Katik Fari Lolok Hra Mgiet Tlha***
10:1-11
10
Ofo tet thot wat kdie malaikat hra wakanas mre wais wahin wi mayehet ago, yik sakait mhoborti, Madien wesen mkohli mak ou wsa wadien wsifuon ei ysadiak yde tali mteit, wteit ei yde sala. 2 Ou wkololok katik fari wawet oko wsiok lele mak wna tofo hra mgiet tlha*** wale. Ou wkait wteit wna tkoin mse siwan wadien wteit wna wait mse tlein, 3 Wadien??? ou wkar kohok, wsalo msadiak mde singa wsalo. Ou wsalo om msaswe ofo, rgi mao mtalak ekei ysalo. 4 Rgi mtalak ekei ysalo msaswe sba fo, tet taisi tsroin ni ekei, mahin tet toso salo mre mahin wi mayehet ago mrana mto: “Nen nnok deri, ni hra rgi mtalak yrana fe ekei, nsroin amo yila! Ei yibe khan!”5 Sba oko ofo tet thot malaikat hra wkro wak siwan wasa wak fot tlein ko, wkosia wna tkoin om mse yik ago. 6 Mde ou wfafti ni yin Na hra waron lis Ou, hra wsiok yik wadien ni kadio kat, tlein wadien ni kadio kat, siwan wadien ni kadio kat yto: “Yskatdin oli dait kat. 7 Mde mayi fe hra sangkakala msalo mahin malaikat hra mtalak fe oko, o le ma mde hra ou wfrio sangkakala ou wfe om, mde mtatol kayi madien ni yihlok hra Nago wkerek sadir fe ei, yde kayi hra wrana fe wale yin wfe wedla na dihan ei, o le ma nabi kadio kat.” a
8 Salo hra tet toso wale mahin yik ago ko wrana oli man tet: “Nain nwien fien kat la katik fari lolok hra magiet tlha??? wale mak malaikat hra wkro wak siwan wasa wadien wak tlein oko.”
9 Ofo tet tain tse malaikat ou wak mde tet twaini man ou, se bo ou whnak katik fari lolok okom man tet. Ou wto man tet wto: “Nwien fien man nat la ni okom; bo msiok nkmat om mot, mahin bo mwas karmiak kat mde hok mak ngiet.” 10 Mde tet twien wata katik fari lolok wawet okom mahin malaikat ou wna, mde tat: Mak tgiet mabri thana mwas kayi mde hok, mahin tat kayi mfot ttelek mde thana fo tkmat om mot. b 11 Ofo ou wto oli man tet: “Nen nsewet oli kayi, nrana siar Nago wfe giet man na sa marok, yidien bangsa yirok, nse salo yirok, nse fot raja yirok.”