1 Nto mii yoo, kumwooci ꞉Yēēsu kāānoomikyii kule, “Mii ꞉piiko cēē makukan piiko alak kutaya, nteenee mākumwoontyi paa kule nee cii nyoo kakanta ake. 2 Misyinii /cēērātyi ciicaa rwaa nyēpo pay kaat /āncēētōōrci ruurēētyēēt kusututa kukeetyee yoo kātākukēnu piikyuu coo takukuskus ām kāāyēnēēt. 3 Kunyoo, āriip keey!

Yēē kākwiiwuuŋ ꞉mutaapiya ŋālyoo nyēē miyaat, puryooŋtē. Nto yoo kācokureeny keey, kaalyee. 4 Nkal kākwiiwuuŋ nyēē miyaat areet tisap ām pēsyēēt ānkucōōnii yooto tōkōl kurēēnyē keey, koolyooy.”

5 Nto mii yoo, kumwooci *꞉kiiyookiik Yēēsu kule, “Mākoryoontēēt, tāswēēc kāāyēnēēt.” 6 Kuwēēkyi ꞉Yēēsu kule, “Nto kāāpoontē mpo kāāyēnēēt nyēē kisic nyēē tēē puswoontēētaap tōpōōrwo, nto muucē kulimwook mpo ꞉mōkōywooni, yoo kāāmwooci kuŋēēwunēē keey ŋuny ānkuuwuuy keey ruurēētyēēt.

7 Yoo poonto ꞉cii mutwooriintēēnyii nyēē yookiisyi nto nyēē pātiisyi, nto yoo kārōōt kaa, mācāmcinii ꞉mākoryoontēēnyii simkwoomiis, 8 nteenee mācēktōōs kupay mākoryoontēēt kiny. Yēē kaakuuwaany ꞉mākoryoontēēt āmiisyēēt, mākwoomiis ꞉mutwooriintēēt. 9 -/Māciikoostooy āmnyēē kakwiiy kiy nyēē /kācēēmākyini. 10 Kunyoo, yoo kaayiy ꞉akweek kiy ake tōkōl kuyuu wuloo /cēēmāktooy, +māāmwoowu kule, ‘Yiisyēēnyoo ꞉nyooto.’”

11 Yēē kiimii ꞉Yēēsu kuwēētii ākoo kāānoomikyii kumii kutākyini keey Yēērusālēēm, kupuntēē yēē kiipo kiyōōtēētaap kōōrēētaap Kalilaaya ākoo kōōrēētaap *Samaariya.

12 Yooto kāpunto saaŋta ake nyēē kimiitē yooto, kukas piiko alak taman cēē kiipoonto *mutyeenkeenik. Kiimāmācē ꞉picaa kulēēkitēē Yēēsu. 13 Kukuur Yēēsu kule, “Mākoryoontēēt Yēēsu, ankeeriiruneeneec.” 14 Kumwooci ꞉Yēēsu picaato kule, “Wāāpoorci keey *pēēliikaap kōrōsēēk.” Kupa ꞉picaa. Nto kumii kēēlyaap too, kukas keey kule kācēēsopcē!

15 Kuweec keey ꞉akeenke wuloo kimiitē ꞉Yēēsu yēē kāwokukas kule kāāsop ankukaasta Yēyiintēēt kukuurcinii tarat. 16 Kukutuny ām kārēēnkōōkaap Yēēsu ānkuyim kutiiny ꞉tokocta ŋuny ānkumwooci Yēēsu kule keeyiy tāpoon nkal kiipo ꞉ciici kōōrēētaap *Samaariya. 17 Kumwoow ꞉Yēēsu kule, “Kāpuryo kōt ku taman ꞉picaa /kāāciisoop? Miitē ānu ꞉cuut sokool? 18 Ntēē sakuweec keey naas nyi ꞉sāpoyiintō akeenke cakukaasta Yēyiintēēt?”

