Erwas Wasgia Hra Whok Wahin Siwan Wabri
13:1-10
13
Ofo tet thot erwas kla mre whok wahin siwan wabri ale wsa sagatan yahar wadien wsafakos mtalak; yik wsa sagiatan-giatan ekei ykain wat-wat mahkota yahar yidien ysa ekei nai ysroin ni ykedi hra yhat ymset ytbekein. a 2 Erwas kla hra tet thot okou wsadiak wai*** /wain??? wde mkan kla hoin kla welek/ macan tutul???, mde wteit ei yde beruang wteit, yidien wgiet om mde singa wgiet. Lua bres oko whnak wsafakos*** wkanas om madien takhta fle ou wa hra maflem. b 3 Ofo tet thot oli safakos ekei mre mde hra madien klis moho mhnak sgia fe ron om, mahin klis moho hra mhnak kahiowain fe okom bo mdain. 4 Ei ysaesik man lua bres okou, fe hra ou whnak fle man erwas okou. Madien ysaesik man erwas okou, mde yto fali yto: “Na sie ma wsadiak wde erwas kou? Na sie ma wto wkhan wanak*** wtol wadien ou?”5 Man erwas okou yhnak wgiet hra mhon fe wkashok-shak deri walwain wtbekein sawuan na man ei; Man fot ou yhnak fle feu wsiokti kawuak de wase mok na lak yeigi whri na wna lak (42). c 6 Ofo ou wkobia wgiet om mkhak wabe wtbekein Nago, wtbekein wkedi om wtbekein wadien wfe kemah hra wase ei yidien ni kadio kat hra yik surga ei. 7 Ou ekei ysamenie fe fot wabe wkhan wadien na kadio kat hra ylais kat ynok mse Nago wak wabe wto warin fit ei; man fot ou yhnak fle fe na sa wat man ei wadien wfe wedla na sa wat man ei. d 8 Na kadio kat hra yese yik fobi bo ysaesik man ou, o le ma na wto wkedi wa nai ysroin dait wadien fobi kom siok sayen mak katik fari ron fe om, mahin Wet Domba hra nai ykerek samhak waleu. e
9 Na siom wtefit, ofo waisi ma woso ni kei!
10 Na man hra ybetuk??? wale wabe yhirit,
bo ou le ma nai yhirit;
na man hra ybetuk??? wale wabe yskalit wadien mnian lis pedang,
yskalit kayi wadien mnian lis pedang.
Mabot ma nsamorik deri nadien nnok tmol nten nkaso mde fot na hra yilais kat ynok mse Naha wak. f
Erwas Hra Whok Wahin Fobi Mabri
13:11-18
11 Ofo tet thot erwas wafle wat kdie mre whok wahin fobi mlale mabri aiti wadien wsa sagiatan lak wsadiak wde Wet Domba wadien ou wrana ni ysadiak wain yde lua bres mreu. 12 Ou wkosia kat fle hra erwas wasayen ou wfe om maka wsiokti, molot fe wbahe ni kadio kat hra yese yik fobi ke ei ysaesik kadio kat man erwas hra wasayen ou, hra wakain klis samsa ou wdain wale. 13 Ou wsiok kakniet-knat ni hra yisamsa ei, wadien fot ou wti kat sala tewo mti mahin yik ago maka mse fobi ko mak na marok ysifuon. 14 Ou wsiok sgia ei hra yese yik fobi ke ei yidien ni owuok-awak, hra whnak wale yin ou yibe ou wsiok yik erwas ou wsifuon wbariomo. Ou wbahe hra yese yik fobi ke ei, se bo siok patung mrem mabe ysaesik man erwas hra wkain klis fe mnian lis pedang okou, wanik deri hra yiheit ron lis ekei. 15 Erwas lak fe oko whnak fle ou wa om man erwas patung okom, kayi de erwas patung okom mrana fot ni, kayi de na hra ysaesik dait man patung erwas oko mska ykak kadio kat. 16 Ou wolot fe na kadio kat, yiwet yifle, ykohok afe ybhait, mnet afe kawor, yhnak [YSROIN???] kakniet kyat fe ni mrem mak yna tkoin afe mak ysadit, 17 madien na mre wkain dait kat afe wsafo ha ei hra yikan sisi ykain ni kakniet kyat, o le ma erwas ou wkedi om afe ysroin ou wkedi om.
18 Hra mewer kat o le ma siafolo: Na sio ma hra wto wsiafolo, mabot ma ou waher erwas ekei ykedi fe mres-mres, fe hra na tkoin le ma ykedi ekei, enam ratus enam puluh enam (666).