Kadie yhdin Sma Waron
136:1-26
136
Ntik si man Sma Nago Na Waron fe wbot kamyi!Ou whares om mdolon kawuak man faf, amuk tali mde le kla om.
2 Nsrar man Naha Allah Ou, Ou wfle wewer allah man ei!
Ou whares om mdolon kawuak man faf.
3 Nsrar man Sma Nago Waron, hra wewer wahin na yifle kadio kat yik fobi ko ei.
Ou whares om mdolon kawuak man faf.
4 Nhdin man Sma Nago Na Waron fe hra Ou wsiok ni owuok yifle, Ou deri le wsiok ni kei.
Ou whares om mdolon kawuak man faf.
5 Ou wsiafolo wafik wale yik ago wadien wfe ni warok.
Ou whares om mdolon kawuak man faf.
6 Ou wsni fobi sabarak om mak kla sabarak wabri.
Ou whares om mdolon kawuak man faf.
7 Ou wafik ni ydhen yifle yibe yhanak fobi kom.
Ou whares om mdolon kawuak man faf.
8 Ou wafik tali om hra mkanas mabe mdhen madien tali bhas, mhanak fobi kom.
Ou whares om mdolon kawuak man faf.
9 Ou wafik mok wadien twon ei yibe ydhen yidien amuk.
Ou whares om mdolon kawuak man faf.
10 Nhdin man Sma Nago Na Waron fe hra Ou le ma wsiok wet flesa na Mesir ei yfe yeigi.
Ou whares om mdolon kawuak man faf.
11 Ou wkrit kat na sa Israel yhok yehin ti kat fobi Mesir.
Ou whares om mdolon kawuak man faf.
12 Ou wkrit ei yidien wna hra mkanas kat.
Ou whares om mdolon kawuak man faf.
13 Ou le wfla Siwan Teberau wtariet yibe ei yfoto.
Ou whares om mdolon kawuak man faf.
14 Ou wkri kein na sa Israel yein fe kla wabri ale kawuak de yhok yse fobi matato ale yidien ybot-bot deri.
Ou whares om mdolon kawuak man faf.
15 Mahin klen wsa Mesir ou wadien wfe na sae kahat ei Nago wkosi yik Siwan Teberau.
Ou whares om mdolon kawuak man faf.
16 Nhdin man Sma Nago Na Waron fe Ou le wabe klen wsa fe wfe na ei. Ou watik ei yein fe fobi sabarak.
Ou whares om mdolon kawuak man faf.
17 Ou wska klen wsa hra yifle ei.
Ou whares om mdolon kawuak man faf.
18 Ou wska klen wsa hra ykedi ririn ei.
Ou whares om mdolon kawuak man faf.
19 Ou wska Sihon hra klen wsa na Amori.
Ou whares om mdolon kawuak man faf.
20 Wadien Og hra klen wsa fobi Basan.
Ou whares om mdolon kawuak man faf.
21 Fobi ei yi Nago whnak man wfe na ei.
Ou whares om mdolon kawuak man faf.
22 Whnak oko mabe fobi tit man wfe na bahe Israel.
Ou whares om mdolon kawuak man faf.
23 Nhdin man Sma Nago Na Waron ou fe hra wnok deri faf madien kamuolo nai ykait esik faf.
Ou whares om mdolon kawuak man faf.
24 Ou wko thok kat faf fehin kasin yna ei.
Ou whares om mdolon kawuak man faf.
25 Ou le whnak ni eit fe ni hra yiron yik fobi kei.
Ou whares om mdolon kawuak man faf.
26 Nka faf fhdin la man Allah hra wfle wkamti yik ago.
Ou whares om mdolon kawuak man faf.