1 Nto mii pēsyēēt ake, yēē kii pēsyēētaap *Sapaatu, kuwō ꞉Yēēsu wokwoomiis katyaap kāāntōōyiintēēt akeenke nyēpo *Farisaayeek. Kimiitē mpo ꞉piiko alake kayaato kukērēsyinii kule makwiiy nee ꞉Yēēsu ām pēsyēētaap *Sapaatu. 2 Kimiitē yooto ꞉mpo ciito ake nyēē kiikwaanaat ꞉pōōrto. 3 Kuteepee ꞉Yēēsu Farisaayeecaa āk poonwookiikaap *ntarastiit kule, “Cāmwēēc ꞉ntarastiit /ciisoop cii yēē pēsyēētaap *Sapaatu, nto puryo?” 4 Munaaweec ꞉picaa kiy. Yooto, kunam ꞉Yēēsu ciicaa yēwut ānkuusoop ānkumwooci kuwuci keey.

5 Nto mii yooto, kuwēēkyi keey ꞉Yēēsu Farisaayeecaa ānkumwooci kule, “Yēē kēēsuuci ꞉leekweeŋuuŋ nto ka teeŋuuŋ mwēēnēēt yēē *Sapaatu, mēēmuucii nee cuutunēē mwēēnēēt pakeenke?” 6 Munaaweec ꞉picaa kiy.

7 Yooto kāwokukas ꞉Yēēsu wulēē kimiitē ꞉toyēēk kulēkwēntooy ātēpuutēk cēpo taay kule kyoomiisyēē, kumwooci kule, 8 “Yēē /kācēēkuurook saakwa ake tōkōl, -māāmoymooy ŋācārōōk cēpo taay. Kāmwoowu kuyuu nyooto, āmnyēē muucē kupun ꞉toontēētaap katya nyēē /ciiywēyē. 9 Mākukwōr ꞉ciitaap katya toontoonoo ankucokuuŋeeteeniiŋ yoo ^kēēpuur ankuukeereeniŋ ꞉toontoonoo. Yooto, +meecaas ankeeceeny ŋacar ake tōkōl nyēē kākōluuŋ. 10 Nteenee kiy nyēē mācēktōōs āyiyē ku nyi: Āpuurēē ŋācārōōk coo po lēt. Muucē kucō ꞉ciitaap katya ankukasiŋ miitē ^kēēpuurēē yooto, makuuŋeetiiŋ ānkumwoow kule ‘Coorweenyuu, cōō cēēpuurēē ŋacareet nyēpo taay.’ Yooto, +/maciiywayiiŋ ām taatyaap toyēēk cuut.

11 Kunyoo, cii ake tōkōl nyoo sutē keey tarat +/maciicukcuuk. Nto nyoo sutē keey ŋuny, +/māciitōrōōr.”

12 Nto mii yoo, kumwooci ꞉Yēēsu ciitaap katya kule, “Yoo ^keeyiy saakwa, māmācēktōōs kuurē paatee cōōrōōnuutēkuuk, mpo mutaapiya, tilyōōnuutēkuuk nto laatoosyekuuk coo mākorēēn, coo nkēt kule mākukuuriŋ mpēēnyii pēsyēēt ake. 13 Nteenee mācēktōōs kuurē pānoonik, coo ceemwaaliis, coo sōnkōcootiin āk ceekwaraatiisyek 14 coo -mēēmuucē kukuuriŋ pēsyēēt ake. Yooto, makuukatiiŋ ꞉Yēyiintēēt ām pēsyoonoo ŋēētēē meet piiko coo curtootiin.”

15 Yooto kāwokulim ꞉ciito ake nyēē kyoomiisyi ākoo Yēēsu ŋaleecaa, kumwoow kule, “Kātyootiin paa kule nee ꞉piiko coo +māwokwoomiis ām saakweet nyoo po Kaap Yēyiin.”

16 Kuwēēkyi ꞉Yēēsu ciicaa kule, “Kiiŋeet ꞉ciito ake kwiiy saakweet nyēē kii wōō ānkukuur piiko cēē caaŋ kukwa saakwaanaa. 17 Yoo kāwokupunto ꞉pēsyēēt nyēē /kicoomēē saakweet, kuuyookto mutwooriintēēnyii wokumwoocinoot picaa kukwa. 18 Nteenee kumwoow ꞉cii ake tōkōl ām picaato kusoomē kāākoolyooyiisyēēt āmnyēē kiimēēmuucē kukwa. Kumwoow ꞉ake kule, ‘Tāāmiitē āmārēēri mpareet nyēē kiitāāyoolē.’ 19 Nto ake kumwoow kule, ‘Kiitāāyoolē yeeyiikyuu taman, kunyoo āmiitē wāāsyēēmtooy.’ 20 Nto ake kumwoow ꞉nyoo kule, ‘Kātāāmutiisyi, kunyoo, māāmuucii kōt ācōō.’

