Wet Domba Wadien Wfe Na Hra Wlofos Wale Ei
14:1-5
14
Ofo tet thot: toron kat Wet Domba wkro wak riere Sion wasa, hra yidien sisi Ou na kadio kat seratus empat puluh empat ribu (144.000) hra yik ei ysadit ago ysroin ei ykedi yidien yono wai ykedi. 2 Tet toso ro kat salo mreu whi wklan wahin yik ago, whi wklan wde kla smas wsadiak wde fot felek bra. Salo hra tet toso oko wde hra na wbait wftok wfe kecapi. 3 Ei ytrie srar [/ menyanyi] waifi mreu wak takhta mkmuon yik ni ron yitrar-trar hat ei ybariomo. Na mre dait kat wsiwain srar (nyanyian) OKO ha, na deri hra empat ratus empat puluh empat ribu (144.000) hra yiskalofos fien wale yehin fobi kei. 4 Ei ekei na hra yelieksi ysiok sak-sak dait ni yidien na dli, ei ekei ymor-ymor deri. Ei ekei le ma hra siwain kawuak Wet Domba okou wain wse wi man sio ofo yidien yein. Ei ekei wlofos fien kat wale yehin na marok yibe ni sanfe sarhoi*** /sorhoi??? yin Nago wadien fot Wet Domba okou. 5 Mak ei ygiet yi om yigebra dait; ykrek mawain dait. ???blameless???Rana Hatot Fe Nago Whirit
14:6-13
6 Mde tet thot malaikat wat mre whri wkaslok kat wafe yik ago. Ou watik Giet Mabot maron lis om mabe wrana man yikan hra yese yik fobi katak ke ei – man na sa wat kadio kat hra yisalo heit-hat hra ykain wat negara. 7 Malaikat okou wsalo dror wsalo kaf kat: “Neliek la man Nago, nhdin la Ou, fe hra mayi fe le mhok kom mabe Ou wfe penghakiman [OU WTRIESI NAI YSGIA]. Nsaesik man la Ou hra wsiok yik wadien fobi wadien siwan wadien kla sitayi kadio kat.
8 Malaikat kdie lak fe, wbakorwain wrana wto: “Mti wale! Babel mti wale, kota mafle okom, hra mhnak msit fe na sa kadio kat yidien twok kashok mdo.
9 Malaikat wat kdie mre, malaikat hra tolik feu, wbakorwain ei, wadien wsalo kaf kat wto: “Mde hra bo na man ou wto wsaesik man patung korik??? wfe okom, wadien wien fot wale ni kakniet mak wale wsadit afe mak wna kedi, 10 mde bo ou wako Naha wfe twok anggur trere mayaka, wadien bo ou ywar*** sala kwelen feu wak malaikat hra yilais kat ei ysifuon ykmuon olo, yik fot Wet Domba wbariomo wsifuon. 11 Sala mbi hra marin mfiri ei okom kayi de dian-dian kat, amuk tali mkerek dait mfiri kawuak ei, o le ma yikan hra ysa esik man korik??? patung hra yfe okom, yidien fot na man hra ywien fien fot wale ykedi ekei.”
12 Hra ma ewer kat mak ko le ma na hra ynok ysanini kat fe yikohok yi lais, hra siwain ojin Naha wfei yidien ynok, yten ykaso yse Yesus wak.
13 Sba oko fo tet toso salo mahin surga mrana mto: “Nsroin kat: mabot karmiak kat man na hra ykak fe Nago wkedim, yidien hra ko.”
“Toron kat,” Roh mto: “Se bo ei yleli yskaros firi yehin ymet*** ykliowo ei yi, fe ni hra ei ysiok ekei yein siwain ei.”
Fobi Msadmik
14:14-20
14 Ofo tet thot; Toron kat, yik sakait ma elek mrem, mak yik sakait okom masa ago na mre wde Wet na tkoin yfe wleli wsa mahkota emas mrem mak wsa masa ago wadien madien wsiok sak mahak*** mayasan*** kat mak wna. 15 Malaikat wat kdie mreu whok wahin bol sikafit makohok mabri; mde ou wsalo kaf kat wadien wsalo dror kat man na hra waleli wak yik sakait okom, wto: “Nna mguos fali la sak mahak okom, fe hra mayi fe le mhok, wabe ni hra yik fobi ke ei ykanas ytrar wale.” 16 Ofo Ou hra waleli wak yik sakait okou, wyal*** kat sak wfe okom mse fobi, mde fobi kom yala sadmik kat.
17 Sba fo malaikat wat kdie mre whok wahin bol sikafit makohok malais kat om mabri hra mak surga; yik fot ou wna sak mahak mtanhat hra yeit yasan kat. 18 Na malaikat wat kdie mre waka wahin sala kohok; ou ekei wfle wsiokti sala mde wsalo kaf kat wadien wslo fle man malaikat hra wasiokti sak mahak hra yiyasan ekei wto: “Nsat kat la wkoit anggur mkan yhada??? yik fobi ekei, fe hra ykan ekei yrefe wale.” 19 Ofo malaikat okou wyal sak mahak ou wfe yse fobi masa, mde wsat kadio kat anggur ykan ekei yse fobi mde wklat kat yse bak makait eye mafle mabri mak kota tlein, hra Nago wsiok yowain wabe wtrere na tkoin. 20 Nai ykait eye yskafaek ykan ekei yik bak eye maflem mak kota tlein ra, yskafaek kayi de hen om mswe*** /mbawe??? mde hra kaye maflem, mhok mahin bak eye, marin kayi de mkaslok mde nai ykait kuda (o le ma meter lak), mde mlis wain tiga ratus kilometer.