1 Kimiitē ꞉pātyooyiintēēt ake ām pēsyōōsyēk cooto nyēē kiipātyooy kōōrēētaap Roomeek kumukuul. /Kicēēkuurēē pātyooyiintoonoo *Kayisaar Ākuustō nyēē kiimwoow kule /ciiyiit piiko tōkōl ām kōōroonooto. 2 Kiipo taay ꞉kāāyiitiisyoonoo ām nyoo kiikwiiyēktōōs kupātyooy *꞉Kurēēnnyō kōōrēētaap Siirya. 3 /Kicēēmwoow kule kuwō ꞉cii ake tōkōl mōōŋēēnyii /wociiyiit. 4 Kupo yēē kiisālu ꞉Yōōsēēfu kōōtaap *Tāwuti, kuŋeetee mōōŋēētaap Nāāsārēēt ām kōōrēētaap Kalilaaya, kuwō ākoy mōōŋēētaap Pēēsēlēēm ām kōōrēētaap Yuteeya wuloo /kicēēyiici Tāwuti. 5 Kuwō ꞉nee wokusilyo keey ākoo Mariiya nyēē kimācē kule saamut nkal kōt kiporiiktaay. 6 Yēē kiimii ꞉ceek wulooto, kupunto ꞉pārooyinto nyēē kyaam Mariiya ꞉mooyēēt. 7 Yooto, kucam keey wēēriit. Kooluumee leekwaanaa sirook ānkutōōrēē ŋēērēēp kupo yēē kiimāmii ꞉ātēpto kōōtaap toyēēk.

8 Kimiitē ꞉māsēwēēk kōōmooy yeecawuut ake nyēē kiilēēkit kwookooy ānkuriipē kēēciirōkwaa. 9 Kucōōntyi *꞉malayikeet ceekto ankuulakweey ꞉wōōyintaap Yēyiintēēt kōōmuut ceekto. Nto kāwokutook yuu nyooto, kulupul ꞉māsēwēēk miisin. 10 Nteenee kumwooci ꞉malayikeet ceekto kule, “-Māāmuuyē, āsutwook lōkōōywēk cēē tāpoonēc cēpo ŋarakweek ām wulēē mii ꞉piiko tōkōl. 11 /Kācēēyiwook pēsyooni ām mōōŋēētaap *Tāwuti *Kāārārookiintēēt, nyooto ku Mākoryoontēēmwooŋ. 12 Mākutook ꞉pēēluutyēēt sāānkēt ꞉akweek kule nee ku ŋoo. +Māānyōōru leekweet nyēē /kaciiluumee sirook /ānkuciimukoontyi ŋēērēēp.”

13 Pakeenke, kurōk ꞉malayikaanik alake cēē katasta keey ākoo nyiin kuukoostooy Yēyiintēēt kumwoow kule,

15 Nto yooto kāwokatita keey ꞉malayikaanik tarat, kumwooci keey ꞉māsēwēēk kule, “Mērē, akany cipe Pēēsēlēēm woceekas kiyēē kāākuupoorwēēc ꞉Yēyiintēēt.”

16 Yooto kusarta keey ꞉ceek wokunyōōr Mariiya, Yōōsēēfu ākoo leekweet nyēē /kāciimukoon ŋēērēēp. 17 Yooto, kumwooci ꞉ceek cii ake tōkōl ŋaleek cēpo malayikaanik cēē nāmē keey ākoo leekweet. 18 Kuukitee ꞉piiko tōkōl ŋaleecaa kiirāru ꞉māsēwēēk nteenee, 19 kiiyikyi ꞉Mariiya ŋaleecaa moo. 20 Kiikatita keey ꞉māsēwēēk kuukoostootii Yēyiintēēt ām tukuuk tōkōl coo kiikas ꞉ceek āmnyēē kiikas leekweet kuyuu wuloo /kicēēmwootyooci.

