1 Yooto kāwokuuwaany ꞉Yēēsu kwoomci piiko ŋaleecaa, kuwō ākoo kāānoomikyii ākoy Kaapernaam. 2 Kimiitē ām pēsyōōsyēk cooto ꞉kāāntōōyiintēēt ake nyēpo lukēētaap pooryēēt nyēē mēēpērē kii Yutooyiin. Kiipoonto ꞉ciicaa mutwooriintēēnyii nyēē kiicāmē kōt.

Nto miitē yooto, kumnyaan ꞉mutwooriintoonoo miisin. 3 Yoo kāwokulim ꞉kāāntōōyiintoonoo kunāmē keey āk Yēēsu, kuuyookto pooyik alak cēpo Yutaayeek wokuŋāloolyi Yēēsu cokuusoopci mutwooriintēēnyii.

4 Yooto kāwokupunto ꞉pooyicaa yēē kimiitē ꞉Yēēsu, kusaasyaay kule, “Yēē miitē ꞉cii nyēē mācē /ciikaalya, ku ciicaa, lēyē, 5 āmnyēē kiicameec aceek Yutaayeek kōt kutēēkwēēc mpo *kōōtaap saayeet.” 6 Kucam ꞉Yēēsu kuwēēto keey pooyicaa.

Kutoompo kupuntooy kupo ciicaato, kuuyook ꞉kāāntōōyiintoonoo piiko alak kutōrōōk mpo Yēēsu. Kutuuyēē Yēēsu kēēlyaap too, ānkumwooci kule kāmwoow ꞉kāāntōōyiintoonoo kule, “Mākoryoontēēt, -^meeyiim keey cōō kanyuu āmnyēē māyēmēktōōs. 7 Nto yēēc, munaamuuc ꞉anii nkit ātōrōōkuuŋ, āmnyēē māāyēmē ayiy kuyuu nyooto. Nteenee ŋalaal paatee ām yoo miitē, mākusop ꞉mutwooriintēēnyuu. 8 /Cēēpātyoo anii ānkumii ꞉piiko cēē āpātyooy. Yoo kāāmwooci sikooriintēēnyuu kule, ‘Wō,’ kuwō, nto āmwooci ake kule, ‘Cōō,’ kucō. Nto mpo yoo kāāmwooci mutwooriintēēnyuu kwiiy kiy nyēē pērē, kukwiiy. Kunyoo, yoo ^kēēmwoowu nyii mpo kule kusop ꞉mutwooriintēēnyuu, kusop.” 9 Kiikitee ꞉Yēēsu miisin yēē kāwokulim ŋaleecaa. Kuurōōtoot piiko cēē kimiitē yooto ānkumwoow kule, “Munaakas pēsyēēt ake ām Yutaayeek tōkōl cii nyēē koosēēnoo keey yuu ciici.”

10 Yēē kāwokukatita keey ꞉picaa /kiciiyooktooy, wokunyōōr mutwooriintoonoo kiimnyoonē kāāsop.

11 Yoo kāyēēkunēē, kutākyi keey ꞉Yēēsu āk kāānoomikyii mōōŋēētaap Nayiin kurupooti ꞉piiko cēē caaŋ.

12 Yoo mākupunto mōkōtuutaap mōōŋoonoo, kutuuyēē piiko alak kunāmoonu muustaap wēēro, kupoontoonu keey piiko cēē caaŋ cēē kiimēēsyi. Kii leekwa akeenke paatee nyēpo ceepyoosya nyēē musuk. 13 Kiikāsyi ꞉Yēēsu ceepyoosyaanaa riirik ānkumwooci kule, “Ceepyoos, -mateeriir!” 14 Kuwō ꞉Yēēsu ankunam tuureyiit nyoo kimiitē ꞉muusto. Yēē kāwokunam, kuuyooŋiis ꞉picaa. Yooto, kuŋāloolyi ꞉nee muusto kule, “Wēnyoo, ŋeet paa!” 15 Yooto kāwokumwoow yuu nyooto, kuŋeet ꞉wēēraa pakeenke, kōōpuur ŋuny ankuŋalaal. Nto kaamiit, kuumutyi ꞉Yēēsu leekwaanaa kaameet.

16 Kiimuuyo ꞉piiko tōkōl miisin coo kimiitē yooto ānkumwoow kule, “Wōō ꞉Yēyiintēēt, lēyē! Kāātook yaawuut *꞉wōōrkooyoontēēt nyēē wōō ām kwēēnuunyoo. Kāākuupoorwēēc yaawuut ꞉Yēyiintēēt kāāmuukēywēēkyii.”

