Ɛbɔkɔti á bana Nɔ́a
10
1 Mbusa á tuma á ibo phɛ̂, baniki-bǒko ndea Nɔ́a: Sɛ́mu, Amu na Yaphɛ́ti dábɛ̌bɔkɔti baniki-bǒko. Cɔ, ɔnani ɛbɔkɔti nɛbɔ:2 Baniki-bǒko ndea Yaphɛ́ti dábatu: Gɔmɛ́li, Magɔ́gi, Madhai, Yaphani, Tubhali, Mɛsɛ́ki na Tilasi. 3 Baniki-bǒko ndea Gɔmɛ́li: Asikɛnasi, Liphati na Tɔgaama. 4 Baniki-bǒko ndea Yaphani: Elíca, Taasísi, Kitímu na Lɔdhanímu. 5 Ɛbɔkɔti nɛbɔ a unge andandi k'ɔbɛɛ óbenge. Báoika etunda-etunda ka nji nɛbɔ, ka yɔngɛa nɛbɔ na k'ekombo nɛbɔ.
6 Baniki-bǒko ndea Amu dábatu: Kúsi, Misilaímu, Púti na Kanána. 7Baniki-bǒko ndea Kúsi: Sɛ́bha, Aphíla, Sabhúta, Laɛ́ma, Sabhutɛ́ka. Baniki-bǒko ndea Laɛ́ma dábatu: Sɛ́bha na Dhɛdháni 8 Kúsi dám'bɔkɔti phɔtɔ Nimulɔ́dhi, mmbe dátu muuka á ka mosa-mosa ka mokonda. 9 Dátu ngusa akpɛkpɛ phɛ̂ mosa á *Mɔkɔta-Mokonga. Kabondɔ unge báɔyɔnga: «Ngusa akpɛkpɛ bea Nimulɔ́dhi mosa á Mɔkɔta-Mokonga.» 10 Kenombe á nkpangeɔ á kɔkɔta nɛkɛ dátu Bhabhɛ́li, Ɛɛ́ki, Akadhi na Kalɛ́ni ka nji Sinɛai. 11 Nimulɔ́dhi áotoka na Sinɛai áoga na Asulia. Áɔphɛka Ninao, Lɛɔbhɔ́ti-Ili, Kɛ́la 12 na Lɛsɛ́ni sɔsɔbɛ á Ninao na Kenombe angbóngbo á ka Kɛ́la.
13 Cɔ, basuko á Misilaímu dábatu batɔa ka Lúdhi, Anamu, Lɛabhi, Naphutúi, 14 Patulúsi na Kasilúsi bande cina á baPhilistíni, na baKaphutɔlímu.
15 Kanána dám'bɔkɔti ange nɛkɛ Sidhɔ́na. Â phɔtɔ ɔm'bɔkɔta Iti, 16 na tata baYɛbhusi, baAmɔ́li, baGiigasi, 17 baÍphi, baAaki, baSíni, 18 baAlaadhi, baJɛmali, na baAmati. Mbusa, batɔa k'ekombo ndea Kanána báophanjekana. 19 Nji ndea basuko á Kanána dábakpangi ka Sidhɔ́na ka gǎ na Gɛlali, ka sungiaga na Gasa. Nci á na Sɔdhɔ́ma, Gɔmɔ́la, Adhíma na Jɛbhuímu, áosungiaga ka Lasa. 20 Bundɔ baunge bande basuko á Amu bunde dábagabhekani k'ɛbɔkɔti nɛbɔ ka nji, k'ekombo na ka yɔngɛa nɛbɔ.
21 Sɛ́mu, phomi akɛ na Yaphɛ́ti, ange ka sɔphɔ nɛbɔ, dátu tata Ɛbhulanía n'ɛbɔkɔti nɛkɛ bhui. 22 Baniki-bǒko ndea Sɛ́mu dábatu: Ɛlamu, Asúu, Aipakisadhi, Lúdhi na Alámu. 23 Baniki-bǒko ndea Alámu dábatu: Usi, Úli, Gɛtɛ́li na Masi. 24 Aipakisadhi dám'bɔkɔti Cɛ́la. Cɛ́la áɔm'bɔkɔta Ɛbhɛ́li. 25 Ɛbhɛ́li dɛ́bɔkɔti baniki-bǒko babɛ: Ina á ange dátu, Pɛlɛ́gi, ande gea te « Katana.» Nga, ka mbenɔ á enda akɛ a unge batɔa ka mokonda dábakatanigi. Ina á juɛbɛ dátu gǎkɛ Yɔkitani. 26 Yɔkitani áɔ̌bɔkɔta Almɔdhadhi, Sɛlɛ́phu, Ajalimaɛ́ti, Yɛ́la, 27 Adhɔlamu, Ujai, Dhikɛ́la, 28 Ɔbhali, Abhimaɛ́li, Sɛ́bha, 29 Ɔphíi, Aphilama na Yɔbhabhu. Bundɔ bɔbhu dábatu baniki-bǒko ndea Yɔkitani. 30 Nji nde dábaiki kau dákpangi na Mɛ́sa aoga osungiaga na Sɛphali kenombe á mamba-mamba á n'okomo. 31 Bundɔ bande basuko á Sɛ́mu ka nji nɛbɔ, yɔngɛa nɛbɔ, ekuna nɛbɔ, n'ɛbɔkɔti nɛbɔ.
32 Cɔ, nndɔ ande ekombo ndea baniki-bǒko ndea Nɔ́a, k'ɛbɔkɔti nɛbɔ, k'ekombo nɛbɔ. Subi abɔ a unge bakpa dábandandi ka mokonda mbusa á tuma á ibo phɛ̂.