19 Kumwooci ꞉Yēēsu ciicaa kule, “Ŋeet ānkiiwuuci keey. /Ciiraraaciŋ kupo kāāyēnēēŋuuŋ.”

20 Nto mii yoo, kuteepee *꞉Farisaayeek alake Yēēsu kule, “Cōōnii āyu ꞉pātyooyiisyēētaap Yēyiintēēt?” Kuwēēkyi ꞉Yēēsu kule, “Māmii ꞉kiy nyēē pooruu yēē cōōnii ꞉pātyooyiisyoonoo kuyuu wuloo āsōōtitooy ꞉akweek. 21 Māmii mpo ꞉cii nyēē mākumwoow kule, ‘Oŋiin’ nto ‘Oŋi.’ Ntēē āpoontē keey kēny pātyooyiisyēētaap Yēyiintēēt.”

22 Kutasta keey ꞉Yēēsu taay kumwooci kāānoomikyii kule, “Makukwa ꞉pēsyōōsyēk cēē +maamac kule nto ceekasaa ꞉anii, *Wēēritaap Cii. Nteenee -māākāsoo. 23 +Māālimē /cēēmwoowuu kule, ‘Oŋiin mii yuun!’ nto ‘Oŋi mii yu!’ -Maape waaceeŋaataa, 24 āmnyēē yoo kāācōō makukarkeyiit keey yoo keewac kulakwayiit ꞉kōōrēēt tōkōl. 25 Nteenee +maanyalil ꞉anii kurook nyēē -/mākyoomuu ankutaya ꞉piiko coo -mēēyēnwoo.

26 Makukarkeyiit mpo ꞉yoo kaariik kuweec keey ꞉Wēēritaap Cii āk pēsyōōsyēcaa kiipo Nuuwa. 27 Kyoomiisyi yooto ꞉piic, kuyēēsyi ānkuumutiisyi ākoy pēsyoonoo kiiwutē ꞉Nuuwa āk piikyii rapeet. Nto mii yoo, kucō ꞉taampiliilyeet kōōrēēt tōkōl nyēē kiiyoomiis piic.

28 Makukarkeyiit mpo yēēc ākoo pēsyōōsyēcaa kiipo Luut. Kiiwuulyootēē ꞉piiko yiisyōōnuutēkwaa kuyuu kwaak kwoomiisyi ānku yēēsyō, kwiiyē kaamoonkeesyaantiit, kiiwuusyi ānkutēēcē kooriikwaa 29 ākoy pēsyēēt nyoo kiipukooktooy ꞉Luut Sōtōm. Yooto, kurooŋ ꞉Yēyiintēēt aryaanteet ake nyēē layaat ām tarat nyēē yuu roop. Kiiyoomiis piiko tōkōl. 30 Makuceer piic mpo *꞉Wēēritaap Cii ām areet nyēē yuu nyooto.

31 Yoo kanyoorta ꞉ŋaleecu cii saaŋ, -māwēēti kō wokuururuuc tukuukyii āmāpēēti kaa mpo ꞉coo mii mpareen. 32 Akasee kiito nyēē kiitookyi ceepyoosyeetaap Luut. 33 Nyoo kākwiilyi keey sāpoontaap kōōrooni, mākuupoot sāpoonnyii po akookay. Ntēē nyoo kēēkootyo sāpoonnyii ām kōōrooni, mākunyōōr *sāpoontaap akookay.

34 Yēē mii ꞉piiko āyēēŋu kuruuytōōs ām kō, +/mācēēkwōr akeenke /ceepukaakta ake. 35 Nto yoo mii ꞉kooru āyēēŋu kuŋoosyi tukwaay, +/mācēēkwōr akeenke /ceepukaakta ake.* Tāsyinii ꞉siluutookaap Kirikiik alake kērēywoontooni 36: Nto yoo mii ꞉mōrōn āyēēŋu ku kwiiyiisyi ām mpareen, +/mācēēkwōr ake /anceepukaakta ake.”

37 Kuteepee ꞉kāānoomik Yēēsu kule, “Mākoryoontēēt, +maceenyoortiiŋ ānu?” Kuwēēkyi ꞉Yēēsu kule, “Yoo mii ꞉mātōōmwēk, kumii yooto ꞉kiy nyēē kaame.”