13
Aweecee keey miyootyēēt
1 Yooto, kukwoontyi ꞉piiko alake Yēēsu ānkumwooci kule, “Kiipakac *꞉Pilaato Yutaayeek alak cēpo Kalilaaya yoo kiisutu tukuukaap kōrōsēēk ām *Kōōtaap Yēyiintēēt.” 2 Kuteepee ꞉Yēēsu picaato kule, “Āsōōtii ꞉akweek kule kiipoonto ꞉picaa miyootyēēt nyēē wōō kukeetyee Yutaayeek alak? Ara nyuun paa kiyaato nyēē kiikwiiy /siceepakac? 3 Puryo! Māyuu nyoo. Nteenee yoo munaaweecweec keey ām miyootyēēt nyēē āpoontē, +māāpōku ꞉akweek tōkōl. 4 Nto yoo kiiturpupcinii ꞉kiyaa kii kooy miisin ām Silooyaam kōt kupōk piiko taman āk sisiit, āsōōtii ꞉akweek kule kiipoonto ꞉picaa miyootyōōnik cēē yēēc kukeetyee piiko tōkōl ām Yēērusālēēm? 5 Māyuu nyoo, nteenee yoo munaayaaste miyootyōōnikwook +māāpōku ꞉akweek tōkōl.”
6 Nto mii yoo, kuupoorunēē ꞉Yēēsu tyoonkōōcēēt kule, “Kiipoonto ꞉ciito ake mōkōywēēt nyēē /kicēēwu mpareenyii po *sāpiipuunēk.* Pooruu ꞉mpareetaap sāpiipuunēk Yutaayeek, nto mōkōywēēt ku kāāntōōyik, ciitaap mpareet ku Yēyiintēēt ntēē riipiintēētaap mpareet ku Yēēsu. Kiimararee ꞉ciicaa kēētaa kwaak ānkuuswoonyē āmānyōōru lokoyaa.
7 Yooto kiinyit keey ꞉ciicaa kōt kumwooci nyēē kiiriipē mpareet kule, ‘Kēnyiitaap sōmōk ꞉nyi amararee kēēti āmāānyōōruu kiy! Ntēē kakareena mpareet. Kunyi, luulyē!’ 8 Kuwēēkyi ꞉ciicaa kule, ‘Mākoryoontēēt, kany tācēēkērēsyi kēnyiit nyiitēnyi paatee! Āmācē āpātyi tāpoon kukeetyee kwaak āroonkyinii puurēēsik. 9 Yēē kātēpēē kōt kwiiy āmiik, ku tāpoon, nto yoo munaakwiiy, luulyē!’”
Kiipuryooŋto ꞉Yēēsu kāāntōōyiintēētaap kōōtaap saayeet
10 Yēē kii pēsyēētaap *Sapaatu kuunēētiis ꞉Yēēsu ām kōōto ake nyēpo saayeet. 11 Kimiitē ꞉ceepyoosyeet ake kōyaato nyēē kiikuunyiis *꞉muuyēēt nyēē miyaat suweet kōt kukuluŋ kēnyiisyēk taman āk sisiit.
12 Yēē kāwokukas ꞉Yēēsu ceepyoosyaanaa, kukuur kucō taay ānkumwooci kule, “Ceepyoos, kaatyaaktiiŋ!” 13 Kukameer ꞉Yēēsu ceepyoosyaanaa yēwunnyēkyii. Yooto, kucuulakay ꞉suweetaap ceepyoosyaanaa pakeenke ankuukaasta Yēyiintēēt kupircinii kōōnkōy.
14 Nteenee kiinyēēr ꞉kāāntōōyiintēētaap *kōōtaap saayeet āmnyēē kiisoopso ꞉Yēēsu pēsyēētaap *Sapaatu. Kiimwooci piiko kule, “Mii ꞉pēsyōōsyēk lo cēē /ciiyēē yiisyēēt. Cooto ꞉cēē mācēktōōs ākwoonii /ciisoopook āmēēpērē pēsyēētaap *Sapaatu.” 15 Yooto kumwoow ꞉Yēēsu kule, “Kāāmustooyōōticu! Ntēē āyiisyi ꞉akweek yēē Sapaatu! Āmācē āmwoowoo kule -māātyoocii tany nto ka sikiryo ānkāākwōr wokuye pēēko yēē pēsyēētaap Sapaatu? 16 Kikiirat ꞉Seetaani ceepyoosyaani kēnyiisyēk taman āk sisiit. Nteenee kaakuukaasee keey ꞉nee Yēyiintēēt kuyuu *Apraam. Ara kaayiy ꞉anii ŋālyoo nyēē miyaat atyaaktee nyalili ām pēsyēētaap Sapaatu?”
