Baobá́ ndea Pɔ́lɔ ka
Philɛmɔ́na
Nsesɔ
1
1 Ka dhasu ékondi Philɛmɔ́na, mmbe aɔbhɛdanaga kimoti na besu. Eme Pɔ́lɔ ámbé, nedundu baobá́ nde kimoti na dhasu Timɔtɛ́ɔ. Ne phɔtɔ ntɔa-mekakɔ ka nyɔngɔ nde, nɛɔmbhɛdanea Kiísito Yéso. 2 Nedundu phɔtɔ ka aoasu Aphía, ka Aakípɔ, mmbe ande bea ntɔ-émani kimoti na besu, na ka babeeki bunde báodhondanaga mɔtɛ a Philɛmɔ́na. 3 Ɛmɛmi nɛsu ande gea, bɔjɛjɛ na bonjánja ékondi ndea Abhasu Mokonga, na Mɔkɔta Yéso Kiísito, ábɛ na benu.Ɛmɛmi ndea Pɔ́lɔ ka nyɔngɔ á nkɔbɛ ndea Philɛmɔ́na, ina akɛ Ɔnɛsímɔ.
4 Cɔ, neombhebha Mokonga esa bhui k'ɛmɛmi nɛmɔ, ka nyɔngɔ akɔ, Philɛmɔ́na. 5 Nga, nɛɔki gea, o n'ekondi na beekea ka Mɔkɔta Yéso. Nɛɔki goto nyɔngɔ ékondi nɛkɔ ka batɔa-Mokonga. 6 Ɛmɛmi nɛmɔ ka Mokonga a phɔtɔ gea, komunaměma nɛsu átɔtɔkisɛ phɔtɔ bukpɛkpɛ á beekea nɛkɔ ka Mɔkɔta Yéso Kiísito. Mpɔ, uubhande bonjánja bhui a ka měma asu, bii be kimoti na Kiísito. 7 Dhani, ekondi nde ɔtɔtɔkisi ka batɔa-Mokonga amɔbɔngɛi phɛ̂, nasɔ́phɔngisi besu baKiísito bɔbhu. Mosa, Ɔnɛsímɔ, dákátú gǎkɛ na kantiti.
8 Nebhiki phɔ okongodea nyɔngɔ abhɔa, nnde akeni ɔ́tɔtɔkisɛu. Uubha gea, ne na bukpɛkpɛ á sosea akɔ k'ina á Kiísito, 9 ka nyɔngɔ nde, nende ngbɛga, ne phɔtɔ ntɔa-mekakɔ ka nyɔngɔ á bhɛdaneaga a Kiísito Yéso. Ne gǎkɛ tɔ ɔkɔmɛma nyɔngɔ nde: 10 Nɛkɔmɛmi phɛ̂ ka nyɔngɔ á nkɔbɛ nɛkɔ Ɔnɛsímɔ, mmbe dákidi mɔtɛmɔ. A bea muku amɔ. Nga, nɛmbɔkɔti yetɔ ka měma bii ne tɔ ka mekakɔ. 11 Mosa, Ɔnɛsímɔ,a dákátú gǎkɛ na kantiti. Kɛkɛ nde, a yetɔ ne k'obɛ, n'eme.
Mbhɛda tɔ Ɔnɛsímɔ be'eme
12 Cɔ, nensikisi mɔtɛkɔ, yɛ na yetɔ měma ani. 13 Netókondi ika na yɛ mɔtɛmɔ ka gea, ámɔbhɛdaneɛgɛ bea nteki nɛkɔ sumbii ne phɔ́tɔ ka mekakɔ ka nyɔngɔ á moangɔ ndea Kiísito. 14 Kégi gǎkɛ bo, ka nyɔngɔ nde beketɔ́ɔkanimbɛ. Nekondi ndiu gea, beekea nɛkɔ átɔkɛ ka měma akɔ, kanga á sosea.
15 Kǎsi Ɔnɛsímɔ akoti ka mbenɔ abhɔa gea, ábɛ nkpa nɛkɔ esa bhui.b 16 Nga, kábɛku yɛ tɔ nkɔbɛ nɛkɔ, abande ndiu munamasu ka měma, mmbe benkondi phɛ̂. Ne phɔtɔ n'ekondi akpɛ ka yɛ. K'obɛ, abande goto tɔ bo phɛ̂, ka nyɔngɔ nde, nna tɔndɔ ntɔa-Kiísito, ande goto nkɔbɛ nɛkɔ.
17 Cɔ, bii bende batɔa-komunaměma, mbhɛda tɔ be'eme. 18 Goto, kabɛ nakogii ajede, kabɛ no na nyɔngɔ óphendɔ ka yɛ, ɔ́mɔmɛma tɔ. 19 Cɔ, ûubha etete á dundua ani bíndɔ eme Pɔ́lɔ, nedundu nyɔngɔ nde ka njaga ani sasa ani: Nekophendande kanga á ngaka. Koboseɛmbɛ gǎkɛ gea te, o na nyɔngɔ asi mɔtɛmɔ, ka nyɔngɔ nde nɛkɔbɔkɔti ka měma. 20 Eya dhani, nekodengemisigi, ɔ́mɔphɔngisa mɛma, ka nyɔngɔ nde, be kimoti na Mɔkɔta Kiísito.
21 Cɔ, nekodundui bii ne na nsebeɔ k'obɛ, nga, obeekeande ɛmɛmi nɛmɔ. Ne phɔtɔ uubha te, ogeande anja phɛ̂, kɔnyɛnya bíndɔ nedundu. Neobhika. 22 Cɔ, bhisa k'ani ɔma á tɔ̌. Nga, nesebei te, Mokonga aɔkande ɛmɛmi nɛnu, áomojuanisa ka mekakɔ, áomoteka mɔtɛnu.
Mɔkɔ