17 /Kicaamtaatee ŋaleecaa kōōrēētaap Yutaayeek kumukuul ākoy mpo kōōrōōsyēk coo kii laatoosyekyii.

18 Nto mii yoo, kupa ꞉kāānoomikaap Pātisāniintēēt Yoowaana wulēē /kicēērātyi neeto ānkuwokumwooci ŋaleek tōkōl cēē kiikwiiy ꞉Yēēsu. 19 Kumwooci ꞉Yoowaana kāānoomikyii āyēēny kule, “Ape waateepee Yēēsu yēē nee man ku *Kāārārookiintēēt nyoo /cēēpērē mākucō, nto mii ꞉ake nyēē tācēēkānyē.”

20-21 Kupunto ꞉kāānoomikyii wulooto, kimiitē ꞉Yēēsu kuusoopē piiko cēē kiipoonto pōōrwoonik cēē kiimakarkeey ānkuupēpēētooy muuyōōnik cēē miyootēc kuŋēētyēē piiko ānkuusoop ceekwaraatiisyek. Yooto, kumwooci Yēēsu kule, “Kēēyookwēēc ꞉Pātisāniintēēt Yoowaana kwaceeteepeeniiŋ yēē nyii man ku Kāārārookiintēēt nyoo /cēēpērē mākucō, nto mii ꞉ake nyēē tācēēkānyē.”

22 Kumwooci ꞉Yēēsu kule, “Akatita keey ānkuwāāmwooci Yoowaana tukuuk cēē kaakas: Kāstooy yawuut ꞉ceekwaraatiisyek, pēēstooti ꞉coo kiicunkuut, kusopco ꞉coo kikiikwaam *꞉mutyeenkeenik, limē yawuut ꞉coo kikiimiiŋiitu, kōōtuutunēē meet mpo ꞉coo kikiipōk /āncoomci lōkōōywēk cēē tāpoonēc coo pānoon. 23 Kunyi, wāāmwooci kule kataat ꞉cii ake tōkōl nyoo tākuukoosēēnoo anii keey.”

24 Yooto kāwokupa ꞉kāānoomicaa kiiyooktooy ꞉Yoowaana, kumwooci ꞉Yēēsu piiko kule, “Kyāāpēētii ꞉akweek wāākāsē nee ām kōōr nyēē surkwēēn? Ara kii rōstiit nyēē kiimuucē kuusooyēn ꞉yoomat yoo kāwus? 25 Ara kii cii nyēē kiilaac sirooy cēē kāroorānēc? Puryo, cēē cāmē kistooyēēt ānkuuloocē sirooy cēē ālē peesaan cēē caaŋ kuminyē kupo pātyooyik. 26 Ara kyāāpēētii wāākāsē ŋoo nyuun? Ara kii *wōōrkooyoontēētaap Yēyiintēēt ꞉nyēē kiiwāānyōōru? Kupooyiit man, kyāānyōōru wōōrkooyoontēēt nyēē wōō kusiir wōōrkooyoo ake tōkōl. 27 Nee ꞉nyoo ŋāloolēē ꞉Yēyiintēēt ām yoo /kicēēsil kule, ‘+Māāyooktē kiiyookiintēēnyuu kuunto wokwiityoowuuŋ areet.’† Malaki 3:1 28 !Kāāmwoowook, māmii ꞉cii kōōrooni nyēē wōō kukeetyee Yoowaana, nteenee wōō ꞉nyoo mātookunoot ām pātyooyiisyēētaap Yēyiintēēt kukeetyee nee.”

29 Kiitasta keey ꞉Yēēsu taay kumwoow kule, “Piiko cēē caaŋ coo kiilim kāānēētiisyēētaap Yoowaana ānkuuyēntyi Yēyiintēēt, *kupatisan ꞉Yoowaana ākoy mpo coo kii *kāāruruukikaap musōrēēt. 30 Nteenee kiitay *꞉Farisaayeek ākoo poonwookiikaap *ntarastiit makataanikaap Yēyiintēēt āk pātisāniisyēētaap Yoowaana.

31 Kunyoo, +māāyuuyēē nee ꞉anii piic cēē yuu cu nō, lēyē? 32 Karkeey lēēkōōy cēē mii wulēē caaŋ ꞉piic āmācāmē ŋaleekaap cuut yoo /cēēkuurcinii kule,

33 Yuu nyooto wulēē kiikasta ꞉piiko Yoowaana āk anii. Kiimoomē ꞉Yoowaana āmit cēpo tarat nto kuyēē fiinyōōn. Yooto /cēēmwoow kule, ‘Poonto *muuyēēt nyēē miyaat.’ 34 Kucō *꞉Wēēritaap Cii kwoomiisyi ānkuyēē *fiinyōōnik. Yooto āmwoowuu ꞉akweek kule, ‘Moorooŋnyaa, pōōkityoo ānku coorweetaap kāāruruukikaap *musōrēēt āk piic coo -/māciiriiku.’ 35 Nteenee piiko coo rupē ŋaleekwaanii ꞉cēē nkēt kule ŋoomnēn ꞉nyooto.”

