25:1-22
25
Daud Wlouk.Na Wafle Na Ron ee! Tkosia tabri kom man nen.
2 Tten tkaso man Nen Nago, tfe Nago Nen.
Na hra yaha kat tet bo ykanas fo,
na hra yaha kat tet bo ykait wain tet fo,
yasak klo tet, bo tet thes.
Mala Nago! Nliokeit dait amot.
3 Ha na hra yten ykaso man Nen, na ykait flie dait,
na yasak klo dait.
Ha na hra yiyaka yin Nen ei WITHOUT CAUSE, [na kni meles ei, na baret lolot ei]
basak bo yhes.
4 Na Wafle Na Ron ee! Nkakniet man tet
fan hra mabot, fan hra Nen na om,
se tsiok ni hra nen nkashok fe.
5 Nkakniet man tet ni hra ytkoin ytoron kat.
Nkororo tet tsiok kawuak ni hra ybot.
Fe hra Nen le Nago tet ta, Na wa mres eren kaka tet,
de torsfe tabri kom man Nen.
6 Na Wafle Na Ron ee!
Kamuolo nmro fe nbakoko lokdi fe tet.
Nnok tmol deri ni yde le ke.
7 Nnok tmol amot ni hra tsiok ysgia ei
kamuolo tet twet deri.
Nnok tmol amot tet taha kat Nen ee,
kamuolo tet twedla.
Ha nnok tmol deri le Nen nmro fe tet,
Na Wafle Na Ron ee! Na wabot Nen ee.
8 Na Wafle Na Ron ou wbot kat, wtkoin kat,
wkakniet ni hra yibot, wkakniet fan mabot
man na hra ysiok satian.
9 Man na hra yluwa, Ou wkororo fan matoron,
se wnok ni ybot hra ytoron.
Na hra yibri yhes, Ou wkakniet fan Ou wa om.
10 Man na hra yoso man ni hra wrana ei,
man na hra yein fan matoron om,
Ou wnok tmol hene hra wkait wale om,
wsiok ni kadio hra wrana wale man ei.
Fe hra Na Wafle Na Ron ou whares.
11 Na Wafle Na Ron, nyan kat satian ei ydain,
nyan kat tfe satian mafle om,
se bo nai yhdin Nen nkedi om.
12 Na hra yelek man Na Wafle Na Ron ou,
bo wkakniet ei yein fe fan hra Ou waisi.
13 Na ekei bo ykain ni yrok,
yidien ytakein ei yi bo yese lis yin fobi kom.