1 Nto mii yoo, kukway ꞉Mākoryoontēēt Yēēsu kāānoomik alak cēē kiipuntooy tāmānwookik tisap* Mwoowuu ꞉siluutookaap Kirikiik alak kule, ‘tāmānwookik tisap āk āyēēny’. kumācē kule ayooktē simkuunto. Kiimācē kule kupeetaatee āyēēny āyēēny ākoy mōōŋōōsyēk āk sāāŋwēk tōkōl cēē kikiikwiitya ꞉nee kule sāruutooci lētuut.

2 Kutoompo kuŋēētōōs ꞉kāānoomik, kumwooci ꞉Yēēsu kule, “Wōō ꞉kisiisyēēt, nteenee ŋēri ꞉kisiik. Kunyoo, āsoom ꞉akweek kutōs ꞉Ciitaap yiisyēēt piiko alak.

3 Ānkēt ꞉akweek kule akarkeeye keey kēēciirooy cēē mii suuyiik kwēēn. 4 Manam ꞉cii peesyaa nto lool nto mpo kwēyōōk alak, -mēēlilēnook ꞉piic ām araan.

5 Yoo kāāwut katya ake tōkōl, āmwooci piikaap kayaato kule, ‘Ānyōōru tāloosyēēt!’ 6 Yoo yēmēktōōs kunyōōr ꞉picaa tāloosyēēt, mākunyōōr. Nto yoo māyēmēktōōs, makuweec keey ꞉tāloosyēēt wuloo āmiitē ꞉akweek.

7-8 Nto yoo kāāwut saaŋta ake /anceetoroocaak ām katya ake, -māālumootēē koorin cēē caaŋ. Āyoomē ānkāāyēē kiy nyēē kākōōnook ꞉piikaap katya āmnyēē yēmē ꞉cii nyoo kāāpirto swaameenyii /ciikooci kiy. 9 Āsoop cēē mnyoontōōs ānkāāmwooci piiko kule, ‘Kāāpuntoocook ꞉Pātyooyiisyēētaap Yēyiintēēt.’

10 Nteenee yoo katay ꞉piikaap mōōŋēēt nyooto meetoroocaak, āŋēētyē ānkāāpuntootē aroosyekaap too ānkāāmwooci piikaap mōōŋoonoo kule, 11 ‘Ciitōōrcook tēērtitaap mōōŋēēmwooŋ nyi miitē kērēēnkōōkyoo sāāsōōtēē keey, nteenee mācēktōōs ānkēt kule kaariik ꞉Pātyooyiisyēētaap Yēyiintēēt.’ 12 !Kāāmwoowook, +/māciimwoontyi piikaap mōōŋēēt nyooto miisin kukeetyee mpo mwooninto nyēē mākunyōōr ꞉piikaap mōōŋēētaap Sōtōm ām pēsyoonoo tiilyoocinii ꞉Yēyiintēēt ŋaleek piiko ām kōōrēēt.”

13 Kutasta keey ꞉Yēēsu taay kumwoow kule, “Wooyey! Mōōŋōōsyēkaap Korasiin ākoo Peetsaayita, Wōō ꞉mwooninto nyēē miitē kukānyoonwook akweek coo kyāāyiwook ŋal cēpo kaakitat. Nto kii piikaap Tiirō nto ku cēpo Sitōōn ꞉cēē /kiciicinii ŋaleecaa po kaakitat, nto kiikōōpuurēē aryaanteet ankuulaac kuniyaanik cēē pooruu kule kaaweecweecee keey miyootyēēt nyēē kiipoonto. 14 Lēyē, mākunyōōr ꞉piikwook mwooninto nyēē kēētyēē nyoo mākunyōōr ꞉piikaap Tiirō ākoo Sitōōn pēsyoonoo tiilyoocinii ꞉Yēyiintēēt piiko ŋal ām kōōrēēt. 15 Nto akweek piikaap Kaapernaam, āpērē +maape ꞉akweek kipkōōnkō naa? Puryo, +maape kaapkwoompiic!

