KABAR BAIK NANG DI
MARKUS
NYAMPEATN
Pangantar
Kitap Kabar Baik Markus nian di mulaiꞌ man pernyataan, “Nianlah Kabar Baik tentang Yesus Karistus Anak Allah.” Dalapm Kabar Baik koa Yesus di nampilatn saurakng nang bakoasa kaꞌ dalapm sigana hal nang di-Nya manjawat. Koasa-Nya nyata kaꞌ cara Ia ngajar, dalapm koasa-Nya kaꞌ roh-roh jahat, man dalapm Ia ngamponiꞌ dosa. Yesus nampilatn diriꞌ-Nya jaji Anak Manunsia nang mareꞌatn nyawa-Nya biar Talino di bebasatn dari dosa. Gesah tentang Yesus kaꞌ dalapm kitap nian di nyampeatn secara nyata man inaꞌ dinosok-nosokatn. Ahe nang Nya manjawat labih panting daripada pakataatn man ajaran-Nya. Lakaꞌ kata-kata pamulaꞌatn nang ponok tentang Yohanes Pamaptis man tentang baptisan Yesus sarata cobaan kaꞌ diriꞌ-Nya.
Kitap Markus nian langsung ngesahatn palayanan Yesus, kususnya tentang kasambuhan-kasambuhan nang di-Nya manjawat man tentang pangajaran-Nya. Pasal-pasal pangabisatn muat gesah tentang ahe nang jaji kaꞌ minggu pangabisatn dalapm idup Tuhan Yesus kaꞌ aiꞌ tanah nian, tarutama tentang Ia di nyalip man Ia mulakng idup dari kamatiatn.
Isiꞌ
Pamulaꞌatn 1:1-13
Palayanan Yesus kaꞌ tangah-tangah masarakat kaꞌ Galilea 1:14; 9:50
Dari Galilea kaꞌ Yerusalem 10:1-52
Minggu pangabisatn kaꞌ Yerusalem man sakitarnya 11:1; 15:47
Yesus lumpat dari kamatiatn 16:1-8
Yesus madahatn diriꞌNya kaꞌ murid-murid man naik kaꞌ saruga 16:9-20