21 Ām pēsyēēt nyēpo sisiit kucakee /kācēēyi leekwaanaa, /ciiy saakweet nyēē /kicēēwōōnēē /āncēēmuulyi Yēēsu kaannyeet nyoo kiikoocinii ꞉malayikeet kutoompo /cēēsic.

22-24 /Kicēēsil ām *ntarastiinakaap Yēyiin coo kiikōōnu ꞉Muusa kule puurē ꞉koorko nyēē kāyiy wēēro pēsyōōsyēk artam nto /cēēlāpcinii. Nto yēē /sicēēlāpci, kimācēktōōs kuwēētooy cēēptuukēēnik āyēēny cēē wōōyēc nto āyēēny cēē minkēēc /wociicinēē ntāsimuutēk. /Kicēēsil mpo yēēc kule, leekwa ake tōkōl nyēē /kācēēyiy nyēē kipooreetyeet ānku wēēro, /ciitāpoonē nyoo kupo yiisyēētaap Yēyiin.

Kunyoo, yu kāwokukeetya ꞉pēsyōōsyēcaa po tōmōnnyoontiit, kuwēēto keey ꞉Mariiya Yōōsēēfu kupoontootii leekweet Yēēsu. Kiipa ākoy *Kōōtaap Yēyiintēēt nyēē kiimii Yēērusālēēm. Kiimācē /wociici ntāsimuutēk ām wulooto kuyuu wuloo mwootyooy ntarastiinak ānkupa wokuukootyo Yēēsu kupo yiisyēētaap Yēyiin.

25 Kiimii ꞉ciito ake *Yēērusālēēm nyēē /kicēēkuurēē Simnyōōn nyēē kii lēēl ꞉moo ānku kiicāmē ŋālyoontēētaap Yēyiin miisin. /Kikiiciinyiityi Muuyēēt nyēē Tiliil ānku kiikānyoonu *Kāārārookiintēēt kucō. 26 Kiiŋoonkyi ꞉Muuyēēt nyēē Tiliil kule kutoompo kōt mēē +meekas Kāārārookiintēēt nyoo mākuuyook ꞉Yēyiintēēt. 27 Kiisumkukwōr ꞉Muuyēēt nyēē Tiliil Simiyōōn kuwō *Kōōtaap Yēyiintēēt. 28 Yooto koomut ꞉Yōōsēēfu ākoo Mariiya leekweet. Yēē kāwokupunto ꞉ceek, kunam ꞉Simnyōōn leekweet ankuukaasta Yēyiintēēt kumwoow kule, 29 “Yēyiintēētaap kāāmuukēywēēk, yoo kāāmēēci keey yawuut, māmii ꞉ŋālyoo 30 kupo yēē kaakas leekweet kuyuu wuloo kiimwootyoowoo. Kaakas Kāārārookiintēētaap kōōrēēt nyoo ^kiikuurtoowēēc 31 ānkēēyityooci piiko tōkōl. 32 Makuulakweey pōrōryōōsyēk tōkōl ām kōōrēēt ankwiiy /ciitōrōōr piikaap Isrāyēēl.”

33 Kiikitee ꞉kwaan ākoo kaameet ŋaleek cēē /kicēēmwoow cēē nāmē keey ākoo leekweet. 34 Kiisoom ꞉Simnyōōn Yēyiintēēt kukat ceek ānkumwooci Mariiya kule, “Makwiiy ꞉leekwaani piiko cēē caaŋ ām Isrāyēēl /ciiraraac, nto alak mākupootyo. Mākuupoor kāāmuukēywēēkaap Yēyiintēēt ām Isrāyēēl nteenee makutay ꞉piiko cēē cooŋēc. 35 Yooto, mākuupoor keey ꞉miyootyēēt nyēē kiiwuŋta keey ꞉picaa. Mākumwoontyiiŋ ꞉ŋaleecaa kuyuu rōōtwo nyoo keenooriŋ.”