16 Cii ake tōkōl nyoo kālimwook, kukaalimwaanii. Nto nyoo katayaak, kukaataya anii. Nto nyoo kaataya, kukaatay Yēyiintēēt nyoo kiiyookwoo.”

17 Nto yoo kāwokukatita keey ꞉kāānoomicaa kii tāmānwookik tisap, kumwooci Yēēsu ām ŋarakweek kule, “Mākoryoontēēt! Limwēēc mpo aceek ꞉muuyōōnik cēē miyootēc, yoo kāāciipēpēētēē kaannyeeŋuuŋ.” 18 Kuwēēkyi ꞉Yēēsu kule, “Man sōō nee limwook. Kwaakas /cēēwunuku Seetaani kōōsuuwunēē tarat kuyuu yiilat.

19 Kāākōōnook kāāmuukēywēēk cēē ātoortoorēē yēērēēnōōk āk kēnēyiisyēk ānkāāpēl kāāmuukēywēēk tōkōl cēpo Seetaani . 20 !Kāāmwoowook, -māāŋērēēkiisyē kule limwook ꞉muuyōōnik cēē miyootēc, nteenee āŋērēkiisyē, āmnyēē silootiin ꞉kāānnyōōkwook ām Kaap Yēyiin.”

21 Yooto kuunyiitee ꞉Muuyēēt nyēē Tiliil Yēēsu ŋarakweek. Kiisil Yēyiintēēt kumwoow kule, “Ākoostiiŋ nyii Paapa Yēyiintēēt, nyoo pāwu tarat āk ŋuny, āmnyēē ^kiipoorci piiko coo sutē keey ŋuny kiy nyēē kiiwuŋēē piiko coo sōōtē kule nkēt cēē caaŋ ānku ŋoomēc. Kōōnkōy, Paapa, āmnyēē yuu nyooto ꞉wulēē māktooy ꞉nyii. 22 Kiikōōnoo ꞉Paapa kiy ake tōkōl nyēē āpoontē. Paapa nkit ꞉nyēē nkēt wulēē yuunto ꞉leekweenyii, āmēēpērē miitē yēēc ꞉cii nyēē nkēt wulēē yuunto ꞉Paapa, nteenee anii nkit ākoo piiko coo kyaakway āpoorci ꞉cēē nkēt.”

23 Nto mii yoo, kuwēēkyi keey ꞉Yēēsu kāānoomikyii ānkulēēnkyi, “Āyikuu ꞉akweek kātyootiin ām wulēē miitē ꞉Yēyiintēēt ām kiy nyēē kaakas! 24 !Kāāmwoowook, kiikikany *꞉wōōrkooyikaap Yēyiintēēt cēē caaŋ āk pātyooyik kule nto ceekas anceelim kiy nyēē āmiitē ꞉akweek ākāsē, ankumunaalim ankumunaakas.”

25 Nto mii pēsyēēt ake kuteepee ꞉poonwookēēt ake nyēpo *ntarastiit Yēēsu kumii kusyēēmē kule, “Kāānēētiinēēt, +maayiy ꞉anii kule nee sāānyōōru sāpoonto nyēpo akookay?” 26 Kuwēēkyi ꞉Yēēsu kule, “Mwoowuu nee ꞉ntarastiitaap Yēyiintēēt nyoo kiisutu ꞉Muusa?” 27 Kuwēēkyi ꞉neeto Yēēsu kule, “Cam Mākoryoontēēt Yēyiintēēŋuuŋ ām mooyēēŋuuŋ tōkōl, ām sāpoonŋuuŋ tōkōl, swaameeŋuuŋ tōkōl, kāāsōōtēywēēkuuk tōkōl ankeecam laatyeeŋuuŋ† Laatyeet ām yu ku puryo kōt ku laatyeet nyoo po kaa nteenee ciito nyoo kariiruneeniiŋ ām wuuyinto. kuyuu wuloo cāmtooy keey.” 28 Kumwooci ꞉Yēēsu kule, “Kēēmwoowu man, yiy yuu nyooto sēēnyōōru sāpoonto.” 29 Kiimācē ꞉ciicaa āpooru kule āyiku curtaat, kuteepee ꞉Yēēsu kule, “Laatyeemwaanii ku ŋoo?”

