34:1-23
34
Srar hra Daud wlouk, madien wbait lolot na wafle Abimelekh, wde le wkoli. Mde na wafle ou wska dait, wwain kat Daud, se wain.2 Bo tet thdin kawuak man Sma Nago Waron;
tgiet om bo mrana kawuak mabe Ou wbot.
3 Tet tabri kom bo wrana mabe Sma Nago Ou wfle;
Nan hra nbhait fo, noso la ni hra tet trana ei, mde nkashok!
4 Nadien tet faf ftalan fe Sma Nago Waron!
Nka, faf fhdin sisi Ou wkedi om.
5 Tet tsikafit man Sma Nago Waron, ofo Ou woso wadien wfalas.
Tet taliak na hra ysiok sgia tet, mahin Ou wtli kat tet tahin ei yslon tet.
6 Na hra yhot lis Nago ykashok; na hra yorsfe yibri yse Ou wak, ysifuon ei ynarak yibe wfe fle kohok om mdhen mhanak ei yibri ei yi.
ei yiheit yhes dait./ Ysifuon ei yogin dait, yiheit yhes dait.
7 Tet tabe deri na bhait. Mahin twit man Sma Nago Waron, ofo Ou woso tet.
Ou weren kaka tahin kafir hra ysiok sgia tet.
8 Nago wfe malaikat ou wkro ti; ou wkro ti wdehe ti na hra yeliek yin Sma Nago Waron.
9 Nka nat kek la Sma Nago Waron! Ou wbot kamyi.
Nka nse Nago mabe nlak diaman, ofo nkashok kat.
10 Neliek nik Sma Nago Waron! Neliek nin Ou, na hra nibe Ou wa nan!
Na hra yeliek yin Ou ei, ni mre ysakna dait yin ei.
11 Erwas singa hra yfori ei ykanas kat mahin, bo mre-mre ykatot.
Na hra yten ykaso yin Sma Nago Ou ei, bo ni mrei ybot ysakna dait yin ei.
12 Tfe wet nka, noso la tet. Bo tet trana man nan mabe neliek nin Sma Nago Waron Ou.
13 Nan nto neisi nkashok lis? Nan nto nfori kaide ntrar kat, se bo nnok deri ni yibot?
14 Nto neisi nkashok lis fo, ndehe ti ngiet om, se nrana dait ni yisgia. Ndehe ti ntadel om se bo nrana dait siorok-sarak ni amot./ se bo ngebra amot na man ei.
15 Ni hra ysgia fo, nha kat, nehinti kat! Nsiok ni hra ybot.
Ntik hewain se nhat dait na, ei yhat dait nan. Nba lwa wata nai.
16 Sma Nago Waron wsmit lien na hra ysiok ni hra Ou waisi fe.
Yto ywit man Ou fo, Ou woso.
17 Ha na hra ysiok lis ni yisgia, Ou whar kat ei. Yeigi fo, na ynok oli dait ei.
18 Na hra yibri yin Ou ei, yto ykader kohok man Nago fo woso. Ou wsigi kat yehin kafir.
19 Sma Nago Waron wataren wan na hra yibri mtra.
Nago weren kaka na hra ybasan batra.
20 Na hra yibri yibot bo kafir marok yba wata ei mahin,
Sma Nago Waron Ou weren kaka yehin kadio kat.
21 Ykan fo, Nago wdehe ti; ykdois fo nai ytwak dait ei.
22 Na hra yibri yisgia ei fo, basak ni hra yisgia yhok yska ei. (ATAU kafir mba ei)
Na hra yhar kat na hra yibri yse Nago wak ei, basak bo Nago whirit wata ei.
23 Basak Sma Nago Waron bo wlofos fien wfe na bahe;
yto ylak diaman yin Ou wak fo, bo whirit dait ei.