36 Nto mii yoo, kumwooci ꞉akeenke ām *Farisaayeek Yēēsu kule kucō cākwoomiis ām kanyii. Kucam ꞉Yēēsu.

37 Yēē kāwokuunkēt ꞉koorkēēt ake nyēpo mōōŋoontinyoo nyēē kii cēēmōrōnnyoo kule kimiitē ꞉Yēēsu kwoomiisyi ām kupo *Fārisooyiintoonoo, kucōōnto mwaatya nyēē kiipooŋu nyēē anyiny. 38 Kupunto kayaato, ānkukutuŋēē yoo po kērēēnkōōkaap Yēēsu ankuriir. Kiitēci ꞉lōōkik kērēēnkōōkaap Yēēsu kōt kunur. Nto mii yoo, kumasee puutēēk lōōkik coo kiitēcinii kērēēnkōōkaap Yēēsu. Āmnyēē kimācē ꞉koorkoonoo kuupoor kule kāātōrōōr Yēēsu, kucuucun kērēēnkōōk ankuuyiilee mwaayaa.

39 Yēē kāwokukas ꞉Fārisooyiintoonoo kiipo ꞉katya kuyuu nyooto, kumwoowunēē moo kule, “Nto kii *wōōrkooyoontēētaap Yēyiintēēt ꞉ciici, nto kāākuunkēt lēēlistaap koorkooni.” 40 Kumwooci ꞉Yēēsu ciicaa kule, “Sumōōni! Miitē ꞉kiy nyēē āmācē āmwoowuuŋ.” Kumwoow ꞉Sumōōni kule, “Kāānēētiintēēt, pērē āmwoowoo nee?” 41 Kiipoorcinēē ꞉Yēēsu tyoonkōōcēēt kule, “Kiiŋeet ꞉ciito ake, kuupēsēēntyi piiko alak āyēēny peesaanik. Kiipēsēēntyi ake cēē caaŋ miisin, nto ake kuupēsēēntyi cēē ŋēri. 42 Nto yooto kapiir picaa tukwaay mākuuyook peesaanicaa, kwaasta ꞉ciicaa pēsēnaa. Kunyi, ātēēpēēniiŋ kule ŋoo ām picaato tukwaay ꞉nyēē kiipaypayiit miisin?” 43 Kuwēēkyi ꞉Sumōōni kule, “Ām kāāsōōtēywēēkyuu, nyēē kiiŋarac miisin ku ꞉nyoo kiipoonto pēsēnto nyēē wōō.” Kuwēēkyi ꞉Yēēsu kule, “Pooyē man!” 44 Kuweec keey ꞉Yēēsu ankukas koorkoonoo, ānkumwooci Sumōōni kule, “^Keekas koorkooni miitē yu? Kāākōōwuunēē lōōkikyii kērēēnkōōkwaanii ankumasee puutēēkyii. Nteenee āpunu kaŋuuŋ, muneemuuc ꞉nyii mpo kōōnoo pēēko cēē /kāciiwuununēēnoo tēērtit ām kērēēnkōōkyuu. 45-46 Muneemuuc ꞉nyii toroocaa kuyuu wuloo /ciitōrōōktooy toyēēk, nto yiil mētinyuu. Nteenee kāākutōrōōro ꞉koorkooni kōt kōōmuuc kuuyiil kērēēnkōōkwaanii.

47 Kunyoo, wōō cāmiisyēēt nyēē kāākuupoorwoo ꞉koorkooni ānkuupooru kule /ciikoolyooy mpo lēēlisto nyēē wōō. Nto cii nyoo poonto lēēlisto nyēē kiisic /anciikaalya lēēlisnyii, mā wōō ꞉cāmiisyēēt nyēē pooruu.”

48 Kumwooci ꞉Yēēsu koorkoonooto kule, “/Kaaciikaalyiiŋ lēēliswēkuuk.”

49 Yēē kāwokukas ꞉piiko cēē kimiitē kwoomiisyi ākoo Yēēsu ŋaleecaa, kuteepee keey kule, “Ŋoo ꞉ciici ēē, nyi muucē kukaalya piiko lēēliswēkwaa?”

50 Yooto, kumwooci ꞉Yēēsu koorkoonoo kule, “Wēētē kaalyeet. /Kaaciiraraaciiŋ kupo kāāyēnēēŋuuŋ.”