36 Kiimii mpo ꞉ceepyoosyeet ake nyēē kii wōōrkooyoontēētaap Yēyiintēēt nyēē /kicēēkuurēē Ana anku kiiyoosiit kōt. Kii cēēptaap ciito ake nyēē /kicēēkuurēē Fānwēēli nyēē kiisālu piikaap Āsyēēri. Kiipuurto keey saanteenyii kēnyiisyēk tisap kucakee yēē kiimut keey, nto yooto kume ꞉saanteet. 37 Kiipuur ku musuk ākoy yēē kiipoonto kēnyiisyēk tāmānwookik sisiit āk amwan. Kiiwēētii *Kōōtaap Yēyiintēēt akookay pēēt ākoo kōōmooy wokusooyē Yēyiintēēt ānkukirē āmiik. 38 Kiiwō yoo kiimii ꞉Simnyōōn kuŋāloolyinii Mariiya ākoo Yōōsēēfu ānkucac kuukaasta Yēyiintēēt. Kumwooci cii ake tōkōl nyēē kiikānyē kuuraraac ꞉Yēyiintēēt Yēērusālēēm kule, “Kāāpun ꞉Kāārārookiintēēt.”

39 Yooto kāwokuuwaany Yōōsēēfu ākoo Mariiya kwiiy ntāsimuutēk kuyuu wulēē māktooy *꞉ntarastiinakaap Yēyiintēēt, kukatita keey mōōŋēēmwaa Nāāsārēēt ām Kalilaaya. 40 Kunar leekweet ām wulooto kōt kunyōōr swaameet. Kukat ꞉Yēyiintēēt ānkukooci ŋoomnēnēēt.

41 Ām kēnyiit ake tōkōl kiipēētii ꞉sikiikaap Yēēsu Yēērusālēēm kupo *Saakweetaap Keetyaayeet. 42 Yēē kiipoonto ꞉Yēēsu kēnyiisyēk taman āk āyēēny, /ciipeeta saakwaanaa. 43 Yooto kāwokupōk ꞉saakweet, kupa ꞉sikiik kaa nteenee kuŋōtunēē ꞉Yēēsu lēt wuloo po Yēērusālēēm kumunaakusuk ꞉sikiikyii. 44 Kiisōōtē kule poontooti keey ꞉Yēēsu cōōrōōnuutēkyii nto tilyōōnuutēk. Yēē kāwokwiimēn kōōrēēt, kucac kunay ām wulēē miitē ꞉tilyōōnuutēk āk cōōruunuutēk. 45 Yooto kāwokutook kule māmii ꞉Yēēsu, kukatita keey Yēērusālēēm wokunay. 46 Nto mii pēsyēētaap sōmōk, /wocēēnyōōrci *Kōōtaap Yēyiintēēt kupoonto keey poonwookiikaap ntarastiinak kumii kulimtooy cēē /kicēēmwoowu ānkukiirē ŋal. 47 Kuukitee ꞉cii ake tōkōl nyēē kiikas ŋoomnēnēēnyii āk wulēē kiiwēēktooy ꞉Yēēsu ŋaleek cēē /kicēētēēpēē. 48 Yooto kāwokukas ꞉kwaan ākoo kaameet, kuukitee miisin. Kumwooci ꞉kaameet kule, “Wēērinyuu, ām nee seeyiyeec yuu nyi? Kaciimpacee wuloo tōkōl ākoo kōōn cēēnāyiiŋ.”

49 Kuwēēkyi ꞉Yēēsu kule, “Ām nee sāāmiitē ānāyoo? Māānkēt ꞉akweek kule mācē āmiitē ꞉anii kōōtaap paapamwaanii?” 50-51 Kiimunaasuk ꞉kwaan āk kaameet cēē kiimii kumwoowu ꞉Yēēsu, nteenee kiiyikyi ꞉kaameet ŋaleecaa moo. Yooto kurōkto ꞉ceek kupa Nāāsārēēt ankutasta keey ꞉Yēēsu kuuywēyiisyi. 52 Kuwōōyiit ꞉Yēēsu ankunar ām ŋoomnēnēēt āk pōōrto, ānkucāmē ꞉Yēyiintēēt āk piiko.