Tfe Na Ror Wabot
23:1-6
23
Mazmur hra Daud wlouk.Wde le na tkoin wsmit lien wfe ni ror domba ei,
Na Wafle Wa Ron le wsmit lien tet tbot-bot deri,
ni mre ysakna dait man tet.
2 a Tet tde le domba hra wror,
wlo twa tet tase tak klawleis yibra ei,
wsiria tet tse kla hra ytono;
3 whnak siaba fe tet tabri om.
Ou wsiok siowo tet,
se bo tet tain dait fe fan masgia ha,
tain fe fan hra matoron,
se bo tet thdin ou wkedi om.
4 Tet tain wata fe lolik mamian
mahin tet taliak dait kafir mrem
fe hra Nago nen nlolowain la fein.
Kbat nen na, nsiok mabe ntrere kaka tet,
nbasia kat erwas yiyaka ytain yehinti kat tet,
fe hra nen le nkororo tet tke.
5 Tet taliek dait na khan ysiok sgia tet,
tet tat wata ni eit hra Nen ntasa wale yin tet.
Nen nwien fien tet tadien tkashok.
Nfe bot om man tet main kawuak-kawuak-kawuak,
mde le kla sror, mde le met hra mhon kayi mbalihek msror.
6 Bo nen nhares, nbakoko fe tet
kayi de tet tagi.
Basak tet tain tase kawuak
tak bol Na Wafle Wa Ron nen nam
kayi de dian-dian kat.