Sangkakala Hra Mahot Fem
9:1-12
9
Ofo malaikat hra mahot feu wfrio sangkakala ou wam, mde tet thot twon man om mti wale mahin yik ago mse fobi, man om yhnak kunci kmain solot kafir eigi man om. 2 Om mkokhak hrede kmain solot kafir eigi okom, mde mbi fak mhok mahin kmain solot oko mde kayi sala kohok maflem, ofo tali madien yik mayiye ago yimian fe hra mbi fak mhok mahin kmain okom mabri. a 3 Yehin sala mbi okom saden warok-rak yhok yse fobi ko ybahe yiaka*** /yiyaka??? ysadiak yde sibiar mi??? /aflie tmak??? yka yse fobi ko. b 4 Man ni ekei yojin fe, se bo ysiok sgia dait klawleis yidien ni hra yfori kadio kat afe wkoit hra yik fobi ke ei, ha man deri na tkoin hra yren*** dait meterai Nago wfe yik ysadit. c 5 Ei ysamenie fe yibe yska dait na tkoin, ha yibe deri ylet kafir yba ei kayi de yese mok mahot, yidien ni hra yhlet ekei o le ma sibiar mi, mde sibiar mi ekei yatan na tkoin. 6 Mde mayi fe hra oko na kadio kat dihar kafir eigi, mahin ei ytatiere fe dait eigi oko, mabe ei yeisi yto yeigi, mahin kafir eigi om mtainti kat ei. d7 Saden ei ykan ysadiak de kuda hra nai lak yibe yein ykhan ska na, mde saden ei tsa masa om madien ni om mde fangkot emas, ysifuon ei ysadiak yde na tkoin ???sifuon. e 8 Madien ysagien om mde na dli msagien madien yhek ei de singa whek. f 9 Madien ykmuon om mbat-mbat mde ytrik not wlihot-lhat, yoli las ei ysalo yhi yde kereta-kereta hra kuda yrok ykein krit, hra ysese fe mla khan. g 10 Ykales ei ysadiak yde aflie tmak ofo yatan fot, mak ykales mata mkohok mabe mhnak sgia fe na tkoin kayi de mase mok mahot. 11 Raja hra wabahe ei o le ma malaikat kmain solot eigi; na Ibrani ywit yto Abadon mde mak fot salo Yunani ywit fot yto Apolion.
12 Kafir masayen om fewer??? walem. Hra ko floit oli fse kafir malak fe.
Sangkakala Hra Mtamre Fem
9:13-21
13 Ofo malaikat hra mtamre fe wfrio sangkakala ou wa om, mde tet toso ro kat salo mrem mhok mahin salkohok emas ysa sagiatan hat hra yik Nago wbariomo. h 14 Mde wto man malaikat hra mtamre fe hra wsiokti sangkakala okom: “Nnahla kat la malaikat hat hra yik lis kla wafle Efrat ekei.” 15 Ofo wnahla kat malaikat yikan hat ekei ybetuk*** /ybetok??? wale yibe yleli kein tali wkedi man sio, mok man sio wadien der man sio, yibe yska sepertiga na tkoin. 16 Ybalifis kaisin ekei o le ma dua ratus juta kaisin yorin kuda; tet toso yaher balifis tde le eke.
17 Mde kayi le eke tet tasamik kuda-kuda yidien na kadio kat hra yorin ekei; ei ytrik not ylihot*** lis, (hra nai yto baju sira) ydhen yhen yde sala, molnok*** ei ybra madien mri; Kuda ysafakos ei ysadiak yde singa ysafakos, yidien yehin ygiet ei sala mhok, madien mbi madien molnok. 18 Buoros hra tolik kei o le ma yfe kayi na om mdiris kat, salam madien mbi madien molnok mbia*** kwelen*** yfriak yehin ygiet. 19 Fe hra kuda ygiet ei yidien fot ykales ei ykohok. Fe hra ykales ei ysadiak yde lua wales; ei ysafakos mde yidien ysafakos ekei yka ysiok sgia ni warok.
20 Mahin na tkoin mrei ykak dait fe buoros okou, ni hra ei ysiok yisgia yidien yna ei yket fe dait: Ei ysaesik kawuak man roh-roh yiyaka ei, ysaesik kawuak man ni hra yehin emas yidien perak, yehin ni hra klebet afe, amak yidien wkoit hra yhot dait ni yoso ni afe yein, i 21 yidien ei yket dait yehin yska na tkoin, yado ni, ybaca ytik na, ymdo ysiok sebe, yidien yisliak ni.