Nkpangeɔ 36

Ɛbɔkɔti ndea Ɛsáu

1 Ɔnáni ɛbɔkɔti ndea Ɛsáu mmbe bá phɔtɔ ɔmɔphana Ɛdhɔ́mu 2 Ɛsáu débǔ bake nɛkɛ baseka á ka Kanána: Ádha na Ɔlibháma. Ádha dátu nseka ndea Ɛlɔ́ni, ntɔa ka Íti. Ɔlibháma dátu nseka ndea Ána mosuko á Sibhɛɔ́ni ntɔa ka Íphi. 3 Ɛsáu dám'bǔ phɔtɔ Bhasɛmáti nseka ndea Isumaíli aɔakɛ na Nɛbhayɔ́ti. 4 Ádha áɔm'bɔkɔta na Ɛsáu Ɛ́lipháji. Bhasɛmáti áɔm'bɔkɔta Luɛ́li. 5 Ɔlibháma dɛ́bɔkɔti: Yɛúsi, Yaláma, na Kɔ́la. Bundɔ báunge bánde baniki-bǒko ndea Ɛsáu bunde dɛ́bɔkɔti ka Kanána.

6 Ɛsáu dɛ́bhɛdi bake nɛkɛ, banakɛ bakɛ na bǒko, babhɛdanigi nɛkɛ bɔbhu, etugɛ nɛkɛ na banyama nɛkɛ bɔbhu, na nkumba bhui nnde dátɔi na Kanána. Áoga ka nji nengbo danga na munamakɛ Yakɔ́bɔ. 7 Cɔ, ɛtɔi nɛbɔ dábiki phɛ̂. Kabondɔ nji nde dábaiki kau dɛ́bɔkanigi ně, ka isa á banyama nɛbɔ. 8 Kabondɔ unge Ɛsáu mmbe báɔmɔphana Ɛdhɔ́mu, â gǎkɛ oga oika ka nji á mamba-mambha ndɔ Sɛíi.

9 Cɔ, ɔ́nani ekombo ndea Ɛsáu tata baƐdhɔ́mu, mmbe dáiki ka nji á mamba-mba ndɔ Sɛíi.

10 Ina á baniki-bǒko ndea Ɛsáu a unge. Ɛsáu na nkakɛ Ádha, dábam'bɔkɔti Ɛ́lipháji. Ɛsáu na nkakɛ Bhasɛmáti, baɔm'bɔkɔta Luɛ́li. 11 Baniki-bǒko ndea Ɛ́lipháji dábatu: Tɛmáni, Omái, Jɛ́phɔ, Gatamu na Kɛnasi. 12 Ɛ́lipháji muna Ɛsáu dátu goto na nke bangbó inakɛ Timúna. Baɔm'bɔkɔta naye miki-mǒko ina akɛ Amalɛ́ki 13 Bhasɛmáti nka Ɛsáu dám'bɔkɔti Luɛ́li. Luɛ́li â gǎkɛ ɔm'bɔkɔta: Naáti, Jɛ́la, Sáma na Míja. 14 Ɔlibháma muna Ána mosuko á Sibhɛɔ́ni, dám'bɔkɔtɛi Ɛsáu: Yɛúsi, Yalámu na Kɔ́la.

15 Ɔ́bɔnani baamɛ á ekombo ndea bana Ɛsáu.Bana ange Ɛ́lipháji dábatu baamɛ ndea baTɛmáni, baOmái, baJɛphɔ, baKɛnaji, 16 baKɔ́la, baGatámu, na baAmalɛ́ki. Bundɔ baunge bánde baniki-bǒko ndea Ɛ́lipháji ka Ɛdhɔ́mu Bundɔ bánde baniki-bǒko ndea Ɛsáu na nkakɛ Ádha. 17 Ɔ́bɔnani baniki-bǒko ndea Luɛ́li dábatu baamɛ ndea baNaáti, baJɛ́la, baSáma na baMíja. Bundɔ bánde baamɛ ndea Luɛ́li ka Ɛdhɔ́mu, mmbe Ɛsáu na nkakɛ Bhasɛmáti dábam'bɔkɔti. 18 Ɔ́bɔnani baamɛ á ekombo ndea Ɔlibháma nka Ɛsáu: moamɛ Yɛúsi, Yalámu na Kɔ́la, bunde bánde bana Ɔlibháma nka Ɛsáu nseka ndea Ána.

