyiintoonoo kule, ‘Kātāyuu nyooto sōō nee, nteenee ciito nyoo kākwiiyiisyēē kiy nyēē /kāciikooci, /cēētāsyini ake, nto nyoo mākwiiyiisyēē, /ciinumunēē mpo nyooto kāpoonto. 27 Nteenee kurupta keey ākoo puunicaa kāāwēēkyoo keey, ākwōru coo ānkāāpākākyi taaymwaanii.’”

28 Yoo kāyēēkunēē, kutasta keey ꞉Yēēsu taay āk paanaa. Kimiitē ꞉Yēēsu taay kutēē yooto tōkōl kutākyinii keey Yēērusālēēm.

29 Nto yu kariikta Peetfaaka ākoo Pesaaniya ām yēē kiipo Lakameetaap *Sēytuuniinēk, kumwooci ꞉Yēēsu kāānoomikyii āyēēny kule, 30 “Ape ākoy saaŋiin. Yoo kāāpuntē yooto, +māānyōōru sikiryo nyēē tāku mooy kurataat nyēē munaakasan cii pēsyēēt ake. Atyaac ānkāākwōrwoo. 31 Nto yēē kateepeenaak ꞉cii kule ātyookyinii nee sikiryēēt, āmwooci kule, ‘Mācē ꞉Mākoryoontēēt.’”

32 Kiipa ꞉kāānoomicaa ānkuwokunyōōr sikiryoonoo kuyuu wuloo kiimwootyooci ꞉Yēēsu. 33 Kumii kuutyoocē, kuteepee ꞉piikaap sikiryēēt kule, “Ātyookyinii nee sikiryoonoo?” 34 Kuwēēkyi ꞉kāānoomicaa kule, “Mācē ꞉Mākoryoontēēt.” 35 Kukwaanta sikiryoonoo ākoy yoo kimiitē ꞉Yēēsu. Kupunu, kuurēēku sirookwaa cēē kiikiiliiktēē keey ānkwoolyāktēē patatyaap sikiryēēt sākōōpuurēē ꞉Yēēsu.

36 Kumii ꞉Yēēsu kuwēētii, kuurēēkunoot ꞉piiko alake sirookwaa cēē kikiiliiktēē keey ānkuuyiitoot araan. 37 Yooto kāpunto ꞉ceek yēē kiirōktooy ꞉areet ām Lakameetaap *Sēytuuniinēk, kucac lukēētaap piiko kukaasta Yēyiintēēt ām ŋarakweek. Kituumootii yooto ꞉tōkōl kupo tukuuk cēpo wukanta cēē kikwiiyaan ꞉Yēēsu. 38 Kikuurcinootii ꞉picaa tarat kumwoowu kule,

39 Nteenee kiimwooci *꞉Farisaayeek alake cēē kimiitē yooto Yēēsu kule, “Kāānēētiintēēt, ānkiipuryooŋtē picukuuk sumātāākumwoow ŋaleecu.” 40 Kuwēēkyi ꞉Yēēsu Farisaayeecaa kule, “Kāāmwoowook, yoo kāsiisyo ꞉picu, makuŋalaal ꞉rwoontōōk.”

41 Yēē kāwokutoopēn ꞉Yēēsu Yēērusālēēm, kuriiree piikaap mōōŋēēnooto kōt kutōw ꞉lōōkik. 42 Kiimwoow kule, “Āpērē nto ānkēt ꞉akweek kiy nyēē mācēktōōs ayiy ꞉akweek sāānyōōru tāloosyēēt. Nteenee āmiitē mēēnēn. 43 Mii ꞉pēsyēēt nyēē mākukwoontyook ꞉puunik ānkuukwēnkwēēnook nyēē māmii wulēē āciirtēē. 44 +/Māciiyoomiis mōōŋooni āk piikyii tōkōl nyēē māŋōtu mpo ꞉rwaa nyēē kāmēērē keey ake, āmnyēē kyaamoonte pārooyinto nyēē kikiikōōnook ꞉Yēyiintēēt.”

45 Nto mii yoo kōōwut ꞉Yēēsu saaŋtaap *Kōōtaap Yēyiintēēt ankucac kukwat piiko cēē kimiitē kwoolyooy tukuukwaa ām yooto, 46 kumwoocinii kule, “Mwoowuu ꞉Yēyiintēēt ām siluutook kule, ‘Po ꞉kanyuu saayeet,’† Isaaya 56:7 nteenee kyaaweec ꞉akweek kwēēk kēpēnnyoo wulēē wunyēē keey ꞉cōōriik.”† Yeerimiiya 7:11

47 Kiinēētiisyi ꞉Yēēsu kwaak ām *Kōōtaap Yēyiintēēt ām pēsyōōsyēk cēē ŋēri cēē kimiitē kukwoonii. Kimiitē mpo ꞉pēēliikaap kōrōsēēk cēē yēēc āk poonwookiikaap *ntarastiit ākoo kāāntōōyik alak kucēēnyē kule saceepakac Yēēsu. 48 Nteenee kiimēēmuucē āmnyēē kiipoonto keey ꞉Yēēsu piiko cēē caaŋ kwaak cēē kiiyēpcinii yiit ŋaleekyii.