30 Kuwēēkyi ꞉Yēēsu kōōyuuyēē cēēpotyāānkōōcēēt kule, “Kimiitē ꞉Yutooyiintēēt ake nyēē kiiŋeetee Yēērusālēēm kurōktooy *Yēērikō. Kumii pooniin, kurōōtyi ꞉cōōriik kupir kuukōōtēn, kupuut ānkupukookyi araan tapan kulalaat. 31 Kucō ꞉Yutooyiintēēt ake nyēē kii *pēēliintēētaap kōrōsēēk, nto pērē āsyēkyi ciicaa kumii yooto po ŋuny, kuutiraam ānkukēētyooci keey. 32 Kuminiŋ yēēc, kucō *꞉Lēēfiintēēt ake. Nto pērē ꞉mpo nee āsyēkyi ciicaa kāāru yooto, kuutiraam tapan ānkuwuci keey. 33 Nteenee kucō *:ciitaap Samaariya nyēē lēēl ꞉moo nyēē kiipoontoonu sikiryēēnyii, kukas ciicaa ankuriirunee. 34 Yooto, kunam saakityeek ākoo mwaatya ānkuuwuuntyi mwooyōōk, kōōnuus ānkurātyi. Nto kaamiit, kukālāpci sikiryēēt patay ānkukwōr katya ake wulēē /kicoolyēē āmiik /āncēēruuytōōs. Kumwooci ciitaap kayaato kule, ‘Riipkwoo ciici ākoy yēē āwēēcē keey.’ 35 Nto yoo kāwokuyēēkunēē, kunam ꞉ciicaa peesaan tukusiic ānkuukooci ciitaap kayaato ānkumwooci kule, ‘Yēē kātāsyi keey ꞉peesyaa ake tōkōl, +mācāāyookuuŋ.’”

36 Yooto kuteepee ꞉Yēēsu poonwookoonoo po ntarastiit kule, “Ām picu sōmōk, ŋoo nyēē laatyeetaap ciicaa kiipir ꞉cōōriik?” 37 Kuwēēkyi ꞉poonwookēētaap ntarastiit kule, “Ciito nyoo kiiriirunee.” Kuwēēkyi ꞉Yēēsu kule, “Wō ankuweeyiy yuu nyooto.”

38 Kiitas ꞉Yēēsu taay ākoo kāānoomikyii ām pooniinēkwaa ākoy saaŋta nyēē kiiminyē ꞉ceepyoosyeet ake nyēē /kicēēkuurēē Marisa. Yooto kāwokupunto, kutorooc ꞉ceepyoosyaanaa kupa kōōnyii. 39 Kiipoonto keey ꞉Marisa ceekwaam nyēē /kicēēkuurēē Mariiya. Kwoomu ꞉Yēēsu lōkōōywēk, kumiitē Mariiya yēpo kērēēnkōōkyii kuyēpcinii yiit kiy nyēē kiinēētē.

40 Nteenee kimiitē ꞉Marisa kuwuulyēē ŋaleekaap āmiik. Nto mii yoo, kuwō yēē kimiitē ꞉Yēēsu ānkumwooci kule, “Mākoryoontēēt! Nto kānyikisyoo ꞉yiisyēētaap āmiik, kany kucokukaalya ꞉Mariiya.” 41 Kuwēēkyi ꞉Yēēsu kule, “Marisa, ntēē miitē yiimēē keey tukuuk cēē caaŋ, 42 nteenee, mii ꞉kiito akeenke nyēē mācēktōōs /ciiy. Kaakway ꞉Mariiya kiy nyēē tāpoon nyēē mēēpērē /tāciinumunēē.”