Allah, Na Wafle Wabe Safe Na Fobi Kadio
47:1-10
47
Na hra wasroin kadie oko wahin na sa Korah. Wsroin wabe nai ysrar sisi. Bo na watrie kadie ko, ou le ma wsol fien nai ylok ytrie sisi kadie ko yik bol sikafit, yibe yhdin man Allah.2 Na sa rok fobi faf fkashok fe la;
fba ktak la fna yibe Allah ou!
Nka faf fkawu fkaslele fkashok man Ou!
3 Sma Nago Na Waron ou wkanas wewera,
fobi om mrioro fe Ou wabe klen wsa fe ei!
Sma Allah Ou le ma wslonti na malek yik fobi katak kom.
4 Na sa wat man ei hra yaha Ou,
Ou whnak kanas man faf fewer fkait eye ei.
5 Kamuolo Allah ou wlouk helwain fobi tit lokdi whnak man faf fkain kawuak, fe whares om.
Ou whares man Yakub wate kokos faf, mde faf fkashok fe.
6 Allah warin wleli wale wak wfe takhta om, wleli fo nai yka ylia kein yidien ykashok man Ou,
Ofir hra nai yfrio ysalo yifle wata yin Sma Nago Na Waron ou.
7 Nan nka faf fsrar man Allah ou, nka faf fkadie heit ftik si man Ou, man mam mfe Sma we, mam mfe klen wsa we.
8 Faf fik fobi katak fsrar heyit man Allah Ou!
Wa Ou le wabe klen wsa fe wan na marok katak kom.
9 Allah ou wleli wak wi leli kohok malais kat om, wkamti na sa kadio kat ei. Mde na sa rok ei yoso Ou wrana ni, wa ou le wabe klen wsa fe wan na sa marok!
10 [Nsrar heyit fe Ou, fe hra] Allah Ou wfle wewer kayi na yifle hra yslonti na sa wat-wat yik fobi katak kom. Mde ei yka ybalifis mabe yhdin man Ou, man Allah Abraham Ou.
[Nsrar heyit fe Ou,] Fe hra Allah wfle wewer kayi klen wsa fe kadio yfe ni giet ei.
Na kadio kat faf fhdin man Allah hra wewer kayi.