17 Kiicusyo ꞉puunikaap Yēēsu, nteenee kiiŋērēkiis ꞉piiko alake kupo tukuuk cēpo kaakitat cēē kiikwiiy ꞉Yēēsu.
Wulēē nērtooy ꞉Pātyooyiisyēētaap Yēyiintēēt
(Mataayo 13:31-33; Māārkō 4:30-32)
18 Kiineet ꞉Yēēsu ŋālyoo kunāmē keey āk Pātyooyiisyēētaap Yēyiintēēt. Kiiteepee piiko kule, “Yuu nee ꞉Pātyooyiisyēētaap Yēyiintēēt? Nto +māāyuuyēē nee? 19 Akany āmwoowook, karkeey puswoontēētaap tōpōōrwēēt. Yoo kapiit ꞉puswoontooni, kuwōōyiit ankusapac kōt kōōmuuc kuminy ꞉tōrtōk.”
20 Kiimwooci yēēc ꞉Yēēsu piiko kule, “Karkeey ꞉Pātyooyiisyēētaap Yēyiintēēt 21 yoo kanam ꞉ceepyoosya tukun coo kuutuu pus ankutankwarta pusyeek cēē caaŋ kōt kukuut miisin.”
Kurkeet nyēē mariic
(Mataayo 7:13-14, 21-23)
22 Nto mii yoo, kupuntēē ꞉Yēēsu mōōŋōōsyēk āk sāāŋwēk kuunēētiisyooti yooto tōkōl kutākyinii keey Yēērusālēēm.
23 Yooto, kuteepee ꞉ciito ake kule, “Mākoryoontēēt, makuuraraac ꞉Yēyiintēēt piiko cēē ŋēri paatee?” Kuwēēkyi ꞉Yēēsu kule, 24-25 “Mariic ꞉kurkeetaap Kaap Yēyiin. Kunyoo, kany kutitir ꞉cii sākōōwut kutakuyaataat ꞉kurkeet, āmnyēē yoo kakumur ꞉ciitaap kōōto kurkeenyii makusyeem ꞉piiko cēē caaŋ kule ciiwut, nteenee mēēmuucēktōōs. Nto coo /kaaceekarta saaŋ ānkuukōnykōōny kurkeet kule /cēēyootyi, mākumwooci coo ꞉Mākoryoontēēt kule, ‘-Māānkētook.’
26 Makuriiree keey ꞉picaa kule, ‘Ntēē kiikyoomiisyooti tōkōl ānku ^kiinēētiisyootēē sāāŋwēkyoo!’ 27 Mākumwoow ꞉Mākoryoontēēt kule, ‘-Māānkētook, -māāwutii kōyi kupo miyootyēēt nyoo āpoontē. Kunyoo, āpēēci keey!’ 28 +Māsākuriiryo ꞉piiko cēē caaŋ kwoomē mnyaat kule nto kiiceekas ciiwut /kumunaaceekar kurkeet. Kumii kēēyooŋiis saaŋ, makukas *Apraam, Isaka, Yāākōpō ākoo *wōōrkooyikaap Yēyiintēēt tōkōl coo mii kipkōōnkō. 29 Makukwaanee ꞉piiko komoswookik tōkōl ām kōōrēēt kumukuul ānkunyōōr ātēpuutēkwaa ām Kaap Yēyiin. 30 Nteenee ākērēsyi ŋālyoontooni: Mākupooyiit lēt ꞉coo sutē keey tarat, nto coo sutē keey ŋuny, makuunto.”
Kāwōōtyoontiitaap Yēērusālēēm
(Mataayo 23:37-39)
31 Kiikwoontyi yooto *꞉Farisaayeek alake Yēēsu ānkumwooci kule, “Yoo pērē āsop, ŋeetee yu, āmnyēē mii *꞉Ērōōtē kucēēnyiiŋ kule apakaciiŋ.”
32 Kuwēēkyi ꞉Yēēsu Farisaayeecaa kule, “Ape wāāmwooci mōkōytiinaa kule tāātāstooy keey ꞉anii taay āpēpēētooti muuyōōnik cēē miyootēc ānkāāmiitē āsoopooti piiko yawuut āk tuun, nteenee ām pēsyēētaap sōmōk māāpuntē wuloo cāāmācē. 33 Kupooyiit man, +māāwēēsyēt yawuut, tuun āk kōōyiin. Māyēmēktōōs kumēēci *꞉wōōrkooyoontēētaap Yēyiintēēt wulya ake tōkōl yēē mā Yēērusālēēm.
34 Oo opoo, Yēērusālēēm! Oo opoo, Yēērusālēēm! Ākulē wōōrkooyik ānkāāwiirē rwoontōōk piiko coo yookuu ꞉Yēyiintēēt kule kuyiswook! Kyaasyeem aroosyek cēē caaŋ kule āyiswook kuyuu wuloo yisuntooy ꞉nkokya kinyiinyiiyēēnik kōōwut kapopookyii, nteenee munāākōōno anii ꞉akweek kōt ayiy kuyuu nyooto. 35 Kunyoo, +/maceepukaakta kamwooŋ kwēēk kiratya. Kāāmwoowook, kucakee yawuut kuwō taay kamātāākāsoo ākoy yēē āmwoowuu kule, ‘Kataat ꞉nyoo cōōnii ām kaannyeetaap Yēyiintēēt!’† Tuumwoonik 118:26”