21 Yooto kukatita keey ꞉mutwooriintoonoo kaa, wokumwaatya kaateetyaap picaa. Yooto kāwokulim ꞉ciitaap katya kuyuu nyooto, kunyēēr. Kuuyookto mutwooriintēētēy kupuntootēē kēēlwookik coo yēēc āk coo minkēēc ām mōōŋēēŋwaa wokukuuroot cii ake tōkōl nyēē panan, nyēē sōnkōcoot, nyēē mwoolē ākoo mpo nyēē koraat. 22 Nkal kikiikwiiy ꞉ciicaato kuyuu nyooto, kiitakuparaay ꞉kōōto. 23 Kumwooci ꞉ciicaa mutwooriintēētēynyii yēēc kule, ‘Āmācē tāwēēkuurootē piiko alak kukwaanaatee rōōrōōkiisyēk tōkōl cēpo yēēmooni. Kany kucō ꞉cii ake tōkōl nyēē ^kēētuuyēē nto nyuun kuunyiit kōyi.’ 24 Māmii ꞉cii mpo akeenke ām picaa /kiisimcēēkuur nyēē masakwaam kiy mpo kisic nyoo /kaaciitya.”

25 Yooto tōkōl, kimiitē kurupootii ꞉piiko cēē caaŋ Yēēsu. Kuweec keey ꞉Yēēsu kukas picaa ānkumwooci kule, 26 “Cii ake tōkōl nyoo mācē kurupa anii, yēmēktōōs kucama kukeetyee wulēē cāmtooy kwaan, kaameet, koorkēēnyii, lēēkōōkyii, mpo mutaapiya nto mpo ceekwoomit ānkukootyo sāpoonnyii kupo anii. Yēē māyuu nyoo, māyiku kāānoomiintēēnyuu. 27 Māmii ꞉cii nyēē muucē kwēēk kāānoomiintēēnyuu yēē munāākumutyooci mwooninto nyēē mākunyōōr kupo anii.

28 Ŋoo ām akweek ꞉nyēē muucē kuteec kōōt kumunāākuupuur ŋuny ānkuuyiit tukuuk cēē poonto coo yēmē kutēēksēē? 29 Yēē munāākuuyiityi, muucē kucac tēēksēēt nto mii kwēēn āk kwēēn, kurār ꞉tukuuk. Yooto, mākuroorci ꞉piiko kule, 30 ‘Kaakas ꞉akweek mōrooniin, kusyeem kutēēkso, nteenee kumusumkurārci ꞉tukuuk kumunaapunto ꞉kōōt takat.’

31 Nto, māmii ꞉pātyooyiintō nyēē muucē kurat keey kule kuwō pooryēēt, yoo munāākōōpuur ŋuny āk piikaap kōōkwēēnyii. Mākyiintōōs kukas yoo muucē ꞉lukēēnyii nyēpo pooryēēt kisyēērōōk taman, kuupēl puunik kisyēērōōk tiptim. 32 Yēē kakas kule mēēmuucēktōōs, kumācēktōōs kuuyookto piiko alak wokuŋāloolyi puunik kutākumii wulēē lōō sakuŋeet kuucoomnyo.

33 Kunyoo, cii nyoo mācē āyiku kāānoomiintēēnyuu, mācēktōōs kutay kiny sāpoontaap kōōrooni. 34 Tāpoon ꞉muusyoontēēt.* Yyoonkyinii ꞉ŋālyoontooni po ‘muusyoontēēt’ kule /kiinumci keey yiisyēētaap Yēyiintēēt. Nteenee yoo kaamiyatiit, mēēpērē tākumii wulēē /ciityooy sākunyool. 35 Musyoontēēt nyoo -māātāpoon, mēēpērē /tāciiyē kiy. -/Māciisēērēētēē mpo mpareen sakoonuur taŋeek. Yoo kaamiyatiit ꞉muusyoontonoo kumācēktōōs /cēēlulukto. Nyoo yēpē yiit, kulimta.”