19 Bundɔ báunge bánde baniki-bǒko ndea Ɛsáu ande gea te baamɛ ndea baƐdhɔ́mu

Bakpa nde dábakpangi ika ka nji á Sɛíli

20 Ɔ́bɔnani yetɔ baniki-bǒko ndea Sɛíli ntɔa ka Ɔ́li bunde dabakpangi ika ka nji ndɔ: Lɔtáni, Sɔbháli, Sibhɛɔ́ni, Ána 21 Dhisɔ́ni, Ɛjɛ́li na Dhisáni. Bundɔ báunge bánde baamɛ á batɔa ka Ɔ́li, baniki-bǒko ndea Sɛíli ka nji Ɛdhɔ́mu 22 Baniki-bǒko ndea Lɔtáni dábatu: Ɔ́li na Ɛmámu. Timúna dátu aɔakɛ na Lɔtáni. 23 Cɔ, ɔ́bɔnani baniki-bǒko ndea Sɔbháli: Alpháni, Manaáti, Ɛbháli, Sɛ́phɔ na Ɔnámu. 24 Ɔ́bɔnani baniki-bǒko ndea Sibhɛɔ́ni: Áya na Ána. Ána a ámbé dáɔni ntoɔ á ibo ajo ka nkanda mbenɔ nde dáǒisa bamponda ndea abhakɛ Sibhɛɔ́ni. 25 Bana Ána muna Sɛíli baunge: miki-mǒko dátu Dhisɔ́ni na miki-nke Ɔlibháma. 26 Ɔ́bɔnani baniki-bǒko ndea Dhisɔ́ni muna Sɛíli: Ɛmudháni, Ɛsibháni, Itiláni na Kɛláni. 27 Ɔ́bɔnani baniki-bǒko ndea Ɛjɛ́li : Bhiliáni, Jaoáni na Akáni. 28 Baniki-bǒko ndea Dhisáni dábatu: Úsi na Aláni.

29 Cɔ, baamɛ á k'ekombo á bana Ɔ́li baunge: Lɔtáni, Sɔbháli, Sibhɛɔ́ni, Ána 30 Dhisɔ́ni, Ɛjɛ́li na Dhisáni Nkpa moci-moci sɔsɔbɛ abɔ dátu moamɛ á ekombo nɛkɛ ka nji Sɛíli.

Baamɛ á nji á Ɛdhɔ́mu

31 Baamɛ nde dábai nji á Ɛdhɔ́mu mosa á ka baamɛ ea nji á baIsilaɛ́li baunge: 32 Bhɛla muna Bhɛɔli dái nji á Ɛdhɔ́mu Ina á kenombe nde daiki kau dátu Dhiniabha. 33 Bhɛla akuye, mpɔ Yɔbhabhu muna Jɛla mmbe á ka Bhɔsila áoba moamɛ k'ɔma nɛkɛ. 34 Yɔbhabhu akuye, Usamu mmbe á ka nji á batɔa ka Tɛmáni áoba moamɛ k'ɔma nɛkɛ. 35 Usamu akuye, Ádhadhi miki-mǒko ndea Bhɛdhadhi áoba moamɛ k'ɔma nɛkɛ. Ina á kenombe nde dáiki kau dátu Aiti. Mmbe a ámbé dékindi baMidhiani ka nji á Mɔabhu. 36 Adhádhi aku ye, Samúla ntɔa ka Masilɛ́ka áoba moamɛ k'ɔma nɛkɛ. 37 Samúla aku ye, Saúli ntɔa ka Lɛɔbháti nnde á ka mpɛphɛ á ɔba, áoba moamɛ k'ɔma nɛkɛ. 38 Saúli aku ye, Bháli-Anáni miki-mǒko ndea Akibhɔ́li áoba moamɛ k'ɔma nɛkɛ. 39 Bháli-Anáni muna Akibhɔ́li aku ye, Adháli áoba moamɛ k'ɔma nɛkɛ. Ina á kenombe nɛkɛ dátu Páu. Ina á nkakɛ dátu Mɛɛtabhɛ́li, nseka ndea Matilɛ́dhi, mosuko ndea Mɛjaábha.

40 Ina á baamɛ á k'ekombo ndea Ɛsáu ka nji nɛbɔ a unge: Timúna, Alóa, Yɛtɛ́ti, 41 Ɔlibháma, Ɛ́la, Pinɔ́ni, 42 Kɛnáji, Tɛmáni, Mibhusáli, 43 Magidhiɛ́li na Ilámu. Bundɔ baunge bánde baamɛ á baƐdhɔ́mu ka nji nɛbɔ, ka kenombe nɛbɔ nnde dábaiki kau. Nnde ande sungiaga á mbinɔ á Ɛsáu abhakɛ na Ɛdhɔ́mu